1 KOREN 4
4
Ira gai hora ingere a tangaloi tabanagi noi God
1A tangaloi ram domigi gamai ve igamai ira tangaloi tabanagi noi Kraes, igamai hi i God mo lado talumei huri na nona gineu ngerehi ram toga hiligi. 2Lo matahala mwere ngaha, ngehi i God mo lado talo sinobu huri na nona matani gineu huri ve ingere rain haharaginire sibora ve rau tatarise mena tanoi lado mava lawua hi. 3Ineu nahe lado tea huri tare ve igimiu nem vevegieu, sige a kot mo vevegieu. A hogo ineu nain he vevegi laieu tea siboku. 4Ineu nahe lado haqe na gineu esi tea hi ve nau veie, nge i ngehi hatie iloilogi huri ve ineu nau vovohoi lo nagoi God. Huri a Huqe sibona, ingeie hogosie vin vevegieu. 5Igimiu nein mese vevegi hine tea vin dadari lo tarogi vovohoi lune a Huqe vin vanai taligu. Ingeie vin haharagi na gineu ngerehi rau toga hiligi lolo dodogi.
6Retueku ko irehaqeku, ineu nau teu Apolos ko ineu siboku mwere na mataleleogi ve igimiu nein ilo na iloiloi leo ngaha vena, “Igimiu nen huri na havagineu hi mo vanai dena Reve reve Gogona hogosie,” siu huri igimiu nen sagegi na tangaloi tea vena liu den tangaloi tuegi. 7?Ihine mo veve ve igimiu neu garea denire lavasigi? ?A hava gineu hi nem hakovie ngehi he betea tea lawe gimiu? ?Ko tare ve u betea lawe gimiu, huri havai nem sage gimiu? Mwerehi ve vehe neu leie mwere na hogogi lawe gimiu.
8Igimiu nem lado ve neu lei na gineu doluegi hi a nomiu tarani lure beno. Igimiu nem lado ve neu mwerai homu. Igimiu nem lado ve neu lei na tanoi ratahigi tavala varea dein gamai. Nam lado ve tare neu voragi ratahigi hogo, siu u garea huri igamai gain ratahigi bubugi mei gimiu. 9Nge a leo leonagi ngehi mo eno meieu, huri ve i God u teu gamai ira gaihora vagasigi, mwere ira hine hi a leo vevegi mo veveginire ve rain mate. Igamai gam voragi na gineu mwere na mataduru lawe na sinobui ureure ngaha vena lehi gamai, hatie ve a sinobu hogosie, nge ira engsel vage ram lehi gamai. 10A vevenagi i Kraes, ingere ram domigi gamai ve igamai a mala robagi, nge i Kraes u vei gimiu nem mataisao. Igamai gam wiriwiri nge igimiu nem huire. Igimiu nem lai na tanoi lado mava, igamai gam lai na tanoi maemae. 11Ko lo rani gaqarigi igamai gam mwaruruhi ko gam madogu ko hatie gineu ve gain luqegi. Ram wehi gamai tamwere, ko hatie nomai togagi venue ve gain toga aie. 12Igamai gam tabana siaga sibomai huri na gamai hinaga. Lune a sinobu ram veve asiesigi gamai, igamai gam vai gareaginire. Lune ram vai garasi gamai, gahe soso tea lawera. 13Lune a sinobu ram veve leo rau esi talumei, igamai gam veve leo rau garea vovohoire. A sinobu ram vai lawe gamai mwere ve igamai hatie gineu lumei vohogi. Mo dadari gaqarigi ingere ram lehi gamai ve gau mwere na sokorai gineu doluegi lolo ure.
14Ineu nahe tarani tea ve nain vei gimiu nein maemae. Ineu nam uli ngaha vena bete na matagute lawe gimiu mwere ire netuku mwera tabe. 15Huri tare a nomiu huhui lui Kraes rau sao nein he valu laire tea, nge ire tamamiu rahe sao tea. Ineu nam voragi tamamiu lui Kraes lo Roro Garea. 16Siu nam navu siaga dein gimiu ve nein huri lo taikeruku. 17Giniehi, ineu nam hora Timoti lawe gimiu, i netuku lui Huqe. Ineu nau tabe Timoti, ingeie u labe siaga lo tabana nona Huqe. Ingeie vin bului gimiu nein lado haqena matahalai mwasoaku lui Jisas Kraes. Mwerehi ineu nau huhui na sinobu ginie vataha ute.
18Lavasigi dein gimiu rau sagesagera, ram lado ve bataha nain he vonatu tea taligu lobemiu, 19nge ineu nain vonatu lobemiu vin siseri, tare ve a Huqe mo tarani mwerehi. Siu huri nain ilo na havagineu hi irahine ram sagesagera ram vaie hatie huri ve ram veve hogosie. 20A vevenagi a ute noi God he vonai tea lo leo ngerehi dam laqaginire, nge gina huireana. 21?Wa igimiu nem tarani ve nain vei na havagineu lune nain dadari? ?Wa igimiu nem tarani ve nain gato siaga mei gimiu sige nain gato rorongo mena tabetabe?
