Ezra 10
10
Mipite Mawhna Pulakna
1Ezra in thu ngena mawhna pulaakin kap-a Pasian inn mai-ah a kilot laulau laitakin Israel mipi tampitak - numei pasal le naupangte - a kimkotah a kikhawm uh hi. Amaute zong kah cihtakin a kap uh hi. 2 Tua ciangin Elam suante khat Jahiel tapa Shecaniah in Ezra kiangah, "I kimkota midang numeite i tenpihna hangin i Pasian tungah i muanhuai kei hi. Ahi hangin a tuacipi mahin Israel-te adingin lametna om lai hi. 3 Tu-in nang ka topa uh le eite Pasian thupiakna a kihtate ngaihsutna tawh kizui-in hih numei te le a tate uh khakkhiat nading eite Pasian mai-ah thukhun i bawl ding hi. Thukham tawh kituakin kibawl ta hen. 4 Tho in; hih thu nang khutah a om hi, nang kong huh ding uh hi, hangtakin sem in," a ci hi.#2Kh 20:9
5 Tua ciangin Ezra tho a, siampite le Levi-te makaisakin ngaihsutna a kipiasa banga, sem dingin Israel-te khempeuh a kiciamsak hi. 6 Tua ciangin Pasian inn mai panin Ezra kihemkhia a, Eliashib tapa Jehohanan omna inndei ah a pai hi. Tua muna a om lai-in zong saltangte muanhuai lohna hangin an ne lo tui dawn loin a thumthum lai hi.#Tp 9:19; Ne 5:12; 13:25
7 Judah le Jerusalem a sal suakta khempeuh Jerusalem ah a kikhop nadingun tangkona khat a suaksak uh hi. 8 Ni thum sunga maitang a laak lo peuhmah uliante le upate khensatna zui-in a vante kimatsak dinga, sal suakta mihonpi lak panin amah kihawlkhia ding hi.
9 Ni thum sungin Judah le Benjamin a mi khempeuh Jerusalem ah a kikhawm khin uh hi. A kha kuana a ni sawmnihna ni-in mi khempeuh Pasian biakinnpi mai-a tual-awng ah hih thu hang le guah tui hangin lungdong ngeungau-in a tu uh hi. 10 Tua ciangin Ezra ding to-in amaute kiangah, "Note na muanhuai kei uh hi; Israel khialhna behlapin gamdang numeite na tenpih uh hi. 11 Tu-in TOPA na pate uh Pasian tungah na mawhna uh pulakin ama deih na sem un. Na kim na pam-ua mite le na gamdang zite uh tawh no mahmah kikhenkhia un," a ci hi.#Ezr 1:5; 7:2; Ne 9:2
12 Mihon buppi in, "Na thugen a maan hi! Na gen bangin ka hih ding uh hi. 13 Ahi hangin hih lai-ah mi tam mahmah a guah zuk hun ahi hi; tua hi-a a pua ah ka ding zo kei uh hi. Tua banah hih thu ah nak mawh lua khin ka hi manun ni khat ni nih sunga hih zawh pak ding thu hi lo hi. 14 Mihon buppi tangin ka uliante uh semsak in. Hih thu hangin i Pasian hehluatna eite tungah a bei mateng, gamdang numei a tenpih peuhmah a kiseh hunin amau khuapi ciat-a upate le thukhente tawh paikhawm uh hen," ci-in ngaihtakin a dawng uh hi. 15 Asahel’ tapa Jonathan le Tikvah tapa Jahzeiah-te bekin Levi-te Meshullam le Shabbethai thukim pihna tawh hih thu a nial uh hi.#Jos 6:5; 2Kh 29:10; Ne 11:16
16 Tua ciangin a thu omsa bangin sal suaktate in a hih uh hi. Siampi Ezra in amau innkuan khen panin innkuan khat ah innkuan lutang khatta tengkhia a, amaute khempeuh a minun a sam hi. A kha sawmna a ni masa pen ni-in thu kantel dingin amaute kikhawm uh a, 17 a kha masa a ni masapen ni-in gamdang mi a tenpihte khempeuh lungsim zawhna a mansiang uh hi.#Ezr 4:1
Kitenthukna hanga Mawhte
18 Siampite suante lak panin gamdang numei a tenpih anuai-a te ahi hi:#Thk 3:6
Jozadak tapa Jeshua sanggampate suante panin: Maaseiah, Eliezer, Jarib, le Gedaliah, 19 (Amaute in a zite uh a ciahsak nadingun kiciamna khut kha uh a, khialhna hanga biakna-in tuuhon panin tuutal khat a pia ciat uh hi.)
20 Immer suante panin:#2Kh 24:14
Hanani le Zebadiah.
21 Harim suante panin:#1Kh 24:8
Maaseiah, Elijah, Shemaiah, Jehiel le Uzziah.
22 Pashhur suante panin:#1Kh 9:12
Elioenai, Maaseiah, Ishmael, Nethanel, Jozabad le Elasah.
23 Levi-te lak panin:#Ne 8:7
Jozabad, Shimei, Kelaiah (tua pen Kelita) Pethahiah, Judah le Eliezer.
24 Lasate panin:
Eliashib.#Ne 3:1; 12:10
Kongpi cingte panin:
Shallum, Telem, le Uri.
25 Israel dangte lak panin:
Parosh suante panin:#Ezr 2:3
Ramiah, Izziah, Malkijah, Mijamin, Eleazar, Malkijah le Benaiah.
26 Elam suante panin:
Mattaniah, Zechariah, Jehiel, Abdi, Jeremoth le Elijah.
27 Zattu suante panin:
Elioenai, Eliashib, Mattaniah, Jeremoth, Zabad le Aziza.
28 Bebai suante panin:
Jehohanan, Hananiah, Zabbai le Athlai.
29 Bani suante panin:
Meshullam, Malluch, Adaiah, Jashub, Sheal le Jeremoth.
30 Pahath-Moab suante panin:
Adna, Kelal, Benaiah, Maaseiah, Mattaniah, Bezalel, Binnui le Manasseh.
31 Harim suante panin:
Eliezer, Ishijah, Malkijah, Shemaiah, Shimeon, 32 Benjamin, Malluch le Sehmariah.
33 Hashum suante panin:
Mattenai, Mattattah, Zabad, Eliphelet, Jeremai, Manasseh le Shimei.
34 Bani suante panin:
Maadai, Amram le Uel. 35 Benaiah, Bedeiah, Keluhi, 36 Vaniah, Meremoth, Eliashib, 37 Mattaniah, Mattenai le Jaasu.
38 Binnui a#10.37, 38 Septuagint en in (Ezra 9:34 zong en in) Hebrew in Jaasu 38 le Bani le Binnui, suante panin:
Shimei, 39 Shelemiah, Nathan, Adaiah, 40 Macnadebai, Shashai, Sharai, 41 Azarel, Shelemiah, Shemariah, 42 Shallum, Amariah le Joseph.
43 Nebo suante panin:
Jeiel, Mattithiah, Zabad, Zebina, Jaddai, Joel le Benaiah.
44 Hihte khempeuh in gamdang numei tenpih uh a, pawlkhatte in hih a zite uh tawh ta a nei uh hi. b#10.44 Ahikeh amaute in a tate uh tawh a hawlkhia mang uh hi.
Currently Selected:
Ezra 10: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission