Malachi 4
4
TOPA’ Ni
1"A ni hong tung takpi ta hi; pummei-a kang hong bang ding hi. A kiphasakte le migilote khempeuh ninpa keu tawh kibang ding uh a, hong tung ding tua ni-in amaute meikhuk ah a khul ding hi," Thahatpen TOPA in ci hi. "A bul a hiangin amaute a kinusiat kei ding hi. 2 Ahi hangin ka min a kihta note adingin a khate tungah damna tuangin thumaanna ni a suak ding hi. Tuateh bawngnote a kikhumna pan kikhahkhia-a a dian uh bangin paikhia-in na diang ding uh hi. 3 Tua ciangin migilote na tuancil ding uh a, hih nate ka hih ni ciangin amaute na khepek nuai-ua vut a suak ding uh hi," Thahatpen TOPA in ci hi.#Da 7:13
4 "Ka nasempa Moses thukham, Israel-te khempeuh adinga Horeb a amah ka piak ka thukipte le ka thukhamte phawk un.#Tp 28:61; Ph 147:19
5 "Ngai un, a lauhuai mahmah TOPA ni lian hong tun ma-in kamsangpa Elijah kong sawl ding hi. 6 Amah in a pa lungsim a tate lamah hei dinga, a tate lungsim a pate lamah a hei ding hi. Tua hi kei leh kei hong pai-in na gam uh hamsiatna tawh ka susia ding hi," a ci hi.#1Ku 17:1; Lk1:17
Currently Selected:
Malachi 4: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission