John 12
12
Bethany ah Jesu Sathau Kinilh
1Paisan-pawi ma ni guk laitakin Jesu in misi pana a thawhsakpa Lazarus tenna Bethany ah Jesu a tung hi. 2 Hih lai-ah Jesu pahtawina in nitak-an kivak hi. Martha in an nek ding bawl-a sabuai-a kingamte lakah Lazarus a om hi. 3 Tua ciangin Mary in nard sathau citak a namtui, a manpha mahmah pint a#12.3 Greek ah litra khat (litre 0.5 bang hi kha thei ding) khat tawi a, Jesu khepekte buakin a sam tawh a khepekte a nul hi. Tuateh sathau namtui gim in inn sung khempeuh a zel khin hi.#Jn 11:2
4 Ahi hangin a nungzuite khat, a nung cianga amah lehhek ding pa Judas Iscariot in, 5 "Bang hanga hih sathau namtui zuaka a sum mizawngte kipia zaw lo ahi hiam? Tua in kum khat thaman b#12.5 Greek ah denari za thum zah man hi," a ci hi. 6 Amah in mizawngte a khualna tawh a cih hi loin amah guta ahi man ahi hi; amah sum-ip kem hi-a tua sunga kikoihte ama adingin a la zelzel pa ahi hi.#Jn 13:29
7 Jesu in, "Amah bangmah cih dah un, ka kivui ni cianga dingin a sit sathau namtui zang ahi hi. 8 Note mizawngte tawh na om khawm lai ding uh hi. Ahi hangin kei tawh na omkhawm tawntung kei ding uh hi," a ci hi.
9 Tua hun sungin Jesu tua lai-a a om lam Jew mihon tampi in a theih uh ciangin a va pai uh hi. Ama hang bek hi loin misi pana a thawhsakpa Lazarus zong a mu nuam uh hi.#Tp 15:11; Jn 19:40 10 Tua ahi ciangin siampi makaite in Lazarus zong thah a sawm uh hi. 11 Ahang in, ama hangin Jesu lamah Jew-te kihei uh a, amah a muang uh hi.#Jn 11:43-45
Gualzo-a Lutna
12 A zing ciangin Pawi sima pai mihon tampi in, Jesu in Jerusalem zuan, cih thu a za uh hi. 13 Amaute nisuh hiang tawi-in amah dawn dingin paikhia uh a,
"Hosanna!" c#12.13 Hebrew ah a genna khatah"Honkhia!" lamdang sakna phatna suak
"Topa mina hong paipa in thupha a ngah hi!" d#12.13 Ph. 118:25,26
"Israel Kumpipa in thupha a ngah hi!" ci-in a awng uh hi.#Jn 1:49
14 Jesu in laano khat mu a,
15 "Zion Tanu aw, lau kei in;
en in, na kumpipa laapi ta laano tungah tuangin hong pai hi,"
ci-a kigelhsa bangin tua tungah a tuang hi. e#12.15 Zec. 9:9
16 A tunglai teng a nungzuite in hihte khempeuh a theitel kei uh hi. Jesu a kipahtawi khit ciang bekin ama thu hih banga, a kigelh lam le amaute in hih banga hih uh ahilam a thei pan bek uh hi.#Mk 9:32; Jn 2:22
17 Tua laitakin amah tawh a om khawm mihonpite in, amah in han sung panin Lazarus sama, misi pan a thawh sakna thu a thangsak beh lailai uh hi. 18 Hih nalamdang a bawlna thu a zak manun mi tampite amah dawn dingin a kuankhia uh hi. 19 Tua ciangin Pharisee-te in, "Thei un, bangmah i lawh zo nawn kei hi. Leitung bupin ama nung zui khinmang uh hi!" a kici uh hi.
