1 Timothy 5
5
Meigongte, Upate le Silate tawh Kisai Hilhna
1A upazawpa tungah kamkhauh zangin tai kei inla, na pa bangin thudam tawh hansuah in. A khangnozawte na sang gampa bangin na bawl in; 2 a upazaw numeite, nute bang le a khangnozaw numeite siangthotakin sanggamnute bangin na bawl in.#Sp 19:32; Tit 2:2
3 A tasam takpi meigongnu limtakin na phawk in. 4 Ahi hangin meigongnu khat in tu le ta a neih leh amaute in a nu a pa, a pi a pu-te a thukkikna un, a biakna uh sepkhiat ding a masa penin sinin a innkuan sung uh kem uh hen; ahang in, hih in Pasian a lungkimsak hi. 5 Amah bek a kinusia a tasam takpi meigongnu in a lametna Pasian tungah nga-a, Pasian huh ding sun le zanin a ngen niloh hi. 6 Ahi hangin ama noptatna-a nungta meigongnu, a nuntak lai nangawnin a si ahi hi. 7 Kuamah a kimawhsak theih loh nadingin hih lamlahna mite tungah zong theisak in. 8 Mi khatpeuh in ama tanaute a diakdiak in a innkuanpih taktakte kisapna a huh kei leh upna a nial hi-a a um lo mi sangin a siazaw ahi hi.#Eph 6:1-2
9 Meigongnu khatpeuh a khan kum sawmguk a val khita, a pasal tunga a muanhuai a#5.9 Ahikeh pasal khat a neisa ahi kei ngal leh meigongte lakah na ciamteh kei in. 10 Ahi zongin a gamtat hoihin, a tate khansuah zo a, zindo a siam, misiangte khe a silsak, gim ngahte huh tawntunga, gamtat hoih namkimte ah kipia zo mahmah in a kipahtak leh meigong lakah ciamteh in.#Ns 9:36
11 A khangno zaw meigong numeite ahileh tuate minlakah na hel kei in. Ahang in, a pumpi lunggulh nate in Christ tunga a ki-apna uh a zawh ciangin pasal a deih uh hi. 12 Amaute in a kamciam masa uh a palsat manun amau le amau thukhenna a kitun uh hi. 13 Tua banah thadahna zongsang uh a, inn simah a banvak uh hi. A thadah bek uh hi loin mi gensiat hatin, na khempeuh ah kum zo uh a, amau gen loh ding pipi a gen uh hi. 14 Tua ahi ciangin a khangno lai meigong numeite in, pasal nei in, ta nei in, a inn sung uh kem uh henla, gensiat nading hun hoih galpa pia kei le uh, cih ka thuhilhna ahi hi. 15 Pawlkhatte Satan nung a zui dingin lam a pial khin takpi ta uh hi.#1Co 7:9
16 Thu um numei khat ama innkuan sungah meigong numei a nei a om leh amau hangin pawlpi vangiksak loin amah in amaute huh ta hen. Tua hileh a kitasam takpi meigongte pawlpi in huh thei ding hi.
17 Pawlpi sung hoihtaka a makaih upate, a diakdiak in thuhilh le laihilh na a semte a zahnih in pahtawi ding kilawm hi. 18 Ahang in, Laisiangtho in: "Bawngtal in buh a cil laitakin a muk hencip kei in," b#5.18 Tp. 25:4 ci a, tua ciangin, "Nasempa in a thaman a ngah ding kilawm hi," c#5.18 Lk. 10:7 ci hi. 19 Upa khat a kimawhsakna teci nih ahikeh thum a om kei leh thu-in na sang kei in. 20 Midangte vauhilhna a suah theih nadingin a mawhte mipite lakah na tai in.#1Th 5:12
21 Hih kong lamlahnate kuamah deidan lo, kuamah angvan tuan het loin na zat dingin Pasian le Christ Jesu le a kiteltuam vansawltakte mitmuhin nang kong suan hi.#1Ti 6:13
22 Mi tungah khutngak ding man langlua kei inla, midang mawhna ah va kikum kei in. Nang le nang a siangtho-in kikem in.#Ns 6:6
23 Na gilpi le na cinat pahpahna hangin tuisik bek na dawndawn tawp inla, lenggahzu tawmtawm na zang in.
24 Mi pawlkhatte mawhna a kilang sise hi-a, amau ma ah thukhenna mun a na tung zo hi; adangte mawhnate in amaute a sulzuih hi. 25 Tua mah bangin gamtatna hoihte kilang sise a, a kilang sise lote zong a kiselcip thei kei hi.
Currently Selected:
1 Timothy 5: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission