Psalmyn 62
62
MORNING PRAYER.
PSAL. 62.
Nonne Deo?
1Ta m’annym dy-firrinagh farkiaght dy-kinjagh er Jee:
son veihsyn ta my haualtys cheet.
2Eshyn dy-feer my niart as my haualtys:
eshyn my endeil, myr shen nagh bee my lhieggey mooar.
3Caid smooinys shiu er olk noi dy-chooilley ghooinney:
hed shiu er stroie ooilley yn sorch eu; dy-jarroo, myr voall ta aarloo dy huittym vees shiu, as myr cleiy brisht.
4Ta’n smooinaghtyn croutagh oc ny-lomarcan kys dy chur eshyn sheese ballish Jee y hoiaghey seose:
t’ad goaill taitnys ayns breagyn; t’ad cur goan mie lesh nyn meeall, agh gweeaghyn ayns nyn gree.
5Ny-yeih, m’annym, farkee uss dy-kinjagh er Jee:
son ta my hreishteil aynsyn.
6Eshyn dy-firrinagh my niart as my haualtys:
eshyn my endeilagh, myr shen nagh duittym.
7Ayns Jee ta my lhaynt as my ghloyr:
creg my niart, as ayns Jee ta my hreishteil.
8O cur-jee nyn marrant er dy-kinjagh, shiuish phobble:
deayrt-jee magh nyn greeaghyn kiongoyrt rish; son ta Jee nyn dreishteil.
9Er son cloan gheiney, cha vel ad agh fardail:
ta cloan gheiney molteyragh er ny meihaghyn, t’ad ooilley-cooidjagh ny s’eddrym na fardailys hene.
10O ny treisht-jee ayns aggair as roosteyrys; ny cur-jee shiu hene seose gys molteyrys:
my ta berchys bishaghey, ny soie-jee nyn gree orroo.
11Loayr Jee un cheayrt, as daa cheayrt ta mish er chlashtyn y lheid cheddin:
dy vel pooar bentyn gys Jee;
12As dy vel uss, Hiarn, myghinagh:
son t’ow cooilleeney dy-chooilley ghooinney cordail rish e obbyr.
Currently Selected:
Psalmyn 62: PS1765
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society
