Psalmyn 138
138
PSAL. 138.
Confitebor tibi.
1Ver-ym booise dhyt, O Hiarn, lesh ooilley my chree:
dy-jarroo fenish ny ainleyn goym arraneyn-moyllee hoods.
2Nee’m ooashley ’choyrt kiongoyrt rish dty hiamble casherick, as dt’Ennym y voylley, er coontey dty chenjallys-ghraihagh as dt’ynrickys:
son t’ow er ghloyraghey dt’Ennym as dty Ghoo er-skyn dy-chooilley nhee.
3Tra deïe mee ort, ren oo m'y chlashtyn:
as m’annym y chomm'rey lesh mooarane niart.
4Nee ooilley reeaghyn y thallooin uss y voylley, O Hiarn:
son t’ad er chlashtyn goan dty veeall;
5Dy-jarroo, gow-ee ad arraneyn ayns raaidyn y Chiarn:
Dy vel gloyr y Chiarn mooar.
6Son ga dy vel y Chiarn ard, ny-yeih t’eh coyrt tastey da’n sleih imlee:
agh er son ny mooaralee t’eh jeeaghyn orroo foddey veih.
7Ga dy vel mee shooyll ayns mean seaghyn, ny-yeih nee oo m'y ooraghey:
sheeyn-ee oo magh dty laue er eulys my noidyn, as nee dty laue yesh mish y hauail.
8Nee’n Chiarn e chenjallys-ghraihagh y yannoo mie dooys:
ta dty vyghin, O Hiarn, farraghtyn son dy-bragh; ny jean beg y hoiaghey eisht jeh obbyr dty laueyn hene.
Currently Selected:
Psalmyn 138: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society