Paikhiatna 31
31
Bezalel le Ohiliab
1Tua ciangin TOPA in Moses tungah, 2 "En in, Judah behte Hur tapa, Uri tapa Bezalel 3 Pasian Kha tawh dimin siamna khutsiamna khempeuhah hih theihna le theihna - 4 kham, ngun le sumngo tawh a hoiha zem ding, 5 suangte atkhama bulh, sing nasep, khut siamna khempeuh a sem thei dingin ka tel zo hi. 6 Tua tham loin amah a huh dingin Dan beh a, Ahisamach tapa Oholiab ka seh khin hi. Khutsiam mite khempeuh tungah zong siamna ka pia khina, tuate in nang kong thupiak: 7 Kikhopna Puanbuk, Tecipanna singkuang a tunga thoihdamna sin tawh, le puanbuk-a kizang a dang van khempeuh - 8 sabuai le a vanzatte, kham citak meivak tunna le a kizang van khempeuh, gimnamtui halna biakna-tau, 9 meihal biakna-tau le a um a bel teng, kuangpi le a tunna - 10 le a kigan puansilhte, siampi Aaron le a tapate in siampi na a sep uh cianga a puansilh siangtho tuak uh, 11 le Mun Siangtho ading nilh sathau le gimnamtuite, na khempeuh a bawl ding uh hi. Amaute in nang kong thupiak bang tektekin a bawl ding uh hi,"a ci hi.#Pk 35:30-35
Sabbath
12 Tua ciangin TOPA in Moses tungah, 13 "Israel-te kiangah, ‘Ka Sabbath na tang ding uh hi. Keimah in note hong siangthosak a#31.13 Ahikeh note hong siansuahpa ahikeh note a siangtho-a hong tuamkoih paTOPA ka hilam nong theih nadingun hih in, kei le note kikal ah khang sawnsawnte dongin lim ahi ding hi.#Eze 20:12,20
14 "Sabbath tang un, bang hang hiam cih leh, no adingin siangtho hi. A ninsak peuhmah kithat pelmawh ding hi; tua ni-a na a sem peuhpeuh a mipihte panin kikhenkhia ding hi. 15 Niguk sungin nasep ding khempeuh kiman dinga, ahi hangin a ni sagihna ni, Sabbath khawl ni, TOPA adingin a siangtho ahi hi. Sabbath ni-a na a sem peuhpeuh kithat ding hi. 16 Israel-te in Sabbath tang ding uh a, khang sawnsawnte dongin tawntung thukhun-in a nei ding uh hi. 17 Tua in a tawntungin kei le Israel-te kikalah lim hi ding hi, ahang in niguk sungin TOPA in vante le lei bawla, a ni sagihna ni-in na sem loin a khawl hi,’ ci in," a ci hi.#Pk 20:8-11
18 TOPA in Sinai Vum tunga Moses a hopihna a man ciangin Pasian khutme in a gelhkuak Tecipanna suangpek nih, amah a pia hi.
Currently Selected:
Paikhiatna 31: ZIV
Highlight
Copy
Compare
Share
Want to have your highlights saved across all your devices? Sign up or sign in
Copyright 1994 Myanmar Center for World Mission
