Amos 5
5
Akyang Ricwu ti Ten Risu Isirela
1Ni fxen ira yine,
ani ande ti Isirela,
akyang ricwu ti ame
ku yang risu-ni ne.
2“Isirela, Mbawandab wu,
jwunnsi pu wu.
Awu u nwunn-wu cwucwo be.
Awu nae riben atang kum awu,
unde ta-wu ti nde ya wu be.”
3Né iken ti nde Yaweh Itsekuru
ri baa,
“Uten ti akyirten kumbub kinjo
a ru ye uwae-wu,
ukob kinjo amam
ti u tsitsi uwae-ba.
Uten ti akyirten ukob kinjo
a ru ye uwae-wu, rijwe amam
ti u tsitsi yi Isirela.”
Ira ti Kunn na Itiyata Ikentitibi
4Ayine si ira ti Yaweh ri te Isirela,
“Ni sha kyae m ti ni som ti user.
5Ni ka sha-ni ame yi Betel be,
ko Gilgal,
ko yi Beyersheba be.
Ikyaen ti,
a u ye pu ande ti Gilgal
ru usom upyi,
ama Betel u ba ku ukaen.”
6Ni kafe ba uwog Yaweh,
ti ni som ti user bē
awu u pugtso pangma urwa
yi ishikununn Isirela
u twen ra wu.
Urwa wu u twen mbub Betel
ti unde iki u byinn jim tu-wu awu be.
7Ayae ni,
ani ande ti sa kubenti
kafe iken ti nunn ngag
pangma arisab,
ama u ku fxaembe iken awakaen,
u ku fungkyi kubenti.
8Rimam wu ti mam aswer,
Pleyade ti Oriyon#5:8 Pleyade ti Oriyon. Ayine si kumbub na aswer iki ti ta apupwen..
Awu ti ku sa ucwefam si,
u ku sa uwog byikyi.
Awu ti ku kunn ambyi tsoye uwae uyinn
u sa tsa si riben.
Rinyi-wu si Yaweh.
9Awu ti ku twenji ande ti ribom
fa ti ukoh uten-ba.
10Ani cwe-ni ira ande
ti ku pwen rikwén ti kubenti be,
u ku sae ru ande
ti ku ri ira ti kubenti.
11Ani ku cebtsa ande ti rikaen,
ku fxaembe wuci-ba ti ribom.
Ikyaen yine,
ko ti ani ku mbye asog ti tinyang
te atxom ti a kwen yi kwen,
ani u nae-ni uwae atang be.
Ko ti ani yen anam
uwae risaen-ni,
ani u ngwa-ni ambyi-yi be.
12Ame nung pu m ribeb riraen-ni,
ti ikentitibi-ni ti ko timambe.
Ani ti ku nde ande ti kubenti ira,
ani ti a ku pu aser cwunn ni unju,
ani ku pwen rikwén tikong risu awakaen.
13Ikyaen ayine, itso kiye wune,
ande ti ben ayib u bwetag skirr,
ikyaen ti, kiye wune si kiye titibi.
14Ni sa utob-ni tsi risu
kubenti ti nde,
ti ni pyir ira titibi pyir,
ti unyang-ni ā ko ra ru yi uwe.
Ama Yaweh,
Rimam ti si Ukwe Rika,
u te ni ta tetso
pangma ti ani ku ri.
15Ni pyir ikentitibi
ti ni ye ure te iken ti tinyang.
Ni pwen rikwén ti kubenti
uwae kusog rikwen-ni.
Iki be Yaweh,
Rimam ti si Ukwe rika
u sae ni anyisu Yusufu ti tsitsi
te ayibrisi.
16Ayine si ira Yaweh,
Rimam ti si Ukwe Rika,
“A u jwub ira yi meme rishen.
Yi meme ukur fengo,
a u jwub ira baa ‘Ii! Ii.’
A u kunn ande ti ritom
ru ba jwub ricwu.
Ande ti wande-ba si ira ti jwub,
a u yae ba ba jwub ira
ti utob ti byir.
17Yi risaen ituku anam meme,
ande u jwub ira ti utob ti byir,
ikyaen ti,
ame u sang tsa kutampwa-ni,
u nde ni ira.”
Yaweh ti ri.
Usir Rikwén Yaweh
18Ayi u beb tsi uwog-ni,
ani ande ti ku sha
itiba usir rikwén Yaweh.
Imi ti nde
ani ku sha ti usir wu na ba?
Usir wune u si kufub,
usir u tsi-wu be!
19Usir wu u si pangma ti
unde ku ter icwu,
u ka purug itumu.
Ko pangma ti awu ku sang
yi uwae kusog
u ka sa kujwo ta kupwe,
ama ikentibi pyer wu ti kujwo.
20Ikyaen yine,
usir Yaweh u si kufub,
usir u tsi-wu be,
uwog u byi tang tang.
21Yaweh ri baa,
“Ame pyir pu m meme ukwab
ti ani ku nde na m,
itifunn ti ani ku nde ikyaen-m
ku txi m iyib!
22Ko ti ani a pu rinyangwae
iken ti ti twen-ni
ti rinyangwae ayaen wuci
ba ku na m,
ame u mbe-m ayi be.
Ame u sae-m ayib yi
iwen ti rikem
ti ani ye ba ku twen na m be
ibye ti ani ku sa ba
ikyaen usom kujimshwur.
23Ni pu akyang ti ani ku nghaen ne
ru ru uwe-m ike!
Ame u naa atong fxen-m kufwa
ti ani ku byinn ku teb m be.
24Ni nda kubenti pupang
kutampwa-ni
pangma ambyi unyim ti ku pang.
Usom ti som ti kpang atang-ni
ā si pangma unyim
ti ku wom-wu wom be.
25Ti ani ta uwae kutur kuka asang mae ifaen né, ani ku twen ikentitwen u ku pu rinyangwae iki na me a, Isirela#5:25 Ti ani ta uwae kutur kuka asang mae ifaen né, ani ku twen ikentitwen u ku pu rinyangwae iki na me a, Isirela Ariki ti ku myae ira yine uwae unju Mbaibrane ku ri baa, imbyi 25 baa, “Ti ani kyang uwae kutur kuka asang mae ifaen, ani twen iken na-ni ame be, u pu rinyangwae na-ni ame be.” Ariki ama ri baa, imbyi-yi baa, “Ti ani kyang uwae kutur kuka asang mae ifaen né, ani twen iken na m, u pu rinyang uwae na m ti utob kinjo a.”. 26Iyee! Ani ku ye apxin-ni Sakut tsa ukwae ku kyang, awu ukwe apxin-ni, ti Kaiwan ti si pangma aswer ti ani kyae tsi ku fen#5:26 Ani ku ye apxin-ni Sakut tsa ukwae ku kyang, awu ukwe apxin-ni, ti Kaiwan ti si pangma aswer ti ani kyae tsi ku fen Ariki ti ku myae ira yine uwae unju Mbaibrane ku ri baa, imbyi 26 baa, Amaa tine, ani ku fen apxin-ni Sakut, ku ye wu tsa ukwae ku kyang baa, awu na si ukwe-ni, ama ku ye nwunn apxin-ni Kiyun, ti pangma aswer ti ani kyae tsi ku fen. Ariki myae baa, imbyi-yi baa, Amaa tine, ikyaen ti ani ku fen abikwe apxin-ni Sakut ti Kiyun, ani u tsa kang yi ukwae-ni ru yi uten upyi.. 27Ikyaen ayine, ame u pu ni yafe Damasiku kaa som uten ti ani kaa kafe upyi atang.” Yaweh ti rinyi-wu si Rimam, Ukwe Rika ti ri.
