Isaiah 3
3
Judah le Jerusalem Tung Thukhenna
1Tu-in en in, Topa Thahatpen
TOPA in,
Judah le Jerusalem panin
huhna le huhna puakna:
an nek ding le tuidawn ding a sikna khempeuh,#Isa 5:13
2 mithahatpa le galhangpa,
thukhenpa le kamsangpa
thu-magenpa le upapa,
3 mi sawmnga ukpa le mi zalianpa,#Job 22:8
thu lamlakpa le a kiva khutsiam le mi bum siamte a lakhia ta ding hi.#Thn 10:11
4 Naupangte amau ulian ka suaksak ding hi;
naupang melmawlte in amaute a uk ding uh hi.#Thn 10:16
5 Mite khat le khat kinengniam ding uh a,
mi khatin khat langpanin a vengpa in a vengpa a langpan ding hi.#Ph 28:3
Uhamte langah khangnote pang ding uh a,
mi zahtakhuaite langah mi nautangte pang ding uh hi.
6 Mi khat in a pa’ inn ah a sanggampa khat manin:
"Nang puantualpi na nei hi,
nang i makai suak in;
hih a sia lompi teng nangmah’n kem in!" a ci ding hi.
7 Ahi hangin tuani ciangin amah in,#Isa 2:11
"Bangmah hih theih ka nei kei hi,#Jer 30:12
ka inn sungah an nek ding ahikeh puansilh ding ka nei kei hi;#Joel 1:16
mite makai hong hisak kei un," ci-in a awngkhia ding hi.#Isa 24:2
8 Jerusalem hoi ta a,
Judah a pukpuk hi ta hi;#Isa 1:7
amau kampaute le a gamtatnate un TOPA lang panga,#2Kh 33:6
ama minthanna omna a langpan hi.#Job 1:11
9 Amau maisuah in amaute langah teci panga;
Sodom bangin amau mawhna a lakkhia hi;#Pc 13:13
a im kei uh hi.
Amaute in gimna nak thuak na un cia!
Amau le amau a kisiattut uh ahi hi.#Ro 6:23
10 Amau gamtatna gah nopsakpih ding uh ahi manin#Pc 15:1
a thuman mite tungah, thuhoih ding hi, ci-in gen un.#Tp 5:33
11 Migilote in gimna nak thuak si un cia! Amaute tungah siatna tung tah!#Job 9:13
Amau khuta a sepna uh tawh kizui-in kithuk kik ding hi.#Jer 21:14
12 Khangnote in ka mite nuainet uh a,
numeite in amaute a uk uh hi.
Ka mite aw, na mapite un lam hong khialhpih khin uh hi;#Isa 9:16
amaute in lam hong pialpih khin uh hi.
13 Thukhen dingin TOPA tu-a;#Job 10:2
a mite thu a khen ta ding hi.#Ph 8:21
14 Upate le a mite makaite langah
thukhen dingin TOPA tum a:#1Sa 12:7
"Ka lenggui lo a siasak note na hi uh hi;
mizawngte na a sut note inn sung pan ahi hi.#Job 24:9
15 Ka mite sikcipin mizawngte maitang na gawi uh,#Isa 10:6
bang na cihna uh hiam?"
Topa, Thahatpen TOPA in cikhia hi.
16 TOPA in,
"Zion numeite kiphasak lua-in,#Zai 3:11
ngawng dok gaakgaaksa-in lam pai uh a,
a mit uh hei pampamin
kal tom suan toihtoih sa-in
a siakbulhte uh a gingsak salsal uh hi.
17 Tua ahi ciangin Topa in Zion numeite a lutunguah meima veisak a;
TOPA in a luzang vun uh a tolsak hi," a ci hi.#Eze 27:31
18 Tua ni ciangin Topa in amau kizepna hoihte: banbulhte le lutuamte le khade lim ngawngawhte, 19 bilbahte le taute le maikhuh dialte; 20 lukhuhte, siakbulhte, kawngtente, gimnamtui tholte le aibawmte, 21 min gelhna zungbuhte le nakbahte, 22 puantual hoihte le puanvaante le puantualpite, sumbawmte le 23 limlangte, saihadial puante le dialkhipte le silhthuahdialte a hawkkhiat mangsak ding hi.#Isa 2:11; Eze 16:10
24 Gimnamtui tangin uihnam hi dinga;#Isa 4:4
kawnggak tangin khauhual,
sam bawl sinsen tangin lutol;#Sp 13:40
puan hoih tangin ippi puan,#Pc 37:34
mel hoih tangin pawnsia hi ding hi.#2Sa 10:4
25 Na mite namsau-in puk ding uh a,#Isa 1:20
na galhangte gal sungah a si ding uh hi.
26 Zion kongpite taamlo-in thum ding uh a;#Ph 137:1
a hawm guakin tuanu leitual ah a tu ding hi.#Job 2:13
Currently Selected:
Isaiah 3: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission