Nehemiya 11
11
A Tsab Ande ti u Nae Urushelima
1Ande ti uwe ande ti Isirela som pu ba uwae Urushelima. Ande ti tsitsi tsab ititsab yi icwe-ba ti ushi kununn kinjo uwae rijwe na u ba som uwae Urushelima, uten ti saen kyag. Ishikununn itsongnje ti tsitsi na u som ti uwae uten uten ti tsitsi. 2Ama ande ba ri unju tinyang na patag ande ba ti cwe ti a na u som Urushelima. 3Abane si ande ti uwe uten uten Yawuda ti som yi Urushelima ko ti, ande ti Isirela yang-ba akwen, ti akwen, ti anyisu na Lawi, ti ande ti ku nde wande kusog Rimam tiyang, ti rishi apyi Solomon, ande bane meme nae ti riben-ba yi uten uten yi, 4ariki uwae rishi Yawuda ti Benjamin nae Urushelima. Yi uwae rishi Yawuda, aba si Ataya umbae Uziya, ti si umbae Zekariya, ti si umbae Amariya, ti si umbae Shefatiya ti si umbae Mahalalel, ti si kinjo uwae anyisu Perezi.
5Rishi Yawuda ti ifaen si Maseya umbae Baruk ti si umbae Koluhoze, ti si umbae Hazaya, ti si umbae Adaya, ti si umbae Joyarib, ti si umbae Zekariya, ti si umbae Shilo. 6Rishi Perezi ti arom ti kpakang utob ira rika, ti nae uwae Urushelima, ka 468.
7Rishi Benjamin si Salu umbae Meshulam ti si umbae Jowedi, ti si umbae Pedaya, ti si umbae Kolaya, ti si umbae Maseya, ti si umbae Itiyel, ti si umbae Jeshaya. 8Ti putsa Salu si Gabayi ti Salayi. Meme anyisu Benjamin ti nae Urushelima ka 928. 9Jowel umbae Zikiri si unde ti uwe-ba, ama Yawuda umbae Hasenuwa si unde ti uwe ti fa ti ifaen yi uwae uten wu.
10Akwen ti ba nae Urushelima si Jedaya umbae Joyarib ti Jakin. 11Seraya umbae Hilikiya ti si umbae Meshulam ti si umbae Zadoki ti si umbae Merayiyot, ti si umbae Ahitub ti si kukwen tiyang. 12Meme ande ti ta umyaem wune ti nde wande yi kusog Rimam tiyang a ka 822.
Kwer ti Adaya, umbae Jeroham ti ite kuko-wu si Pelaliya ti si umbae Amzi, ti si umbae Zekariya, ti si umbae Pashur, ti si umbae Malikiya. 13Meme ande ti uwe na ishikununn umyaem wune ka 242.
Amashisai umbae Azareli ti ite kuko-wu si Azayi ti si umbae Meshilemot ti si umbae Imer. 14Ande ka 128 ti ta umyaem wune ti si itaen ti nung ira rika ti ta. Unde ti uwe-ba si Zabidiyel umbae Hagedolim. 15Anyisu Lawi ti ba nae Urushelima si: Shemayiya, umbae Hashub ti si umbae Azirikam ti si umbae Hashabiya ti si umbae Buni, 16fa ti Shabetayi ti Jozabadi, anyisu Lawi ti ta risu wande ti a ku nde ise kusog Rimam tiyang: 17Mataniya umbae Mika ti itse-wu si Zabdi, rishi na Asaf. Awu ti ku tae kumbub ande ti ku yang akyang yi kusog Rimam tiyang ti itijwam na fxaefa. Bagbukiya unde ti ku ndeya Mataniya. Abida umbae Shamuwa ti si umbae Galal rishi na Jedutun.
18Meme anyisu Lawi ti nae yi uten ti sisaen na Urushelima si 284.
19Ande ti ku kyir kusog Rimam tiyang wu si Akub, Talmon, ti ariki ti te wu ta te atso. Meme-ba ka 172.
20Ande ti Isirela ti tsitsi ti akwen ti tsitsi ti anyisu Lawi, a nae ti riben ti a ka na ba ti kucang uwae uten na Yawuda.
21Ande ti ku nde wande kusog Rimam tiyang nae ana-ba yi kubab rikwen ti Ofel. Ande ti uwe-ba si Ziha ti Gishipa.
22Unde ti ta risu anyisu Lawi ti nae Urushelima si Uzi umbae Bani, ti si umbae Hashabiya ti si umbae Mataniya ti si umbae Mika ti si rishi Asaf, awu ti ta risu wande akyang ti yang uwae kusog Rimam ti yang. 23Ukwe pu icwe tsi ti ku tatso umyaem umyaem fengo ti a u fi atso yi ititae na akyang ti yang uwae kusog Rimam tiyang ko usir titini.
24Petahiya umbae Meshezabel ti ru ye umyaem Zera ti si itso Yawuda ti si atom ukwe uwog ande ti Isirela yi uwog ti ande ti Pasiya ku pwen rikwen ba atang.
Ande ti nae imbae iten Uten
25Ariki nae uwae uten ti fer ti risaen afang-ba. Ariki uwae ande ti Yawudiya nae uwae Kiriyati Arba, ti Dibon, ti Jekabizeli, ti risaen ufang ti ta fer uwae uten yine. 26Aba nae kwer ti uwae uten na Jeshuwa, Molada, Beti-Peleti, 27ti Hazar-Shuwal, ti uwae Beyersheba ti risaen afang yi ti pakob wu. 28Aba nae uwae uten na Zikilag, uwae Mekona ti risaen ufang-wu. 29Aba nae kwer ti uwae En Rimon, ti uwae Zora, ti uwae Jarmuti, 30ti uwae Zanowa, ti uwae Adulam, ti uwae risaen afang ti fer ti uwae iten yine. Aba nae uwae Lakishi ti afang-ba, ti uwae Azeka ti afang ba. Ayine ku tatso baa, aba na nae kyi fe uten meme, sa ti Beyersheba ba sang ti kubxab na Hinom.
31Rishi Benjamin iki nae uwae Geba, Mikimashi, Ayija, Betel, ti risaen ufang ufang ti ta fer yi. 32Aba nae uwae Anatoti, Nob, Ananiya, 33Hazor, Rama Gitayim, 34Hadidi, Zeboyim, Nebalati, 35Lodi, ti Ono, ti uwae kubxab ande ti ku pab iken. 36A ri te anyisu Lawi iki ti nae pu ba uwae riben Yawuda ti a na ka nae riben ti si ana Benjamin.
Currently Selected:
Nehemiya 11: kubNT
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