Jesu in A Sih ding Genkhol
20 Pawi sunga Pasian bia dinga pai mite lakah Greek-te pawlkhat a om uh hi. 21 Amaute Galilee gama Bethsaida a teng Philip kiangah pai uh a, "Sia aw, Jesu ka mu nuam uh hi," ci-in a thum uh hi. 22 Philip in Andrew ko-a Andrew le Philip in Jesu a ko sawn uh hi.#Jn 7:35; Ns 11:20
23 Jesu in, "Mihing Tapa a kimin-thansak hun tung zo hi. 24 Thutak kong geninah, mangbuh tang khat lei lakah kia-a, a sih phot kei leh a tang khat guak mah om niloh hi. Ahi hangin a sih leh tang tampi a suang hi. 25 Ama nuntakna a it mi in taan dinga, hih leitunga, a nuntakna a mudah mi in nuntak tawntungna adingin a kemcing ding hi. 26 Ka na a sem peuhmah in kei hong zuih pelmawh kul-a, kei omna ah ka nasempa zong a om ding hi. Ka na a sem mi peuhmah ka Pa in a pahtawi ding hi.#Mt 26:18; Jn 14:3
27 "Tu-in ka lungmang hi, bang ka ci gen ding hiam? ‘Pa aw, hih hun panin hong hon in,’ ka ci ding hiam? Ka ci kei ding hi, hih hang maha hih hun dong a tung ka hi hi. 28 Pa aw, na min thangsak in!" a ci hi.#Mt 26:38-39
Tua ciangin, "Ka thangsak zo a, ka thangsak lai ding hi," ci-in vantung pan aw khat a ging hi. 29 Tua lai-a om mihonpite in za uh a, vanging hi, a ci tawh, vansawltak in amah hopih hi, a ci tawh a om uh hi.#Mt 3:17; Lk 3:22
30 Jesu in, "Hih aw, kei phattuam nading hi loin note ading ahi hi. 31 Hih leitunga thu khen ding tu hun ahi hi; hih leitung a ukpa tu-in kihawlkhia ding hi. 32 Ahi hangin kei ka hileh leitung pan hong kikhaitoh ciangin kei lamah mi khempeuh ka huai ding hi," a ci hi. 33 Hih bang a cih ciangin a sih cianga a sihzia ding lak ahi hi.#Jn 16:11; 18:32
34 Mihonpite in, "Thukham sungah, ‘Christ, a#12.34 Ahikeh Messiah a om tawntung ding hi,’ cih ka za uh hi. Tua hi napi bang dinga, ‘Mihing Tapa kikhaito ding,’ ci thei na hi hiam? Hih Mihing Tapa kua ahi hiam?" a ci uh hi.#Isa 9:7
35 Tua ciangin Jesu in amaute kiang ah, "Note in tawmvei sung bek khuavak na nei lai ding uh hi. Khuamial in hong lap ma-in khuavak na neih lai-un pai un. Khuamial laka paite in a pai nading uh a thei kei uh hi. 36 Khuavak tate na suah theih nadingun khuavak na neih lai-un khuavak muang un," a ci hi. Thu a gen khit ciangin Jesu paikhia a, amaute lak pan a kisel hi.#Eph 5:8
Jew-te in Um Tuan Lo Lai
37 Jesu in amaute om-a, hih lim lam dangte a bawl khit nangawnin amaute in a um tuan kei lailai uh hi. 38 Hih in kamsangpa Isaiah gen:
"Topa aw, ka thugen kuan um-a,
kua tungah Topa khut kilaak hiam?" b#12.38 Isa. 53:1 a cih thu a tangtunsak nading ahi hi.
39 Hih thu hangin amaute in a um thei kei uh hi. Bang hang hiam cih leh Isaiah in mun dangah:
40 "Amah in amaute mit tawsakin,
a lungtangte uh sisak hi,
tua ahi manin a mit uh tawh bangmah mu thei lo uh a,
a lungtang uh tawh zong bangmah theitel thei loin
a kihei thei kei uh hi - tua hi kei leh amaute ka damsak kha ding hi," c#12.40 Isa. 6:10 ci hi.
41 Isaiah in Jesu minthanna mu zo ahi manin ama thu a na gen ahi hi.#Isa 6:1-4
42 Tua hi napi a makai tampite lak nangawn ah tua hun mahmah in tampi in amah a um uh hi. Ahi zongin Pharisee-te in synagogue pan a hawlkhiat ding a lau manun a upna uh a pulakkhia ngam kei uh hi. 43 Ahang in, amaute in Pasian phatna sangin, mihing phatna a itzaw uh hi.#Jn 7:48; 9:22
44 Tua ciangin Jesu in, "Mi khat in kei hong up leh, kei bek hong um kei hi. Kei hong sawlpa zong a um hi. 45 Kei hong et ciangin kei hong sawlpa a mu hi. 46 Kei hong um khat beek khuamial ah a om loh nadingin khuavakin leitung ah hong pai ka hi hi.#Mt 10:40
47 "Ka thugente za napi a zui lo mi tungah thu ka khen kei ding hi. Ahang in, leitung thukhen dinga hong pai ka hi kei a, a honkhia dinga hong pai ka hizaw hi. 48 Kei hong nial a, ka thugente a sang lo mi ading thukhenpa khat a om hi. Ni nunung ni ciangin tua ka thu genkhiat tektek in amah a mawhpaih ding hi. 49 Ahang in, keima ut thu-a gen ka hi kei a, kei hong sawl Pa in bang thu gen dinga, bangci gen ding cih hong thu piaksa bek ka gen hi. 50 Hih thupiakna in nuntak tawntungna tun hi cih ka thei hi. Tua ahi ciangin ka gen peuhmah Pa in kei gen dinga hong hilh tektekte bek ka gen hi," ci-in a kiko hi.#Mt 25:46; Jn 3:17
Currently Selected:
John 12: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission