2 Khangthute 23
23
1A kum sagihna kumin Jehoiada in a thahatna a lak hi. Ama zakhat ukte: Jehoram tapa Azariah, Jehohanan tapa Ishmael, Obed tapa Azariah, Adaiah tapa Maaseiah, le Zicri tapa Elishaphat-te tawh thukhun khat a bawl uh hi. 2 Amaute Judah gam khempeuh ah pai uh a, khuapi khempeuh a Levi-te le Israel innkuan lutangte a khawm uh hi. Amaute Jerusalem a tun uh ciangin 3 mi kikhawm buppi in Pasian biakinnpi ah kumpipa tawh thukhun khat a bawl uh hi.#Ms 35:2-5; 2Ku 11:17
Jehoiada in amaute kiangah, "David suante tawh kisai-in TOPA ciamsa bangin kumpi tapa in a uk ding hi. 4 Tu-in na sep ding uh hih ahi hi: No Sabbath ni-a nasem dinga kuan siampite le Levi-te seh thum suah sehkhat in kongkhakte na cing ding uh a, 5 a sehkhat kumpi inn ah omin, a seh khat Bulkip Kongpi-ah omin midangte khempeuh TOPA biakinnpi tualte ah na om ding uh hi. 6 TOPA biakinnpi sungah nasema om siampite le Levi-te longal kuamah a tum kei ding hi; amaute a ki-apsa ahi manun a tum thei ding uh hi, ahi hangin midangte khempeuh in amau tungah TOPA in amaute h#23.6 Ahikeh TOPA bang sawl hiam cih a vil ding uh hi. 7 Levi-te in a khutun a galhiam ciat uh tawi-in kumpipa kimkot ah panmun a la ding uh hi. Biakinnpi sungah a lut peuhmah kithat pelmawh ding hi. Kumpipa paina peuhpeuh ah a kiang nai-ah om un," a ci hi.#2Sa 7:12; 1Ku 2:4
8 Siampi Jehoiada thupiak bang tektekin Levi-te le Judah mite khempeuh in a hih uh hi. Siampi Jehoiada in a khente khatpeuh pengsak tuan lo ahi manin - Sabbath ni-a nasemte le nasem lote in - a mite uh a sam ciat uh hi. 9 Tua ciangin amah in zakhat ukte tungah Pasian biakinnpi sunga om Kumpi David neihsa teipite le lum lian lum neute a pia hi. 10 Amah in biakna-tau le biakinnpi kiang biakinnpi leitaw-lam pan leilu-lam dong - kumpipa kimkot ah a galhiam uh a khutun tawisa in mi khempeuh a omsak hi.#2Ku 11:9; 1Kh 24:1
11 Jehoiada le a tapate in kumpipa tapa paikhiatpih uh a, kumpi lukhu a khusak uh hi; amaute in thukhun laidal amah pia uh a kumpi a hina a tangko uh hi. Amah sathau nilh uh a, "Kumpipa khansawt hen," ci-in a kiko uh hi.#Tp 17:18; 1Sa 10:24
12 Mite tai-in a lungdampihna uh gamlumna Athaliah in a zak ciangin TOPA biakinnpi a amaute kiangah a pai hi. 13 Tuanu in en-a a sunga tumna khuampi gei-ah kumpipa a na ding hi. Kumpipa kiangah uliante le pengkul mutte om uh a, gam sunga mite khempeuh lungnuamin pengkulte mut uh a, lasate in tumtheihte tawh phatnate a makaih uh hi. Tua ciangin Athaliah in a puantual balkekin, "Sawmsimna! Sawm-simna!" ci-in a awng hi.
14 Siampi Jehoiada in galkapte a cing zakhat ukte sawlkhia in amaute tungah, "A gualte a#23.14 Ahikeh innkim tual pualam kikal ah tuanu paikhiatpih unla amah a zui peuhpeuh namsau-in that un," a ci hi. Ahang in, siampipa in, "TOPA biakinnpi ah tuanu that kei un," a cihsa ahi hi. 15 Tua ciangin amaute in tuanu man uh a, kumpi inn leitual Sakol Kongpi lutna a tun uh ciangin tua lai-ah a that uh hi.#Ne 3:28; Jer 31:40
16 Tua ciangin Jehoiada in amah le mipite le kumpipa, b#23.16 Ahikeh TOPATOPA mi a hih nadingin thukhun khat a bawl hi. 17 Baal biakinn ah mi khempeuh pai uh a, a phelkek gawp uh hi. Amaute in biakna-taute le milimte suzan uh a, a biakna-taute mai-ah Baal siampi Mattan a that uh hi.#Tp 13:6-9
18 David thupiaksa Moses Thukhun sunga a kigelhsa bangin biakinnpi sungah lungnuamin la sa kawma TOPA tungah meihal biaknate a kipiak nadingin David in a sehsa bangin Jehoiada in Levi-te ahi siampite khut sungah TOPA biakinnpi ngak dingin mi a koih hi. 19 A siang lo mi peuhmah a lut loh nadingin TOPA biakinnpi kongpite ah kongkhak cingte zong a koih hi.#1Kh 9:22; 23:6, 28-32
20 Amah in zakhat ukte, miliante, mipite a ukte le gammi khempeuh tonpih a, TOPA biakinnpi panin kumpipa a paipihsuk hi. Amaute Kongpi Tungnung tawnin kumpi inn sungah pai uh a, kumpi tokhom ah kumpipa tu in, 21 gam mite khempeuh a lungnuam uh hi. Tuateh Athaliah namsau-in kithat khin ahi manin, khuapi sung a dai hi.#1Ku 11:1-21; 15:35
Currently Selected:
2 Khangthute 23: ZIV
Highlight
Copy
Compare
Share
Want to have your highlights saved across all your devices? Sign up or sign in
Copyright 1994 Myanmar Center for World Mission
