Psalmyn 76
76
PSAL. 76.
Notus in Judæa.
1Ayns Judea ta enney er ny choyrt er Jee:
ta’n Ennym echey mooar ayns Israel.
2Ec Salem ta e chabbane-agglish:
as e chummal ayns Sion.
3Ayns shen vrish eh sideyn y vhow:
yn shleïy, yn cliwe, as y ghreï-chaggee.
4T’ow jeh onnor as niart smoo:
na croink ny roosteyryn.
5Ta’n vooinjer voyrnagh er nyn roostey, t’ad er chadley nyn gadley:
as ooilley ny deiney va ny laueyn oc niartal, cha vel ad er gheddyn monney.
6Ec yn oghsan ayds, O Yee Yacob:
ta chammah yn ainagh as y cabbyl er duittym.
7T’ow uss, dy-jarroo uss as aggle dy ve er ny ghoaill royd:
as quoi oddys shassoo ayns dty hilley tra t’ow corree?
8Hug oo er dty vriwnys dy ve er ny chlashtyn veih niau:
va’n ooir er-creau, as ve ny-host,
9Tra dirree Jee gys briwnys:
as dy chooney lesh ooilley yn vooinjer imlee er y thalloo.
10Nee elgys dooinney chyndaa gys dty voylley:
as yn elgys ocsyn nee uss eh y smaghtaghey.
11Jean-jee gialdyn da’n Chiarn y Jee eu, as cooilleen-jee eh, ooilley shiuish ta mygeayrt-y-mysh:
cur-jee lhieu giootyn huggeysyn lhisagh aggle ve goit roïsh.
12Nee eshyn ginjillaghey spyrryd prinsyn:
as t’eh yindyssagh mastey reeaghyn y thallooin.
Currently Selected:
Psalmyn 76: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society