Job 10
10
1Ka nuntakna mahmah ka cimtak hi;
tua ahi manin ka ututin ka phun dinga
ka lunggimna ka genkhia ding hi.
2 Pasian kiangah: Kei hong mawhpaih kei inla#Job 13:3
nong mawhsakna hong gen in, ka ci ding hi.
3 Kei hong kinengniam a,#Job 9:22
na bawlsate kisimmawhbawlin#Pc 1:26
migilote ngimna na maitaipih ciangin na lungkim ahi hiam?
4 Ci-le-sa mit nei na hi hiam?
Mihing muh bangin mu na hi hiam?#1Sa 16:7
5 Na nite mihingte aa bang,
ahikeh na kumte mihingte aa bang ahi hiam?#Job 36:26; Ph 39:5
6 Ka khialhnate zongin bang hangin
ka mawhna hong sulzuih na hi hiam?
7 Mawhna ka neih loh lam,#Job 6:29
na khut panin hong honkhia zo kuamah a om loh lam, thei hi lo na hi hiam?
8 "Na khut in kei hong geelin nong bawl hi.#Pc 2:7
Tu-in kei hong susia zel ding na hi hiam?#2Sa 14:14
9 Tungman bangin kei nong seek lam phawk in.#Job 4:9
Tu-in leivui hong suaksak zel ding na hi hiam?#Job 7:21
10 Nawitui bangin kei nong sungkhia a,
nawikhal bangin nong khalsak a,
11 vun le satakin nong tuam a,
guh le thagui-in hong khuituah hi lo na hi hiam?#Ph 139:13
12 Hong nungtasakin, migitna nong lak a,#Pc 2:7
nangma huaina sungah kei ka nungta hi.
13 "Ahi hangin hih in na lungsima na selsiah hi a,
hih pen na lungsim ahilam ka thei ta hi:#Job 23:13
14 Ka mawh leh nong vil gige a,#Job 13:27
ka mawhna dan pan nong pengsak kei ding hi.
15 Ka khialhkhak leh thuak mah ning!
Mawhpenga ka om nangawnin ka lu ka phong thei kei hi;#Job 9:13
ahang in, ka mai zum lua a,
gim thuakna sungah a#10.15 Ahikeh kidawm ka kia hi.#Ph 25:16
16 Ka lu phongkaang pan leng humpinelkai bangin nong gem khiankhian a,#Ph 7:2
a kihtak huai na vangliatna nong tungsak hi.#Job 5:9
17 Kei hong langpan ding teci thak nong puak a,#2Ku 21:10
kei tungah na heh semsem hi.#Ru 1:21
Kei lamah na hatna a hualhualin hong tung hi.#Job 5:7
18 "Bang hangin sul sung pan hong pusuakkhiasak peuhmah na hi hiam?#Job 3:8
Kuama hong muh ma-in si leng ka ut hi.#Job 3:26
19 Mihinga piang vet lo, ahikeh sul sung panin
han a zuanpah hizaw leng maw!#Job 3:3; Jer 15:10
20 Ka hun tomno beikuan ta hi lo ahi hiam?#Job 7:7
Tomno sung nuam ka sak theih nadingin kei kiang pan kihemkhia in.
21 Kuamah a kileh kik nawn lohna mun,#2Sa 12:23
khuamial le niliap b#10.21 Ahikeh sihna liim; tg. 22 ah zong thukpi in a tuamcipna mun,#Job 3:5
22 zan khuamial penpenna mun, niliap thukpi,
khuavak nangawn khuamial tawh a kibatna mun ka tun ma-in
tomvei sung ka lungnop nadingin kei hong nusia in," a ci hi.#1Sa 2:9
Currently Selected:
Job 10: ZIV
Highlight
Copy
Compare
Share
Want to have your highlights saved across all your devices? Sign up or sign in
Copyright 1994 Myanmar Center for World Mission
