Psalmyn 84
84
PSAL. 84.
Quam dilecta!
1O cre cha eunyssagh ta dty chummallyn:
uss Hiarn dy heshaght flaunys!
2Ta m’annym geearree as goaill foddeeaght dy gholl stiagh ayns cooyrtyn y Chiarn:
ta my chree as m’eill goaill boggey ayns y Jee bio.
3Ta’n sparroo hene er gheddyn ynnyd, as yn gollan-geayee edd raad oddys ee e heïn y hroggal:
dy-jarroo ny altaryn ayds, O Hiarn jeh’n cheshaght flaunyssagh, my Ree as my Yee.
4Bannit t’adsyn ta vaghey ayns dty hie:
bee ad dy-kinjagh cur moylley dhyt.
5Bannit ta’n dooinney ta’n niart echey ayn-yds:
ayns e chree ta ny raaidyn ayds.
6Quoi ga dy vel eh goll trooid coan dy hreihys, t’eh jeeaghyn er myr farrane:
as myr puill er nyn lhieeney lesh ushtey.
7Hed ad veih niart gys niart:
as ta dagh unnane oc chebbal eh hene fenish yn Jee dy Yee'ghyn ayns Sion.
8O Hiarn Yee dy heshaght flaunys, clasht rish my phadjer:
eaisht, O Yee Yacob.
9Cur-my-ner, O Yee nyn vendeilagh:
as jeeagh er eddin dt’er-ooïllit.
10Son ta un laa ayns dty chooyrtyn:
ny share na thousane.
11Baare lhiam currym y dorrys y ve orrym ayns thie my Yee:
na dy vaghey ayns cabbaneyn ny mee-chrauee.
12Son ta’n Chiarn Jee ny hoilshey as fendeilagh:
ver y Chiarn grayse as gloyr: as cha bee nhee mie erbee er ny chummal vowesyn ta leeideil bea chrauee.
13O Hiarn Yee dy heshaght flaunys;
bannit ta’n dooinney ta cur e hreishteil ayn-yds.
Currently Selected:
Psalmyn 84: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society