Nahum 1
1
1Nineveh tawh kisai thusuak khat. Elkhosh-te Nahum mangmuhna laibu ahi hi.#Pc 10:11
Nineveh tunga TOPA Hehna
2 TOPA in a aam le phula Pasian ahi hi;
TOPA in phu la-a thangpaihna tawh a dim hi.#Pk 20:5
TOPA in ama galte tungah phu la-a,
a galte langah a thangpai hi.
3 TOPA heh baih lo-a, vanglian mahmah hi;#Ne 9:17
TOPA in a khialte dan tuaksak loin a om kei hi.#Pk 34:7
A paina-ah huihpi nungin pingpei kipei-a,#Pk 14:21
meiite a khepeka leivui ahi hi.#2Sa 22:10
4 Amah in tuipi tai-a keucip hi;#Pk 14:22
amah in gunte khempeuh a kangsak hi.
Bashan le Carmel-te keugaw in
Lebanon pakpalhte a vul hi.#Isa 33:9
5 Ama mai-ah mualliante kilinga,#Pk 19:18
mualneute a tuisuakmang hi.
Ama omna ah leitang le#Joel 2:10
leitung le a sunga omte khempeuh kiling uh hi.#Eze 38:20
6 Ama lunghamna kua in nangzo ding hiam?#Ph 130:3
Amah hehluatna kua in thuakzo ding hiam?#Ph 76:7
A thangpaihna mei bangin a sungkhia hi;#Isa 5:24-25
ama mai-ah suangtumte kitamzan hi;#1Ku 19:11
7 TOPA hoih a,#Jer 33:11
lungkham hunin bukna ahi hi.
Amah a muangte don a,#Ph 1:6
8 ahi hangin Nineveh tuikhang tuumsakin#Isa 8:7
a beisak ding hi;
a galte khuamial sungah a delhkek ding hi.
9 TOPA langah a sawmsimnate khempeuh uh#Hos 7:15
amah a#1.9 Ahikeh TOPA in a beisak ding hi;
lunghimawhna nih vei hong tung lo ding hi.
10 Amaute ling lakah awkin#2Sa 23:6
a zu dawn uh kham ding uh hi.
Lopa keu bangin kangtum ding uh hi. b#1.10 Hebrew in hih tang kician lo hi.
11 Nineveh aw, nang sungah
TOPA langbawl sawma,
gitlohna thukuppih khat piangkhia hi.
12 TOPA gen hih ahi hi:
"Amaute hat mahmah in a tam mahmah uh hangin
kiphuktanin a maimang ding uh hi.#Isa 10:34
Judah aw, nang kong bawlsiat khit hangin
kong bawlsia kik nawn kei ding hi.
13 Tu-in note ngawnga hakkol ka sutan dinga#Isa 9:4
na kolte uh ka bottat ding hi," a ci hi.#Job 12:18
14 TOPA in nang Nineveh tawh kisai-in thu hong pia khin hi,
"Na min pua dingin suan le khak na nei nawn kei ding hi.#Isa 14:22
Na pasian biakinn sunga om na bawltawm uh
limte le na sun uh milimte ka susia ding hi.
Note siahuai lua na hi manun
na hankhuk ding uh ka bawl ding hi," a ci hi.#Jer 28:8
15 Hua mualliante tunga
thuthak hoih hong puakpa,#Isa 40:9
kilemna tangkopa khe en in!#Isa 52:7
Judah aw, na pawite uh bawl unla,#Isa 52:1
na kiciamnate uh tangtungsak un.
Migilote in note hong sim nawn kei ding uh hi;
amaute kisusiamang ding hi.
Currently Selected:
Nahum 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
