Amos 5
5
Tamlawhna le Kisik nading Sapna
1Israel innkuante aw, note tawh kisai-a ka tamlawhna hih kammal za un:#Eze 19:1
2 "A Bit Israel pukta hi;#Jer 14:17
tho kik ngei nawn lo ding hi.
Ama leitangah lum dildel hi;
a phong ding kuamah om lo hi."
3 Hih in Thupipen TOPA gen ahi hi:
"Israel khuapi lian in a thahat tulkhat kuansak a,
zakhat bek nungta lai hi;
khuapi khat in a thahat zakhat kuansaka,
sawm bek a nungta lai hi,"
4 Hih in Israel innkuan tunga TOPA gen ahi hi:
"Hong zong unla nungta un;#Isa 55:3
5 Bethel zong kei un,
Gigal ah pai kei un,#Am 4:4
Beersheba ah zin kei un.
Ahang in, Gilgal saltang taktak dinga,
Bethel bangmah lo kisuaksak ding hi," b#5.5 Ahikeh dah; ahikeh gitlohna; Hebrew ah Aven, Beth Aven kawkna (Bethel vang beisakna min)#1Sa 7:16
6 TOPA zong unla nungta un,#Isa 55:6
tua hikei leh Joseph innkuante tungah mei bangin hong kuang dinga,#Tp 4:24
tua in hulin,
Bethel in a phelh ding kuamah a ngah kei ding hi.#Am 3:14
7 Thutang khaatna suah a,#Am 6:12
thumaan leilaka a lawn note aw,#Hos 10:4
8 (Pleiades le Orion bawlpa,#Job 9:9
khuamialna nisuak tung a suaksakpa,#Isa 42:16
sunni mialsaka zan a suaksak,
tuipi tui sama,
lei maitanga a sungpa -
ama min TOPA ahi hi.
9 Mun muanhuaite susia dingin amah manlang a,
a kilim um mahmah khuapi a susia hi)#Mic 5:11
10 Note in thukhen zuma thumaan gen siamte na mudah uh a,#Isa 29:21
thumaan gente na hua uh hi.#1Ku 22:8
11 Mizawngte na tuancil uh a,#Am 8:6
a antang teng uh ut lopipi-in na kipiasak uh hi.
Tua ahi manin suang kiseek inn na lam uh hangin
a sungah na teng kha kei ding uh hi;
lenggui hoihna lo na neih uh hangin
lenggahzu na dawn kha kei ding uh hi.#Mic 6:15
12 Ahang in, na langpanna zah uh le
na mawhnate uh a liatna ka thei hi.
A thumaante nengniamin, golhsum na la uh a,
thukhen zumte ah mizawngte thu amaanin na khensak kei uh hi.
13 Tua ahi ciangin hunte gilo ahi manin
tua bang hun ciangin a ngaihsun thei mite daitakin a om uh hi.#Mic 2:3
14 Na nuntak nadingun
gitlohna zong loin a hoih zong un.#tg 6
Tua ciangin amah a hi ngeisa hi na cih bang tektekun,
TOPA Thahatpen Pasian note tawh hong omkhawm ding hi.
15 Gitlohna mudah un, thu hoih it un;#Ro 12:9
thukhen zum ah amaanin thu khen un.#Isa 1:17
Tua hileh TOPA Thahatpen Pasian in
a baanglai Joseph hong lainat kha thei ding hi.#Joel 2:14
16 Tua ahi manin Topa Thahatpen TOPA Pasian gen hih ahi hi:
"Lampi dung khempeuh le mihon kikhopna
mun khempeuh ah nasa-in kapa thumna a om ding hi.#Jer 9:17
Lokho mite a kap dingin kisam dinga,
kah siamte a thum dingin kicial ding hi.#Joel 1:11
17 Note omna munmun ah hong pai ding ka hi manin
lenggui lo khempeuh ah kithum ding hi,"#Pk 12:12
TOPA in cikhia hi.
TOPA’ Ni
18 TOPA ni a ngaklah note,
gimna nak thuak na nucia!
Bang hangin TOPA ni ngaklah na hi uh hiam?
Tua ni-in khua vak loin mial bikbek ding hi.#Isa 5:19,30; Joel 2:2
19 Tua in humpinelkai kihta-in a tai leh
vompi a tuak tawh kibang bek dinga,
a inn sungah luta
kawm ah a khut nga leh
gul in a tuk tawh kibang bek ding hi.#Job 20:24; Jer 48:44
20 TOPA ni-in khua vak loin khua kimialsak ding -
mial bikbekin khuavak-zang khat zong om lo ding hi lo ahi hiam?#Isa 13:10; Zep 1:15
21 "Na biakna pawite uh mudahin ka simmawh hi;#Sp 26:31
na kikhopnate uh ka cimtak hi.#Isa 1:11-16
22 Meihal biakna le an-a biakna nong puak uh zongin
tuate kong sang kei ding hi.#Ph 40:6
Kilawmtakna biakna a#5.22 Tang ngeina-in kilemna biakna tuam nong puak uh hangin
tuate ka thusim kei ding hi.#Isa 66:3; Mic 6:6-7
23 La sa-in gamlum nawn kei dih un!
Na harp gingte uh ka ngai kei ding hi.#Am 6:5
24 Ahi hangin gun bangin thutang luangluangin#Jer 22:3
thumaan ahileh a kang ngei lo luitui bangsak un!
25 Israel innkuante aw, sehnel-gam ah kum sawmli na om sungun
biakpiakna le biakna hong pia na hi uh hiam?#Isa 43:23
26 Nomau bawltawm - na kumpipa uh biakbukno,
na milimte tunna uh le
na pasian b#5.26 Ahikeh Na kumpipa uh Sakkuth / na milim uh Kaiwan / na aksi-pasiante uh na lamto uh hi; Septuagint ah Molech biakbukno / le na aksi pasian uh Rephan / amau milimte lamto in uh aksite
na thupisak uh hi.
27 Tua ahi manin note Damascus khengin salin kong puak ding hi,"
ama min TOPA Thahatpen Pasian in a ci hi.#Am 4:13
Currently Selected:
Amos 5: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
