Hosea 5
5
Israel Langah Thukhenna
1"No siampite in hih thu za un!
No Israel-te in thupi sim un!
Kumpi innkuante aw, ngai un!
Hih in no tunga thukhenna ahi hi.#Job 10:2
Mizpah ah thang khat na suak khin uh a,#Hos 6:9; 9:8
Tabor tungah len kizaak na suak uh hi.
2 A lehdote mi nak thah mahmah uh hi.#Hos 4:2
Amaute khempeuh ka sektat ding hi.
3 Ephraim thu khempeuh ka thei hi;
kei kiang panin Israel a kisel kei hi.
Ephraim, nang tu-in na kizuak khin hi;
Israel kisia gawp hi.#Hos 6:10
4 "Amau gamtatnate in amaute
Pasian lamah a kihei ding uh phal lo hi.
Amaute lungsim ah kizuakna kha om hi;#Hos 4:11
amaute in TOPA a phawkkha kei uh hi.#Hos 4:6
5 Israel’ kisaktheihna in amaute langah teci pang hi;#Hos 7:10
tua Israel-te, Ephraim-te nangawn amau mawhna-ah a muktu uh hi;
Judah zong amaute tawh a muktu khawm hi.#Hos 14:1
6 TOPA zong dingin amaute a tuuhonte uh le
a bawnghonte uh tawh a kuan uh ciangin#Mic 6:6-7
amah a mu kei ding uh hi;
amaute kiang panin amah nungkik zo hi.#Pn 1:28; Isa 1:15
7 TOPA tungah amaute muanhuai lo uh a;#Hos 6:7
zawlta a nei uh hi.#Hos 2:4
Tu-in amau Kha Thak pawite in#Isa 1:14
amaute le a lote uh a valhtum ding hi.#Hos 2:11-12
8 "Gibeah ah pengkul mut unla,#Hos 9:9; 10:9
Ramah ah saki mut un,#Isa 10:29
Beth Aven a#5.8 Beth Aven pen gitlohna inn cihna (Bethel min khat hia, Pasian inn cihna hi) ah galsimna aw gingsak unla#Hos 4:15
Benjamin aw, mai nawt in.
9 Kisittel ni ciangin
Ephraim kisiagawp ding hi.
Israel behte lak ah
a hi ding lian ka tangko hi.
10 Judah makaite ahileh
kigisuang khinte tawh kibang uh hi.
Keimah in amaute tungah tuikhang bangin
ka thangpaihna ka sung khia ding hi.#Eze 7:8
11 Ephraim kinuainet hi,
tuancilin thu kikhena,
Milimte b#5.11 Hebrew in hih kammal khiatna kicianlo hi. nung zuih sawm hi.
12 Ephraim ah ngetpi khat ka bang a,
Judah mite adingin muatna tawh ka kibang hi.
13 "Ephraim in a cinatna mu a,#Isa 7:16
Judah in a meimate a muh ciangin
Assyria lamah Ephraim kihei a,#Hos 7:11; 8:9
a lian kumpipa kiangah huh ding a vai khak hi.#Hos 14:3
Ahi hangin amah in nang hong damsak thei lo a,
na meimate a damsak thei kei hi.
14 Ahang in, Ephraim adingin humpinelkai lianpi khat ka bang ding a,#Am 3:4
Judah adingin humpinelkai lianpi khat ka bang ding hi.
Amaute balnenin ka paikhiamang ding hi;#Hos 6:1
kuama hut lohin amaute ka puakhiamang ding hi;
15 Tua ciangin amaute in a khialhna uh
mawh a kisak matengun ka omna munah ka pai kik ding hi;
Tuateh amaute in ka maitang hong zong ding uh hi;
a gentheihna uah citakin kei hong zong ding uh hi," a ci hi.
Currently Selected:
Hosea 5: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
