Isaiah 25
25
TOPA Kiphat Hen
1TOPA aw, ka Pasian na hi hi;
muanhuaina kiciantakin
tanglai peka na geelsa nate
a piandang nate bawl khin na hi manin#Ph 98:1
nang kong tawisang dinga, na min ka phat ding hi.
2 Nangmah in khuapi, ninlompi na suaksak a,#Isa 17:1
kulha ki-um khua susia-in
gamdangte mun muanhuaite khuapi a hi nawn lo dingin na bawla;#Isa 13:22
a kilam kik ngei nawn kei ding hi.
3 Tua ahi manin mi thahatte in nang hong pahtawi ding uh a,#Pk 6:2; Ph 22:23
a cikzia thei lo minamte’ khuapite in nang hong zahtak mahmah ding uh hi.#Isa 13:11
4 Mizawngte adingin bukna na hi a,#Isa 4:6; 17:10
a tasamte lungdon cianga bukna mun,#Isa 14:30
huihpi pana kidalna le#Ph 55:8
nisa pana niliim na hi hi.
Ahang in a cikzia thei lo husan in
kulh a mut gawp huihpi tawh kibanga
5 sehnel-gam nisa tawh a kibang hi.
Meiilum in nisa a dialhsak bangin
gamdangte gamlumna na daisak a,#Jer 51:55
tua ciangin a cikzia thei lo mite sip dide hi.
6 Thahatpen TOPA in hih mual tungah
mi khempeuh adingin an lim mahmah,#Mt 8:11; 22:4
zu gei mahmah -
an limpen nekna le zu cilpen dawnna pawi a bawl ding hi.#Pn 9:2
7 Amah in hih mual tungah
mi khempeuh khuhin a vialcip,#2Co 5:15-16; Eph 4:18
minamte khempeuh a kituamnate susia ding hi,
8 sihna a valhtum den ding hi.#Hos 13:14
Thupipen TOPA in maitang
khempeuh pana khitui teng nulsak dinga,#Kil 7:17
leitunga ama mi khempeuh
minsiatna a beisak ding hi.#Mt 5:11; 1Pe 4:14
TOPA gensa ahi hi.
9 Tua ni ciangin amaute in,
"Hih in eite Pasian hi takpi hi;#Isa 40:9
amah i muanga, amah’n hong hon hi.#Ph 20:5; Isa 33:22
Hih in TOPA, amah i muanpa ahi hi;
ama hotkhiatna ah nuamsa-in kipak ni," a ci ding uh hi.#Isa 35:2,10
10 Hih mualtung ah TOPA khut a kinga ding hi;#Isa 2:2
ahi hangin nindum sungah buhtu a kisikcip bangin
ama nuai-ah Moab-te a kisikcip ding hi.#Am 2:1-3
11 Tuipekpa in tuipekin a khut a van bangin
a sungah a khut uh a van ding uh hi.
Pasian in amaute kiphatsakpih khut siamna a#25.11 Hih kammal Hebrew ah a cihnopna kician lo hi.
a niamkhiatsak ding hi.#Job 40:12; Isa 5:25
12 Amah in a kulh muanhuaite uh zong
nuaikhiatsakin a niamsak ding hi;#Isa 15:1
amah in tuate lei tawh kicinin nuaikhiat dinga
leivui a suaksak ding hi.
Currently Selected:
Isaiah 25: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission