Isaiah 13
13
Babylon Langah Genkholhna
1Amoz tapa Isaiah in Babylon tawh kisai thusuak a muhna:#Pc 10:10; Isa 14:4; 20:2
2 Mualdawn kui ah dialkhai khat khai inla,#Jer 50:2; 51:27
kongpi-ah uliante a lut nadingin
otsan-in
amaute khutvan un.
3 Ka misiangthote ka sawl khin hi;
ka thangpaihna a suahkhia dingin#Joel 3:11
ka gualzawhna nuam a sa -#Ph 149:2
ka galte ka sam khin hi.
4 Mualtunga mihon tampi gamlumna tawh
a kibang ngai dih un!#Joel 3:14
Ngai un, kumpi-gamte laka kikona
minamte kikaikhawm tawh kibang veh!#Ph 46:6
Thahatpen TOPA in gal sim dingin
galkap kaikhawm hi.#Isa 47:4
5 Vante mong pan -
gamlapi-a gamte panin#Isa 5:26
TOPA le ama thangpaihna galhiamte tawisa in#Isa 10:25
gambuppi susia dingin amaute hong kuan uh hi.#Isa 24:1
6 TOPA ni naita ahi manin kap vangvang un;#Eze 30:2; Joel 1:15
Thahatpen c#13.6 Hebrew ah Shaddai pana suksiatna hong tung ding hi.
7 Hih thu hangin khut khempeuh zaw dinga#2Ku 19:26
mihing lungsim peuhmah tuisuak khin ding hi.
8 Lauthawngna in amaute man dinga,#Isa 21:4
lunggimna le a na valval in amaute mekcip ding hi;#Pk 15:14
amaute numei nausuahnat thuak a bang ding uh hi.#Jn 16:21
Lamdang sa-in khat le khat kisal gega ding uh a,
a mai uh a san lela ding hi.#Na 2:10
9 En in, thangpai lua-a hehna tawh
leitung gamkhing suaksakin
a sunga om mawhneite a susia dingin TOPA ni -
a gilo ni hong tungta hi.#Isa 2:12; Jer 51:2
10 Vantunga aksite le amau vuklamte
a tang kei ding uh hi.
Nisuak kimlai kimialsak dinga#Isa 5:30; Kil 8:12
khapi zong a tang kei ding hi.#Eze 32:7; Mt 24:29*
11 Leitung-a tatsiatna hang le
migilote mawhna hangin dan ka thuaksak khawm ding hi.#Isa 3:11
Mi kiphasakte’ ki-uatsakna beisakin,#Ph 10:5; Pn 16:18
mi gamhtatte kisaktheihna ka niamkhiat ding hi.#Isa 25:3,5
12 Keimah in kham citak sangin a ciimzaw,#Isa 4:1
Ophir kham sangin a citawmzaw in mihingte ka bawl ding hi.#Pc 10:29
13 Tua ahi ciangin Thahatpen TOPA thangpai a,#Isa 9:19
ka hehna a kuan ciangin#Job 9:5
vante ka lingsak dinga#Isa 34:4
leitung a omna munah a kilok ding hi.#Isa 14:16
14 A kidelh sanang bang le
a cing om lo tuu bangin mite,#1Ku 22:17
amau mipihte kiangah ciah kik ciat ding uh a,
amau pianna gam ciatah a tai ding uh hi.#Jer 50:16
15 A kiman peuhmah kidawtlet dinga,
a kikhutmat peuhmah namsau-in a puk ding uh hi.#Isa 14:19
16 A tangeekte uh amaute muhin kidengzan dinga;
a innte uh kiluhsakin a zite uh a kibuansak ding hi.#Pc 34:29; Hos 13:16
17 En un, amaute do dingin ngun a thudon lo,
kham a lungkimpih lo
Midia-te ka hanthawn ding hi.#Jer 51:1
18 A thalte un khangnote khatuk dinga;#Ph 7:12
naungeekte lainat loin naupangte#Isa 47:6
a khuatuah tuan kei ding uh hi.
19 Kumpi-gamte’ suangmanpha Babylon,
Babylon-te a#13.19 Ahikeh Chaldea-te kisaktheihpih minthanna,
Sodom le Gomorrah bangin
Pasian in a lawnthal ding hi.
20 Ama sungah kiteng ngei nawn loin
khang tawntung kuamah a teng kei ding hi;
Arabia-te in tua lai-ah a puanbuk uh lam loin,#2Kh 17:11
tua lai ah a tuu uh a khawlsak tuucing a om kei ding hi.
21 Ahi hangin sehnel gam ganhingte tua lai-ah lumin,#Kil 18:2
se-al in a bu a dimsak ding hi;
tua lai-ah simbute giakin
sathakte a diang ding uh hi.
22 Gam-uite a kua muanhuai sunguah kual ding uh a,#Isa 25:2
se-alte amau kumpi inn nuam sungah a kual ding uh hi.#Isa 34:13
Tuanu hun nai mahmah a,#Jer 51:33
ama nite a kisot nawn kei ding hi.
Currently Selected:
Isaiah 13: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission