Job 8
8
Bildad
1Tua ciangin Shuh mi Bildad in dawng a:#Job 18:1; 25:1
2 "Tua bangte bangtanvei gengen lai ding na hi hiam?#Job 11:2; 18:2
Na kammalte huihsia nung hi lel hi.#2Kh 36:16
3 Pasian in thutang lehzat ahi hiam?
Thahatpa in thumaan lehzat ahi hiam?#Pc 18:25
4 Na tate ama tungah a khialh ciangin
amau mawhna dan amaute thuaksak hi.#Job 1:19
5 Ahi zongin Pasian zongin,
Thahatpa tungah na thum ding leh,#Job 5:8; 9:15
6 siangthoin na thutan nak leh,
tu nangawnin amahmah nang tangin
tho dinga na mun manah hong koihkik ding hi.#Job 5:24
7 Na kipat tungin a zawng ding na bat hangin
mailam ah na dau pai ding hi.#Job 21:13; Jer 29:11
8 A khang masate dong lecin
a pate uh sinsa na theikhia ding hi;
9 ahang in, eite zandiaka suak hi hanga bangmah i thei kei hi;#Pc 47:9
tuateh i leitung hun lah niliim bang bek ahi hi.#2Kh 10:6
10 Hong genin hong hilh thei buang lo ding uh ahi hiam?#Pn 1:8
Amaute theihsa sung pan hong gen thei buang lo ding uh hiam?#Pn 2:1-2
11 Ciknawng om lohna ah laiphai kungte sang po zo ahi hiam?#Job 40:21
Tui loin pumpeng khang thei ahi hiam?#Isa 19:6; 35:7
12 A khansan laitakin a kivat kei zong
lopa sangin keu baihzaw hi.#2Ku 19:26
13 Pasian a mangngilh mite nuntakna tua bang ahi hi;#Ph 19:17; 37:38
tua bangin Pasian mangngilhte lametna mangthang hi.#Job 6:9; Pn 10:28
14 Tua ama kimuanna kisia baih a, b#8.14 Hebrew in hih kammal kician lo hi.
ama kingakna pangpaan ahi hi.#Job 27:18; Isa 59:5
15 A pangpaan tungah a kingak hangin a kikek hi;
a tungah bawm a, ahi hangin tua in a khoh kei hi.#Mt 7:26
16 Amah ni-onna munah limtaka
tui kibuak singno huan sung tengah a zung a kha kawikawi;#Ph 80:11; Jer 11;16
17 suang kiciangte kikalah a zung a kha,
suang laka a zung khak nading a zong singkung tawh kibang hi.
18 Ahi hangin a mun pan a kibawhkhiat ciangin tua mun in theikha nawn lo a,
‘Nang kong mu ngei kei hi,’ ci hi.
19 Tua singkung hinna keucip mang a,
tuateh tua lei hoih munah singno dangte a po takpi hi. c#8.19 Ahikeh tua lungnopna khempeuh ah#Ph 119:90
20 "Pasian in sitbaang lo mi nilkhia loin,#Job 1:1
gitlohna a semte khut a thakhauhsak kei takpi hi.#Pc 18:25
21 Na kam dimdimin hong nuisak dinga,#Job 5:22
lungnuamin hong awngawngsak ding hi.#Job 35:10; Ph 47:5
22 Maizumna in na galte, tuam dinga,#Job 27:7
mi gilote buk a om nawn kei ding hi," a ci hi.#Job 18:6
Currently Selected:
Job 8: ZIV
Highlight
Copy
Compare
Share
Want to have your highlights saved across all your devices? Sign up or sign in
Copyright 1994 Myanmar Center for World Mission
