Paikhiatna 2
2
Moses Suahna
1Tu-in Levi innkuan sung mi khat in Levi numei khat a tenpih hi; 2 tuanu gai-a tapa khat a nei hi. Amah in tua naupang ahoih lam a muh ciangin kha thum sung a sel hi. 3 Ahi hangin a sel theih nawn loh ciangin pumpeng lawh khat kurtal le buanman tawh bittakin a zut hi. Tua ciangin a sungah naupang siala, Nile gun dung pumpeng lakah a koih hi.#Tp 33:16 4 Naupang tungah bang piang hiam, cih a vil dingin naupang’ sanggamnu a gamla simah a ding hi.#Heb 11:23; Pk 15:20; 6:20
5 Tua ciangin Pharaoh’ tanu kisil dingin Nile gunah paisuka, a nasemte gungei tengah pai uh hi. Amah in pumpeng laka om tua lawh mu a, a silanu tua la dingin a sawl hi. 6 Amah in tua lawh honga naungek a mu hi. Naungek kapkapa a hehpih hi. Tuanu in, "Hih in Hebrew naungekte laka khat ahi hi," a ci hi.
7 Tua ciangin a sanggamnu in Pharaoh’ tanu kiangah, "Nau hong donsak ding Hebrew numei khat kong zonsak ding hiam?" ci-in a dong hi.
8 Amah in, "Hihen, va zong in," ci-in a dawng hi. Tua ciangin tuanu pai-a naungek’ nu a va sam hi. 9 Pharaoh’ tanu in tuanu kiangah, "Hih naungek la inla kei adingin hong donsak in, kong guai ding hi," a ci hi. Tua ciangin tuanu in naungek la-a a donsak hi. 10 Naupang a liatzawk ciangin amah in Pharaoh tanu kiangah paipiha, a tapa a suak hi. Amah in, "Tui lak pana ka lakkhiat," a cihna in a min Moses a#2.10 Moses aw pen Hebrew a kaikhia cihna tawh kibang hi. a phuak hi.
Midian ah Moses Tai
11 Nikhat Moses a khan khit ciangin, a mipihte omna-ah pai-a haksapi-a na a sepna uh a va en hi. Egypt-te khat in a mipih Hebrew-te khat a sat a mu hi. 12 Akiim-apam en-a, kuamah a muh loh ciangin Egypt pa thatin, sehnel lakah a phualsel hi. 13 A zing ciangin vakkhia a, Hebrew-te nih a kilai a mu hi. A khialzawpa kiangah, "Bang hanga nang na mipih Hebrew pa sat na hi hiam?" ci-in a dong hi.#Ns 7:23; Heb 11:24-26
14 Tuapa in, "Ko tunga thukhen dingin kua in nang ukpa-a hong koih ahi hiam? Egypt pa na thah bangin kei thah hong sawm na hi hiam?" a ci hi. Tua cianign Moses lau-a, "Ka gamtatnasa kithei hi pelmawh ding hi," ci-in a ngaihsun hi.
15 Pharaoh in hih thu a zak ciangin Moses thah a sawm hi; ahi hangin Pharaoh kiang pan Moses tai-in Midian ah teng dingin pai-a tuikhuk gei khatah a tu hi. 16 Tu-in Midian siampipa khat in tanu sagih nei-a, tui tawi ding le a pa tuuhonte dawn ding kuangzawn sunga tui dim dingin va kuan uh hi. 17 Tuu cing pawlkhat pai uh a amaute a nawhkhia uh hi. Ahi hangin Moses dingkhia a, amaute hu-in a tuute uh tui a piaksak hi.#Pk 3:1; Pc 29:10
18 Tua nungakte a pa uh Reuel kiangah a ciah uh ciangin amah in amaute kiangah, "Bang hanga tuni-in hong hici tunbaih na hi uh hiam?" ci-in a dong hi.#Ms 10:29
19 Amaute in, "Egypt mi khat in tuu cingte pan hong hu hi. Tui nangawn hong tawisaka tuuhonte tui a pia hi," ci-in a dawng uh hi.
20 Amah in a tanute kiangah, "Tu-in amah koi-ah om ahi hiam?" ci-in donga, "Bang dinga amah nusia na hi uh hiam? Hong sam un, bang khatpeuh nesak ni," a ci hi.#Pc 31:54
21 Tuapa tawh ten ding Moses thukima tua pa in a tanu Zipporah Moses zi dingin a pia hi. 22 Zipporah in tapa khat nei a Moses in, "Kei gamdangah pemta-in ka om hi," a cihna-in a min Gershom b#2.22 Gershom pen Hebrew in tua lai-ah pemta khat cihna tawh a aw kibang a phuak hi.#Pk 18:2; Heb 11:13
23 Tua hun sawtpi sungin Egypt kumpipa a si hi. Israel mite sila suahna panin kikoin thum uh a, amau sila suahna pan a huh nading a kikona uh Pasian tungah a tungto hi. 24 Pasian in amau thumna za a, Abraham tawh Isaac tawh Jacob tawh a thukhun a phawk hi. 25 Tua ahi manin Pasian in Israel mite ensuk-a amaute a lunghimawh hi.#Pk 3:7; Ph 105:10,42
Currently Selected:
Paikhiatna 2: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission