Psalmyn 128
128
PSAL. 128.
Beati omnes.
1Bannit t’adsyn ooilley ta goaill aggle roish y Chiarn:
as ta gimmeeaght ayns e raaidyn.
2Son nee oo gee jeh laboraght dty laueyn:
O s’mie t’ow, as s’maynrey vees oo.
3Bee dty ven myr y billey-feeyney messoil, er voallaghyn dty hie;
4Dty chloan goll-rish ny banglaneyn-olive:
mygeayrt-y-mysh dty voayrd.
5Cur-my-ner, myr shoh vees y dooinney bannit:
ta goaill aggle roish y Chiarn.
6Nee yn Chiarn magh ass Sion myr shen oo y vannaghey:
dy vaik oo Jerusalem ayns maynrys ooilley laghyn dty vea;
7Dy-jarroo, dy vaik oo cloan dty chlienney:
as shee er Israel.
Currently Selected:
Psalmyn 128: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society