Currently Selected:
Amos 5: kubNT
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Amos 5
5
Akyang Ricwu ti Ten Risu Isirela
1Ni fxen ira yine,
ani ande ti Isirela,
akyang ricwu ti ame
ku yang risu-ni ne.
2“Isirela, Mbawandab wu,
jwunnsi pu wu.
Awu u nwunn-wu cwucwo be.
Awu nae riben atang kum awu,
unde ta-wu ti nde ya wu be.”
3Né iken ti nde Yaweh Itsekuru
ri baa,
“Uten ti akyirten kumbub kinjo
a ru ye uwae-wu,
ukob kinjo amam
ti u tsitsi uwae-ba.
Uten ti akyirten ukob kinjo
a ru ye uwae-wu, rijwe amam
ti u tsitsi yi Isirela.”
Ira ti Kunn na Itiyata Ikentitibi
4Ayine si ira ti Yaweh ri te Isirela,
“Ni sha kyae m ti ni som ti user.
5Ni ka sha-ni ame yi Betel be,
ko Gilgal,
ko yi Beyersheba be.
Ikyaen ti,
a u ye pu ande ti Gilgal
ru usom upyi,
ama Betel u ba ku ukaen.”
6Ni kafe ba uwog Yaweh,
ti ni som ti user bē
awu u pugtso pangma urwa
yi ishikununn Isirela
u twen ra wu.
Urwa wu u twen mbub Betel
ti unde iki u byinn jim tu-wu awu be.
7Ayae ni,
ani ande ti sa kubenti
kafe iken ti nunn ngag
pangma arisab,
ama u ku fxaembe iken awakaen,
u ku fungkyi kubenti.
8Rimam wu ti mam aswer,
Pleyade ti Oriyon#5:8 Pleyade ti Oriyon. Ayine si kumbub na aswer iki ti ta apupwen..
Awu ti ku sa ucwefam si,
u ku sa uwog byikyi.
Awu ti ku kunn ambyi tsoye uwae uyinn
u sa tsa si riben.
Rinyi-wu si Yaweh.
9Awu ti ku twenji ande ti ribom
fa ti ukoh uten-ba.
10Ani cwe-ni ira ande
ti ku pwen rikwén ti kubenti be,
u ku sae ru ande
ti ku ri ira ti kubenti.
11Ani ku cebtsa ande ti rikaen,
ku fxaembe wuci-ba ti ribom.
Ikyaen yine,
ko ti ani ku mbye asog ti tinyang
te atxom ti a kwen yi kwen,
ani u nae-ni uwae atang be.
Ko ti ani yen anam
uwae risaen-ni,
ani u ngwa-ni ambyi-yi be.
12Ame nung pu m ribeb riraen-ni,
ti ikentitibi-ni ti ko timambe.
Ani ti ku nde ande ti kubenti ira,
ani ti a ku pu aser cwunn ni unju,
ani ku pwen rikwén tikong risu awakaen.
13Ikyaen ayine, itso kiye wune,
ande ti ben ayib u bwetag skirr,
ikyaen ti, kiye wune si kiye titibi.
14Ni sa utob-ni tsi risu
kubenti ti nde,
ti ni pyir ira titibi pyir,
ti unyang-ni ā ko ra ru yi uwe.
Ama Yaweh,
Rimam ti si Ukwe Rika,
u te ni ta tetso
pangma ti ani ku ri.
15Ni pyir ikentitibi
ti ni ye ure te iken ti tinyang.
Ni pwen rikwén ti kubenti
uwae kusog rikwen-ni.
Iki be Yaweh,
Rimam ti si Ukwe rika
u sae ni anyisu Yusufu ti tsitsi
te ayibrisi.
16Ayine si ira Yaweh,
Rimam ti si Ukwe Rika,
“A u jwub ira yi meme rishen.
Yi meme ukur fengo,
a u jwub ira baa ‘Ii! Ii.’
A u kunn ande ti ritom
ru ba jwub ricwu.
Ande ti wande-ba si ira ti jwub,
a u yae ba ba jwub ira
ti utob ti byir.
17Yi risaen ituku anam meme,
ande u jwub ira ti utob ti byir,
ikyaen ti,
ame u sang tsa kutampwa-ni,
u nde ni ira.”
Yaweh ti ri.
Usir Rikwén Yaweh
18Ayi u beb tsi uwog-ni,
ani ande ti ku sha
itiba usir rikwén Yaweh.
Imi ti nde
ani ku sha ti usir wu na ba?
Usir wune u si kufub,
usir u tsi-wu be!
19Usir wu u si pangma ti
unde ku ter icwu,
u ka purug itumu.
Ko pangma ti awu ku sang
yi uwae kusog
u ka sa kujwo ta kupwe,
ama ikentibi pyer wu ti kujwo.
20Ikyaen yine,
usir Yaweh u si kufub,
usir u tsi-wu be,
uwog u byi tang tang.
21Yaweh ri baa,
“Ame pyir pu m meme ukwab
ti ani ku nde na m,
itifunn ti ani ku nde ikyaen-m
ku txi m iyib!
22Ko ti ani a pu rinyangwae
iken ti ti twen-ni
ti rinyangwae ayaen wuci
ba ku na m,
ame u mbe-m ayi be.
Ame u sae-m ayib yi
iwen ti rikem
ti ani ye ba ku twen na m be
ibye ti ani ku sa ba
ikyaen usom kujimshwur.
23Ni pu akyang ti ani ku nghaen ne
ru ru uwe-m ike!
Ame u naa atong fxen-m kufwa
ti ani ku byinn ku teb m be.
24Ni nda kubenti pupang
kutampwa-ni
pangma ambyi unyim ti ku pang.
Usom ti som ti kpang atang-ni
ā si pangma unyim
ti ku wom-wu wom be.
25Ti ani ta uwae kutur kuka asang mae ifaen né, ani ku twen ikentitwen u ku pu rinyangwae iki na me a, Isirela#5:25 Ti ani ta uwae kutur kuka asang mae ifaen né, ani ku twen ikentitwen u ku pu rinyangwae iki na me a, Isirela Ariki ti ku myae ira yine uwae unju Mbaibrane ku ri baa, imbyi 25 baa, “Ti ani kyang uwae kutur kuka asang mae ifaen, ani twen iken na-ni ame be, u pu rinyangwae na-ni ame be.” Ariki ama ri baa, imbyi-yi baa, “Ti ani kyang uwae kutur kuka asang mae ifaen né, ani twen iken na m, u pu rinyang uwae na m ti utob kinjo a.”. 26Iyee! Ani ku ye apxin-ni Sakut tsa ukwae ku kyang, awu ukwe apxin-ni, ti Kaiwan ti si pangma aswer ti ani kyae tsi ku fen#5:26 Ani ku ye apxin-ni Sakut tsa ukwae ku kyang, awu ukwe apxin-ni, ti Kaiwan ti si pangma aswer ti ani kyae tsi ku fen Ariki ti ku myae ira yine uwae unju Mbaibrane ku ri baa, imbyi 26 baa, Amaa tine, ani ku fen apxin-ni Sakut, ku ye wu tsa ukwae ku kyang baa, awu na si ukwe-ni, ama ku ye nwunn apxin-ni Kiyun, ti pangma aswer ti ani kyae tsi ku fen. Ariki myae baa, imbyi-yi baa, Amaa tine, ikyaen ti ani ku fen abikwe apxin-ni Sakut ti Kiyun, ani u tsa kang yi ukwae-ni ru yi uten upyi.. 27Ikyaen ayine, ame u pu ni yafe Damasiku kaa som uten ti ani kaa kafe upyi atang.” Yaweh ti rinyi-wu si Rimam, Ukwe Rika ti ri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017