Joshua 16
16
Ephraim le Manasseh-te Sehtanh
1Joseph sehtanh in Jericho tuite nisuahna-lam Jericho a Jordan d#16.1 Jericho a Jordan pen tanglai-a Jordan Gun min hi kha ding hi. panin kipana, tua lai pan paito-in sehnel-gam kantan-a, Bethel mualtung gam sungah a lut to hi. 2 Bethel (tua pen Lud) e#16.2 Septuagint; Hebrew ah Bethel pan Luz panin pai lai-a, Ataroth a Ark-te gam kantan in, 3 nitumna-lam ah Japhlet-te gam lamah sukpai-a, Beth Horon Nuainung kual Gezer dong bansukin tuipi ah a tawp hi.
4 Tuaci-in Joseph suante Manasseh le Ephraim-te in amau gouluah a ngah uh hi.#Jos 18:5
5 Hih in Ephraim-te a bawng’bawng’a a gam uh ahi hi.
Amaute luahna gamgi, Beth Horon Tungnung nisuahna lama om Ataroth Addar panin pai-a, 6 tuipi a zom hi. Micmethath panin leilu-lam manawhin Taanath Shiloh dong nisuahna-lam manawhin kualto a, nisuahna-lam Janoah dongah a kantan hi. 7 Tua ciangin Janoah panin Ataroth le Naarah dong tuaksuk-a, Jericho nawkin Jordan ah a suakkhia hi. 8 Tappuah panin gamgi in nitumna lam manawh a Kanah Kuampi ah tungin tuipi ah a tawp hi. Hih in Ephraim behte in a bawngbawng’ a, a luah uh ahi hi. 9 Tua in Manasseh-te luah sung panin Ephraim-te adinga kikhenkhia khuapite le a khuaneute khempeuh zong a huam hi.
10 Amaute in Gezer a tengsa Canaan-te a hawlkhia kei uh hi; tuni dong Ephraim mite lakah Canaan-te teng uh a, ahi hangin zawhthawh thu in na kisemsak hi.
Currently Selected:
Joshua 16: ZIV
Highlight
Copy
Compare
Share
Want to have your highlights saved across all your devices? Sign up or sign in
Copyright 1994 Myanmar Center for World Mission
