Jonah 2
2
Jonah Thungetna
1Jonah in ngapi gil sung pan TOPA ama Pasian tungah thu a ngen hi. 2 Amah in:
"Ka lungdon hunin TOPA ka sama,#Ph 18:6; 120:1
amah in kei hong dawng hi.
Hankhuk a#2.2 Hebrew ah Sheol thukpi panin nong huh ding kong ngena,
kong kikona nong za hi.
3 A thukna mun sung nong denna-a,
tuipi thukpenna munah ka om a,
tui kiveite in kei hong pingpei-in
nangma tuihualte khempeuh le
na tui kilokte in ka tungah a hong vial hi.#Ph 42:7
4 "Na maitang panin
kei hong kihawlkhia ta hi;#Ph 31:22
ahi hangin na biakinnpi siangtho lam
ka en kik veve ding hi," ka ci hi.
5 Na tui kipei in kei hong delhcip a#2.5 Ahikeh ka gawlvang sungah tuite a,
tui thukpi in kei hong umcih hi;
tuipi tuipaante in ka lu vialcip hi.#Ph 69:1-2
6 Mualliante bulpi dong ka tumsuk hi;
a nuai-ah lei in kei hong dongcip den hi.
Ahi hangin TOPA keima Pasian aw dumpi sung panin ka nuntakna nong laktohsak hi.#Ph 30:3
7 "TOPA aw, ka nuntakna a bah gawp ciangin
nang kong phawka,
ka thungetna
na biakinnpi siangtho sung nang tungah hong tung hi.#Ph 18:6
8 Bangmah a man lo milim beelte in,#2Ku 17:15; Jer 10:8
amau ading hehpihna a taan uh hi.
9 Ahi hangin ke’n lungdamna la tawh
nang kong bia ding hi.
Ka kiciamnasa ka tangtungsak dinghi.#Thn 5:4-5
TOPA kiang panin hotkhiatna hong pai hi," a ci hi.#Ph 3:8
10 Tuateh TOPA in ngasa thu pia a, lei keu ah Jonah luakhia hi.
Currently Selected:
Jonah 2: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
