Habakkuk 3
3
Habakkuk Thungetna
1Kamsangpa Habakkuk thungetna. Shigionoth a#3.1 A laimal ahikeh tumthei bi hi kha ding tawh kithuah.
2 TOPA aw, na minliatna ka za khin a,#Job 26:14
na sepsate lamdang ka sa mahmah hi, TOPA aw.#Ph 119:120
Ko hunin hong thaksuaksakin,
ko hun mahin kitheikhiasak inla,
na thangpaih hunin nong lainat ding phawk in.
3 Teman panin Pasian hong pai-a,
Paran Vum panin Siangtho Pa hong pai hi. #Selah b#3.3 A kician lo laimal khat hi-a, tumtheih bi khat hi thei ding hi; tg. 9 le 13 ah zong.
Ama minthanna in vante tuama,#Ph 8:1
amah kiphatna leitung a dim hi.#Ph 48:10
4 Ama thupina nisuak tawh kibang hi;#Isa 18:4
ama khut panin nizangte tangkhia hi,
ama vangliatna tua ah kisel hi.#Job 9:6
5 Ama ma-ah gimna a pai hi;
a kalsuannate a kilawhbaih natna in zui hi.#Sp 26:25
6 Amah dinga lei kiling hi;
amah khuadaka minamte a lingsak hi.
Tangtawng mualliante kitamkham a,#Ph 46:
tanglai mualneute kicim hi.#Pc 49:26
Ama lampite a tawntung ahi hi.#Pc 21:33
7 A lungdong Cushan-te puanbukte le
lunggim mahmah a teng Midian-te ka mu hi.#Pc 25:2
8 TOPA aw, gunte tungah heh na hi hiam?#Pk 7:20
Luineute tungah thangpai na hi hiam?
Na sakolte tung le
na gualzawhna lengte tungah na tuan ciangin#2Ku 2:11
tuipi tungah thangpai na hi hiam?
9 Na thal na tuam kei a,
thaltang tampi na guang hi. #Selah
Gunte in leitung na phelkhap hi;
10 mualliante in nang hong mu uh a, toncip uh hi.#Ph 77:16
Tuizeupi kihot suk kihot to hi;
tui thukpite hawk uh a,#Ph 98:7
tuihualte sangpipi ah a kilaamto uh hi.
11 Na thaltangte a len zalzalna,#Ph 18:14
na teipite khuaphia bangin a tee zalzalna vante ah,#Ph 144:6
ni le kha a khawlcip hi.#Jos 10:13
12 Thangpaisa-in leitung na tuancil a,
hehsa-in minamte na tuangawp hi.#Isa 41:15
13 Nangma mite hukhia ding,#Pk 13:21
nangma sathau nilhpa honkhia dingin na kuankhia hi.
Migilote gama makaipa na tuangawp-a,
a lutang pan a khepek dong na hawkkhia hi. #Selah
14 Munbu sungah migentheite a kisukgawp bangin,#Ph 64:2-5
kote hong delh dingin
ama galkap hangte hong kuankhiat laitakin#thk 7:22
ama teipi -in a lutang na sunlet hi.
15 Na sakolte tawh tuipi na tuangawp a,#Job 9:8
tuilianpite a kilokgawp hi.
16 Ke’n ka za a, ka lungtang kisai damdamin
ka muk linga,
ka guh ka tang hong zenin, a muatkhia ding banga,
ka khete a ling daldal hi.
Tua hi taleh ko hong simgawp minamte tungah
kisiat ding ni lungduaitakin ka ngak ding hi.#Ph 37:7
17 Theikungte a pak kei zongin,
lenggui ah lenggah gah loin,
olive a gah kei zongin,
lote ah an piang loin,#Joel 10:1-12
tuubuk sungah tuu khatbeek a om kei zongin
gankholna khempeuh hawm khin ta leh,
18 TOPA sungah ka lungnuam lai veve dinga,
ka Pasian kei hong Honpa sungah ka lungnuam veve ding hi.#Pk 15:2
19 Thupipen TOPA keima thahatna hi;#Tp 33:29
ka khepekte sazukpi khe bangsaka,
asanna munte ah hong paizosak hi.#Tp 32:13
Tumtheih makaipa ading. Ka khausai tumging pan ahi hi.
Currently Selected:
Habakkuk 3: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission