Thuhilhna 11
11
Tuite Tungah Anlum
1Tuite tungah na anlum lawn lecin#Isa 32:20
ni tampi khit ciangin na mu kik na ding hi.#Tp 24:19
2 Leitungah bang siatna piang ding cih thei lo na hi manin
khen sagih khen giat dong suahin mi tungah pia in.
3 Meiite ah tui dim leh,
leitungah guah buasuk hi.
Singkung khat leilulam ahikeh leitawlam a puk nading munah puk a,
a pukna munah lumcip pah hi.
4 Huih nunzia a cing peuhmah in suan lo dinga;
meiikaizia a cing peuhmah in a at kei ding hi.
5 Huih paina lampi le#Jn 3:8
a nu sungah pumpi bangci kibawl a#11.5 Ahikeh pumpi a kibawl lai-in nuntakna (ahikeh kha) banga lut cih na theih loh bangin
na khempeuh Bawlpa Pasian nasepna
na theitel kei ding hi.
6 Na Khaici zingsangin vawh in,
nitak in zong vawh inla na khutte zawsak in,#Thn 9:10
ahang in hih pen maw, hua pen maw,
a nih-in hoih tuak ding maw,
cih na thei kei hi.
Na Khangmoi Lai-in Hong Piangsak Pa Phawk In
7 Khuavak nuam a,
mit in ni a muh ciangin nuamsak hi.#Thn 7:11
8 Mihing khat a nuntak sung kum tampi ahi zongin
tuate khempeuh nuamtakin zang ta hen.
Ahi hangin amah in khuamial ni ding thei ta hen,#Thn 12:1
ahang in, tuate tampi pha ding hi.
Hong tung ding na peuhmah a mawknapi ahi hi.
9 Khangmoipa aw, na moi lai-in lungnuam inla,
na khangno hun sungin na lungsim nopsak bangin om in.
Na lungsim hong pina le
na mita na muh bang zui in;
ahi hangin Pasian in na khempeuh ah
thu hong khen ding ahilam thei in.#Job 19:29
10 Tua ahitak ciangin na lunghimawhna beisak inla,#Ph 94:19
na pumpi adingin na lungkhamna paikhia in;
ahang in, khangmoina le kithatang-muanna a mawknapi ahi hi.#Thn 2:24
Currently Selected:
Thuhilhna 11: ZIV
Highlight
Share
Compare
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
