Amos 6
6
Yaweh u Twenji Ande Isirela
1“Ayae-ni
ande ti som yagkaa yi Siyon,
ti ani ti ku kab baa,
ira iki na u tu-yi ani
yi rikwen ti Samariya be.
Ani ande tiyang tiyang
uwae uten tiyang wune,
ti ande ku ba
sha itindeya uwog-ni.
2Ni ru Kalne
ti ni ka sae iken ti nde atang#6:2 Ni ru Kalne ti ni ka sae iken ti nde atang Ariki ti ku myae ira Mbaibrane uwog ne baa, ayine si ira risu ande tiyang ti ta yi 6:1.,
ni ru yi Hamati uten tiyang,
ti ni ka si yi Gati ti ta uten Filisti.
Ajwo ukwe-ni
nyang skeb ana-ba a.
Uten-ba yaen skeb ana-ni a.
3Ani ku sha-ni usir rikwén be,
amaa, kujwo wande-ni
ku shir usir titibi wu ba fifer te ni.
4“Ayae-ni
ande ti nae tsa iwaen ti tinyang,
ku ndab ijwe-ni atang.
Ani ku som tsa iken ti som
ti ti tinyang
u ku pu unyang-ni atang
ku ye iwentam ti imbae indag
uwae asinn-ni u wen ku kub.
5Ani ti ku yang akyang ti ukaen
ti kufwa-ni,
u sa ijwe-ni tsi pangma ani na
ku mam tu akyang
pangma Dawuda yi kufwa-ni.
6Ani ti ku ngwa ambyi anam
uwae atu tiyaen
u ku shin kindob
ti ku nung kuyang ti tinyang
ama ku beb-ni utob risu
ititwenji na Isirela be!
7Ikyaen ayine,
ani ti u si ande ti tawe
ti a ye ru usom upyi.
Ushwu ti shwu-ni
u ta-yi cwucwo be.”
8Itsekuru Yaweh ben uben
yi rinyi-wu,
awu Itsekuru Yaweh,
Rimam ti si Ukwe rika,
ri baa,
“Ame pyir pu m ijwe ti ndub
na Yakubu,
u cwe-m ira ukoh-wu
ti kpakang be,
ama ame u sa uten-wu
ti ande ti ta uwae atang meme
na ande rika-wu.”
9Asiti ande rijwe a tsitsi
ishi kununn iki, aba u cwu.
10Ama kiye ti rishi-ba a sang ba ti a u ba ye akom ru, kinjo u kunn itifaen wu ti ta uwae uwae kusog wu u rang wu baa, “Rikom iki ta ti uwae atang ne a.” Unde wu u cwe baa, “Iyee.” Ama awu ti rang ira u ri baa, “Bwetag! Ti kunn-ti rinyi Yaweh be.”#6:10 “Bwetag! Ti kunn-ti rinyi Yaweh be.” “Bwetag! Kunn-fu rinyi Yaweh be, be ira titibi u tu ti.”
11Kiye ti Yaweh a ri ira,
asog tiyang u kyaensi
u mbubta mbubta,
itikiyib ama u skiyer skiyer.
12Kakum ku ter nyae risu kutxu a.
Unde u pu indag
kaa tom ritom uwae uyinn a.
Amaa, ani sa ira ti kubenti
kafe rikàen ti nunn ma arisab,
u sa wande ti tinyang
kafe iken ti nunn ngag.
13Ani ku pam ipam ikyaen ti
ani ci pu ni Lodebar rika,
u ku ndub ijwe baa,
“Ati ci ande ti Kanayim ti ribom-ti re.”
14Yaweh, Rimam ti si Ukwe rika,
awu ri baa,
“Nung! Ame u tom uten iki ba
ta ni rika, ani ande Isirela.
Aba u sir ni sir sa ti ice Hamati
ba sang ti ukab na Araba.”
Currently Selected:
Amos 6: kubNT
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Amos 6
6
Yaweh u Twenji Ande Isirela
1“Ayae-ni
ande ti som yagkaa yi Siyon,
ti ani ti ku kab baa,
ira iki na u tu-yi ani
yi rikwen ti Samariya be.
Ani ande tiyang tiyang
uwae uten tiyang wune,
ti ande ku ba
sha itindeya uwog-ni.
2Ni ru Kalne
ti ni ka sae iken ti nde atang#6:2 Ni ru Kalne ti ni ka sae iken ti nde atang Ariki ti ku myae ira Mbaibrane uwog ne baa, ayine si ira risu ande tiyang ti ta yi 6:1.,
ni ru yi Hamati uten tiyang,
ti ni ka si yi Gati ti ta uten Filisti.
Ajwo ukwe-ni
nyang skeb ana-ba a.
Uten-ba yaen skeb ana-ni a.
3Ani ku sha-ni usir rikwén be,
amaa, kujwo wande-ni
ku shir usir titibi wu ba fifer te ni.
4“Ayae-ni
ande ti nae tsa iwaen ti tinyang,
ku ndab ijwe-ni atang.
Ani ku som tsa iken ti som
ti ti tinyang
u ku pu unyang-ni atang
ku ye iwentam ti imbae indag
uwae asinn-ni u wen ku kub.
5Ani ti ku yang akyang ti ukaen
ti kufwa-ni,
u sa ijwe-ni tsi pangma ani na
ku mam tu akyang
pangma Dawuda yi kufwa-ni.
6Ani ti ku ngwa ambyi anam
uwae atu tiyaen
u ku shin kindob
ti ku nung kuyang ti tinyang
ama ku beb-ni utob risu
ititwenji na Isirela be!
7Ikyaen ayine,
ani ti u si ande ti tawe
ti a ye ru usom upyi.
Ushwu ti shwu-ni
u ta-yi cwucwo be.”
8Itsekuru Yaweh ben uben
yi rinyi-wu,
awu Itsekuru Yaweh,
Rimam ti si Ukwe rika,
ri baa,
“Ame pyir pu m ijwe ti ndub
na Yakubu,
u cwe-m ira ukoh-wu
ti kpakang be,
ama ame u sa uten-wu
ti ande ti ta uwae atang meme
na ande rika-wu.”
9Asiti ande rijwe a tsitsi
ishi kununn iki, aba u cwu.
10Ama kiye ti rishi-ba a sang ba ti a u ba ye akom ru, kinjo u kunn itifaen wu ti ta uwae uwae kusog wu u rang wu baa, “Rikom iki ta ti uwae atang ne a.” Unde wu u cwe baa, “Iyee.” Ama awu ti rang ira u ri baa, “Bwetag! Ti kunn-ti rinyi Yaweh be.”#6:10 “Bwetag! Ti kunn-ti rinyi Yaweh be.” “Bwetag! Kunn-fu rinyi Yaweh be, be ira titibi u tu ti.”
11Kiye ti Yaweh a ri ira,
asog tiyang u kyaensi
u mbubta mbubta,
itikiyib ama u skiyer skiyer.
12Kakum ku ter nyae risu kutxu a.
Unde u pu indag
kaa tom ritom uwae uyinn a.
Amaa, ani sa ira ti kubenti
kafe rikàen ti nunn ma arisab,
u sa wande ti tinyang
kafe iken ti nunn ngag.
13Ani ku pam ipam ikyaen ti
ani ci pu ni Lodebar rika,
u ku ndub ijwe baa,
“Ati ci ande ti Kanayim ti ribom-ti re.”
14Yaweh, Rimam ti si Ukwe rika,
awu ri baa,
“Nung! Ame u tom uten iki ba
ta ni rika, ani ande Isirela.
Aba u sir ni sir sa ti ice Hamati
ba sang ti ukab na Araba.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017