1 KOREN 3
3
A vuigaro lolo warelue
1Retueku ko irehaqeku, lo taro rau vano beno ineu nahe laqa lai tea mei gimiu mwerehi nau laqa lawe na tangaloi ngerehi a Vui noi God mo toga lure. Ineu nain laqa lawe gimiu mwere na tangaloi hi ram toga lo domiana talo vihigogi rau mwere na maresu memeaga lui Kraes. 2A leo huhui nau bete lawe gimiu u mwere na nubui huhu, hatie hinaga vatuge, a vevenagi igimiu nehe gani lei na hinaga vatuge tea mosigei, ko mwere siserigi hi igimiu nehe rarai tea. 3Igimiu hi nem toga lolo domiana ta lo vihigogi mosigei, a vevenagi a gineu gagarasi, ko a vui garogi mo toga mei gimiu. Nge ngaha mo haharagi ve igimiu nem toga mosigei lo domiana talo vihigogi ko igimiu nem dige mo huri na matahala nora tangaloi. 4Lune gatagale dein gimiu mo veve vena, “Ineu nam huri Bol,” ko tuegi mo veve vena, “Ineu nam huri Apolos.” Igimiu nem veve na gineu mwere ngaha, igimiu nem vai gineu mwere na sinobui ureure.
5?Wa i Apolos ingeie a tangaloi lawua? Hatie! ?Wa i Bol ingeie a tangaloi lawua? Hatie! Igamaru a tangaloi tabanagi noi God hogosie, ngehi u bului gimiu gina nona hogogi ve nen lado hogo. Igide gagatalegi dau vei na tabana hi i God u bete lawe gide ve dain veie. 6Ineu nau rivu na toli, i Apolos u vagadevure gina wai, nge i God, ingeie hi u veire ram mauri. 7Siu a tangaloi hi mo rivu na toli, ingeie hatie tangaloi lawua, a tangaloi hi mo vagadevure hatie tangaloi lawua. Nge i God hogosie u lawua, ingeie mo vai na rivurivu ram mauri ko ingeie u lawua. 8A tangaloi hi mo rivu ko ingeie hi mo devure gina wai, rom tabana huri na domiana hala gatagale. Ingere roin lei na nora gai tawe vatavatahaginire sibora huri na nora tabana. 9Igide ira tangaloi tabanagi noi God, dam tabana bubugi, igimiu neu mwere na talui God sige a valei God. 10Ineu nau teri na vatu togaibibi vale gina hogogi noi God mwere na tangaloi basabasao. Ingere lavasigi ram vutu vale lo ului vatu togai bibi hi, nge a sinobu rain leo huri vurugegi lune ram vutu na vale lo ulugi. 11A vatu togai bibi hi u tuleginie beno ngehi i Jisas Kraes, ko ihine tea vin he tulegi lei na vatu togai bibi wagineu. 12-13Igide doluegi dam vutu na vale lo vatu togai bibi ngaha, tare ve dam vutue lo kol sige a kopa, sige a vatu, sige a gai, sige a rau gei, sige a duvu, siu huri ve a tangaloi doluegi rain lehe a vevenagi a Rovonai Bongi vin vei na gineu doluegi rain mwelue mwasara lo matada. A Rovonai Bongi vin vonai mena avi huri ve vin vei lehi na tabana nora tangaloi doluegi vena haqe na tabana tea hi rau veie. 14Tare a vale hi u vutue lo vatu togai bibi hi mo labe mosigei, ihine u vutue vin lei na gaitawe. 15Nge tare ve a vale hi mo gao vohogi, a tangaloi hi u vutue u leo huri saloie, a tangaloi hi u vutue vin mwaso, nge vin mwere na tangaloi hi u mwelue turu na mui evi hi u mwamwavi garagara.
16?Wa igimiu nehe ilo tea ve igimiu a valei God, ko huri ve a Vui noi God mo toga lolo lolomiu? 17Tare ve ihine tea mo vai esiesigi na valei God, i God vin vei vohogi na tangaloi hi, a vevenagi a valei God u gogona ko a vale hi igimiu.
18Nen mese vaga lengagi gimiu sibomiu. Tare ve nem lado ve neu mataisao lo ure ngaha, nen vaie ve igimiu a mala robagi, siu huri gimiu nein vei lei ve nein mataisao hogo. 19A vevenagi, a mataisao talo ure ngaha, mei God, ngehi a reraana lawua. Mwerehi u uli lo Reve reve Gogona vena, “Ingeie mo wiribibi rahine hi ram veve ve rau mataisao lo vune sibora.” 20Nge u uli vage lo Reve reve Gogona vena, “A Huqe mo ilo na havagineu hi a tangaloi mataisao ram domiginie. Ingeie u ilo ve a domire tangaloi rau mwere na mauvi lengi.” 21Igimiu nein mese sage gimiu huri na tomtomuegi ngerehi a tangaloi. A gineu doluegi ram eno lo limemiu. 22A gineu doluegi rau voragi nomiu. Tare ve i Bol sige i Apolos sige i Bita, sige a mwasoana, sige a mateana, sige gaqarigi, sige mavugo. 23A gineu ingere ngaha doluegi a nomiu ko igimiu ira noi Kraes ko i Kraes a noi God.
Currently Selected:
1 KOREN 3: HNT
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013
1 KOREN 3
3
A vuigaro lolo warelue
1Retueku ko irehaqeku, lo taro rau vano beno ineu nahe laqa lai tea mei gimiu mwerehi nau laqa lawe na tangaloi ngerehi a Vui noi God mo toga lure. Ineu nain laqa lawe gimiu mwere na tangaloi hi ram toga lo domiana talo vihigogi rau mwere na maresu memeaga lui Kraes. 2A leo huhui nau bete lawe gimiu u mwere na nubui huhu, hatie hinaga vatuge, a vevenagi igimiu nehe gani lei na hinaga vatuge tea mosigei, ko mwere siserigi hi igimiu nehe rarai tea. 3Igimiu hi nem toga lolo domiana ta lo vihigogi mosigei, a vevenagi a gineu gagarasi, ko a vui garogi mo toga mei gimiu. Nge ngaha mo haharagi ve igimiu nem toga mosigei lo domiana talo vihigogi ko igimiu nem dige mo huri na matahala nora tangaloi. 4Lune gatagale dein gimiu mo veve vena, “Ineu nam huri Bol,” ko tuegi mo veve vena, “Ineu nam huri Apolos.” Igimiu nem veve na gineu mwere ngaha, igimiu nem vai gineu mwere na sinobui ureure.
5?Wa i Apolos ingeie a tangaloi lawua? Hatie! ?Wa i Bol ingeie a tangaloi lawua? Hatie! Igamaru a tangaloi tabanagi noi God hogosie, ngehi u bului gimiu gina nona hogogi ve nen lado hogo. Igide gagatalegi dau vei na tabana hi i God u bete lawe gide ve dain veie. 6Ineu nau rivu na toli, i Apolos u vagadevure gina wai, nge i God, ingeie hi u veire ram mauri. 7Siu a tangaloi hi mo rivu na toli, ingeie hatie tangaloi lawua, a tangaloi hi mo vagadevure hatie tangaloi lawua. Nge i God hogosie u lawua, ingeie mo vai na rivurivu ram mauri ko ingeie u lawua. 8A tangaloi hi mo rivu ko ingeie hi mo devure gina wai, rom tabana huri na domiana hala gatagale. Ingere roin lei na nora gai tawe vatavatahaginire sibora huri na nora tabana. 9Igide ira tangaloi tabanagi noi God, dam tabana bubugi, igimiu neu mwere na talui God sige a valei God. 10Ineu nau teri na vatu togaibibi vale gina hogogi noi God mwere na tangaloi basabasao. Ingere lavasigi ram vutu vale lo ului vatu togai bibi hi, nge a sinobu rain leo huri vurugegi lune ram vutu na vale lo ulugi. 11A vatu togai bibi hi u tuleginie beno ngehi i Jisas Kraes, ko ihine tea vin he tulegi lei na vatu togai bibi wagineu. 12-13Igide doluegi dam vutu na vale lo vatu togai bibi ngaha, tare ve dam vutue lo kol sige a kopa, sige a vatu, sige a gai, sige a rau gei, sige a duvu, siu huri ve a tangaloi doluegi rain lehe a vevenagi a Rovonai Bongi vin vei na gineu doluegi rain mwelue mwasara lo matada. A Rovonai Bongi vin vonai mena avi huri ve vin vei lehi na tabana nora tangaloi doluegi vena haqe na tabana tea hi rau veie. 14Tare a vale hi u vutue lo vatu togai bibi hi mo labe mosigei, ihine u vutue vin lei na gaitawe. 15Nge tare ve a vale hi mo gao vohogi, a tangaloi hi u vutue u leo huri saloie, a tangaloi hi u vutue vin mwaso, nge vin mwere na tangaloi hi u mwelue turu na mui evi hi u mwamwavi garagara.
16?Wa igimiu nehe ilo tea ve igimiu a valei God, ko huri ve a Vui noi God mo toga lolo lolomiu? 17Tare ve ihine tea mo vai esiesigi na valei God, i God vin vei vohogi na tangaloi hi, a vevenagi a valei God u gogona ko a vale hi igimiu.
18Nen mese vaga lengagi gimiu sibomiu. Tare ve nem lado ve neu mataisao lo ure ngaha, nen vaie ve igimiu a mala robagi, siu huri gimiu nein vei lei ve nein mataisao hogo. 19A vevenagi, a mataisao talo ure ngaha, mei God, ngehi a reraana lawua. Mwerehi u uli lo Reve reve Gogona vena, “Ingeie mo wiribibi rahine hi ram veve ve rau mataisao lo vune sibora.” 20Nge u uli vage lo Reve reve Gogona vena, “A Huqe mo ilo na havagineu hi a tangaloi mataisao ram domiginie. Ingeie u ilo ve a domire tangaloi rau mwere na mauvi lengi.” 21Igimiu nein mese sage gimiu huri na tomtomuegi ngerehi a tangaloi. A gineu doluegi ram eno lo limemiu. 22A gineu doluegi rau voragi nomiu. Tare ve i Bol sige i Apolos sige i Bita, sige a mwasoana, sige a mateana, sige gaqarigi, sige mavugo. 23A gineu ingere ngaha doluegi a nomiu ko igimiu ira noi Kraes ko i Kraes a noi God.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013