Nasepte 1
1
Vantungah Jesu Kilato
1Theophilus aw, ka laibu masa sungah Jesu in a septe le a hilhte khempeuh a kipat tunga kipan 2 a teelsa sawltakpite tungah Khasiangtho tungtawna a lah khit ciangin vantungah a kilaktoh ni donga thute ka gelh ahi hi. 3 A thuak dingte a thuak khit nungin hih mite kiangah amah mah kilak-a, amah a nungta takpi ahina, a uptak kitelna tampitak a lak hi. Amaute kiangah amah kilak in, ni sawmli sung Pasian gam thu a gen hi. 4 Khatvei amaute tawh an a nek khawm laitakun amah in: "Jerusalem nusia kei un. Ahi zongin kong gen na zaksa uh ka Pa in letsong hong piak dinga hong ciam, na ngak un. 5 Ahang in, John in tui-ina hong baptise hi. Ahi hangin ni tawmkha khit ciangin Khasiangtho-in na kibaptis a#1.5 Ahikeh tawh ding uh hi," ci-in thu a pia hi.#Mk 1:4; Lk 1:1-4
6 Tua ahi ciangin amaute a kisuktuah khawm laitakun, "Topa aw, Israel tungah tuhunin kumpi-gam ding kiksak ding na hi hiam?" ci-in dong uh hi.#Ns 3:21
7 Amah in amaute kiangah, "Pa in ama thuneihna tawh a seh ani ahi zongin ahun ahi zongin note theih ding hi lo hi. 8 Ahi hangin note tungah Khasiangtho hong tun ciangin vangliatna na ngah ding uh a, Jerusalem, Judea gam, Samaria gam khempeuh le leimong dongah ka tecite na hi ding uh hi," a ci hi.#Tp 29:29
9 Tua teng a cih khit ciangin amaute muh mahmah in amah kilato a, amaute muhtawp ah meii in a liah hi.#Mk 16:19
10 Amah a paito amaute in a et zuizui laitakun, amaute gei-ah thakhatin puanpak silh mi nih a ding hi. 11 Amaute in, "Galilee mite aw, hih lai-ah vanlam enin bang hangin ding na hi uh hiam? Note kiang pan vantung ah kilato hih Jesu tektek mah vantung ah a pai na muh bangun hong pai kik ding hi," a ci uh hi.#Mt 16:27
Judas Laih nading Matthias Tel
12 Tua ciangin khuapi pana Sabbath ni khat lam b#1.12 Tua pen, tai ¾ bang (metre 1,100 bang) a gamla Olive Vum kici mualno panin Jerusalem ah a ciah kik uh hi. 13 Amaute a tun uh ciangin amau omna ngei dei tungnung ah a pai uh hi. Tua lai-a omte: Peter, John, James le Andrew; Philip le Thomas, Bartholomew le Matthew; Alphaeus tapa James le Zealot pawla Simon le James tapa Judas-te ahi uh hi. 14 Amaute in numeite, Jesu sanggamte le a nu Mary tawh thu a ngen khawm tawntung uh hi.#Lk 24:52
15 Tua nite in, thu-umte c#1.15 Greek ah sanggamte (za le sawm nih bang a pha ding mi hon khat) lak panin Peter ding to-a, 16 "Sanggamte aw, tanglai peka Khasiangtho in David kam tawna a na gen, Jesu a mante a makaih Judas tawh kisai Laisiangtho thu a tangtun ding kisam hi. 17 Tuapa eite lakah khat hi-a i naseppih ahi hi," a ci hi.#Jn 6:70,71
18 (Judas in a gitlohna mana a ngah pahtakman tawh lo khat a lei hi. Tua munah bungbu kiatin a pumpi kitam a, a gilzangte buakhia hi. 19 Jerusalem a om mi peuhmah in hih thu a za uh hi. Tua ahi ciangin amaute in tua mun amau kamin, Sisan-lo cihna Akeldama, ci-in a phuak uh hi.)#Mt 26:14-16
20 Peter in, "Bang hang hiam na ci uh leh Phatna-late bu sungah,
"‘Ama mun kinusia ta hen;
tua sungah a teng ding kuamah om kei hen,’ a#1.20 Ph. 69:25
tua ciangin,
‘Ama makaihna mun midang in laih ta hen’" b#1.20 Ph. 109:8 ci-in kigelh zo hi.
21 Tua ahi manin Topa Jesu eite lakah sungtum pusuak in a om sung khempeuh, 22 John baptise a kipan eite kiang pana Jesu a kilaktoh hun dong eite tawh a om khawmsa mite lak-a khat i teel ding kisam hi. Ahang in, tuate lakah khat in eite tawh ama thawhkikna teci a pan tektek ding kisam hi," a ci hi.#Lk 24:48
23 Tua ciangin mi nih: Barsabbas kici Joseph (Justus zong a kici) le Mathias-te a sehkhia uh hi. 24 Tua khit ciangin thu ngen uh a, "Topa aw, mi khempeuh lungtang na thei hi. 25 Judas ama munah pai-a, a nusiat hih sawltakpi nasep a sem ding hih mi nihte kua zaw teel na hi hiam, kote hong lak in," a ci uh hi. 26 Tua ciangin ai lawn uh a, Mathias tung a tu hi. Tua ahi ciangin amah sawltakpi sawm-le-khat lakah kigawm beh hi.#Ns 6:6
Currently Selected:
Nasepte 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission