2 Khangthute 3
3
Solomon in Biakinnpi Lam
1Tua ciangin Solomon in a pa David tunga TOPA a kilaakna mun Jerusalem a Moriah Vum ah TOPA biakinnpi lam a kipan hi. Tua mun pen Jebus-te Araunah d#3.1 Hebrew in Ornan, Araunah tawh kilamdang lo ancilna David gelnasa mun ahi hi. 2 Amah in ama uk zawh a kumlina a kha nihna a ni nihna ni-in lam a kipan hi.#1Kh 21:18; Ns 7:47
3 Pasian biakinnpi lam nadingin Solomon in a bul a phah (tehna lui tong cianga tehin) adung tong sawmguk sau-a, avai tong sawmnih a zai e#3.3 Tua in pi 90 bang (meter 27 bang) sau-a pi 30 bang (meter 9 bang) zai hi. hi. 4 Biakinnpi mai-a innliim a inn cia mah zai-a tong f#3.4 Tua in, pi 30 bang (meter 9 bang) tg.8,11 le 13 ah zong. sawmnih sau in, tong g#3.4 Septuagint pawlkhat le Syriac khutgelh pawlkhat; Hebrew ah le zakhat le sawmnih sawmnih mah a sang hi.
Amah in a sunglam kham citakin a luan hi. 5 Amah in inndeipi sung taksing lum bekbek dap-a, kham hoihtak tawh tuamin nisuh lim le khainiang limin a zem hi. 6 Amah in suang manpha-in biakinnpi a zem hi. Tuateh a kham zatte Parvaim kham ahi hi. 7 Amah in inntung dapna zawlte, kongmung-te, kawmte le biakinnpi kongpite khamin luan a, a kawmte tungah cherub-te a tuangsak hi.#Pc 3:24; 1Ku 6:29-35; Eze 40:16
8 Amah in Mun Siangtho Pen lam a, a dunglam biakinnpi vai tawh kizui-in tong sawmnih sau-in tong sawmnih a zai hi. Amah in a sunglam kham hoih talent h#3.8 Tua in, ton 23 bang (metric ton 21 bang) zaguk in a luan hi. 9 Kham siktukkilhte shekel i#3.9 Tua in pound 1 ¼ bang (kilogram 0.6 bang) sawmnga khai ahi hi. Amah in inn tungnunglam zong khamin a luan hi.#Pk 26:32-33
10 Mun Siangtho Pen sungah singin cherub lim nih bawla, tuate khamin a luan hi. 11 Cherub-te kha a kizak kimin tong sawmnih a hi hi. A masa pen cherub kha khat tong j#3.11 Tua in pi 7 ½ bang (meter 2.3 bang) tg.15 ah zong nga sau a, biakinnpi kawm banin a kha langkhat zong tong nga mah sau a, cherub dang khat kha a ban hi. 12 Tua mah bangin a nihna cherub kha khat tong nga sau a, biakinnpi kawm langkhat banin a kha langkhat zong tong nga mah sau a cherub masapen kha a ban hi. 13 Hih cherub-te khate in tong sawmnih sung a khak hi. Amaute a khe un ding uh a, innpi k#3.13 Ahikeh a sunglam maingat sunglam a nga uh hi.
14 Amah in adum, adupsan le saihadial puan hoihin puanzak bawl a, a tungah cherub-te a tuangsak hi.#1Ku 6:1-29
15 Amah in biakinnpi mai-ah tong sawmthum le nga asau a#3.15 Tua in pi 52 bang (meter 16 bang), khuampi phut-a, tuate a luzepna tong nga tuak ahi hi. 16 Amah in khainiangte phana b#3.16 Ahikeh mun siangtho sunglam ah khainiangte bawl thei hi. Hih laigual Hebrew ah kician lo hi. tuate khuampi dawnah a vial hi. Mangkawlsing gah zakhat bawl a tua khainiangte ah a gual hi. 17 Amah in tua khuampite biakinnpi mai leitaw lamah khat phut in, leilu lamah khat a phut hi. Leitaw lama pen Jakin c#3.17 Jakin pen amah in phut cihna hi kha ding hi. ci a, leilu lama pen Boaz d#3.17 Boaz pen amah ah hatna om cihna hi kha ding hi. ci-in min a vawh hi.#1Ku 7:15, 17,20
Currently Selected:
2 Khangthute 3: ZIV
Highlight
Copy
Compare
Share
Want to have your highlights saved across all your devices? Sign up or sign in
Copyright 1994 Myanmar Center for World Mission