Currently Selected:
1 KOREN 4: HNT
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013
1 KOREN 4
4
Ira gai hora ingere a tangaloi tabanagi noi God
1A tangaloi ram domigi gamai ve igamai ira tangaloi tabanagi noi Kraes, igamai hi i God mo lado talumei huri na nona gineu ngerehi ram toga hiligi. 2Lo matahala mwere ngaha, ngehi i God mo lado talo sinobu huri na nona matani gineu huri ve ingere rain haharaginire sibora ve rau tatarise mena tanoi lado mava lawua hi. 3Ineu nahe lado tea huri tare ve igimiu nem vevegieu, sige a kot mo vevegieu. A hogo ineu nain he vevegi laieu tea siboku. 4Ineu nahe lado haqe na gineu esi tea hi ve nau veie, nge i ngehi hatie iloilogi huri ve ineu nau vovohoi lo nagoi God. Huri a Huqe sibona, ingeie hogosie vin vevegieu. 5Igimiu nein mese vevegi hine tea vin dadari lo tarogi vovohoi lune a Huqe vin vanai taligu. Ingeie vin haharagi na gineu ngerehi rau toga hiligi lolo dodogi.
6Retueku ko irehaqeku, ineu nau teu Apolos ko ineu siboku mwere na mataleleogi ve igimiu nein ilo na iloiloi leo ngaha vena, “Igimiu nen huri na havagineu hi mo vanai dena Reve reve Gogona hogosie,” siu huri igimiu nen sagegi na tangaloi tea vena liu den tangaloi tuegi. 7?Ihine mo veve ve igimiu neu garea denire lavasigi? ?A hava gineu hi nem hakovie ngehi he betea tea lawe gimiu? ?Ko tare ve u betea lawe gimiu, huri havai nem sage gimiu? Mwerehi ve vehe neu leie mwere na hogogi lawe gimiu.
8Igimiu nem lado ve neu lei na gineu doluegi hi a nomiu tarani lure beno. Igimiu nem lado ve neu mwerai homu. Igimiu nem lado ve neu lei na tanoi ratahigi tavala varea dein gamai. Nam lado ve tare neu voragi ratahigi hogo, siu u garea huri igamai gain ratahigi bubugi mei gimiu. 9Nge a leo leonagi ngehi mo eno meieu, huri ve i God u teu gamai ira gaihora vagasigi, mwere ira hine hi a leo vevegi mo veveginire ve rain mate. Igamai gam voragi na gineu mwere na mataduru lawe na sinobui ureure ngaha vena lehi gamai, hatie ve a sinobu hogosie, nge ira engsel vage ram lehi gamai. 10A vevenagi i Kraes, ingere ram domigi gamai ve igamai a mala robagi, nge i Kraes u vei gimiu nem mataisao. Igamai gam wiriwiri nge igimiu nem huire. Igimiu nem lai na tanoi lado mava, igamai gam lai na tanoi maemae. 11Ko lo rani gaqarigi igamai gam mwaruruhi ko gam madogu ko hatie gineu ve gain luqegi. Ram wehi gamai tamwere, ko hatie nomai togagi venue ve gain toga aie. 12Igamai gam tabana siaga sibomai huri na gamai hinaga. Lune a sinobu ram veve asiesigi gamai, igamai gam vai gareaginire. Lune ram vai garasi gamai, gahe soso tea lawera. 13Lune a sinobu ram veve leo rau esi talumei, igamai gam veve leo rau garea vovohoire. A sinobu ram vai lawe gamai mwere ve igamai hatie gineu lumei vohogi. Mo dadari gaqarigi ingere ram lehi gamai ve gau mwere na sokorai gineu doluegi lolo ure.
14Ineu nahe tarani tea ve nain vei gimiu nein maemae. Ineu nam uli ngaha vena bete na matagute lawe gimiu mwere ire netuku mwera tabe. 15Huri tare a nomiu huhui lui Kraes rau sao nein he valu laire tea, nge ire tamamiu rahe sao tea. Ineu nam voragi tamamiu lui Kraes lo Roro Garea. 16Siu nam navu siaga dein gimiu ve nein huri lo taikeruku. 17Giniehi, ineu nam hora Timoti lawe gimiu, i netuku lui Huqe. Ineu nau tabe Timoti, ingeie u labe siaga lo tabana nona Huqe. Ingeie vin bului gimiu nein lado haqena matahalai mwasoaku lui Jisas Kraes. Mwerehi ineu nau huhui na sinobu ginie vataha ute.
18Lavasigi dein gimiu rau sagesagera, ram lado ve bataha nain he vonatu tea taligu lobemiu, 19nge ineu nain vonatu lobemiu vin siseri, tare ve a Huqe mo tarani mwerehi. Siu huri nain ilo na havagineu hi irahine ram sagesagera ram vaie hatie huri ve ram veve hogosie. 20A vevenagi a ute noi God he vonai tea lo leo ngerehi dam laqaginire, nge gina huireana. 21?Wa igimiu nem tarani ve nain vei na havagineu lune nain dadari? ?Wa igimiu nem tarani ve nain gato siaga mei gimiu sige nain gato rorongo mena tabetabe?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013