Jabura 94
94
Ala la kiiti sa nun wali koroŋɛ sɔŋɛ dii koe
1Ee Alatala, tɛn yɔgɔ Mansa,
yandi, ile min mu tɛn yɔgɔlá la,
i ni i yɛtɛ makɛnɛn i la nɔɔra butɔ!
2Wuli, ile min be dunuya bɛ makiitila!
Fan nakoloyalanu la walenu ni saagi anu ma!
3Ee Alatala, mɔgɔ koroŋɛnu be tola han wagati miniman?
Mɔgɔ koroŋɛnu be tola sɛɛwa tɔ han wagati miniman?
4Kuma bele banna anu da tɔ, anu be wasumanteya kuma fɔla.
Ko koron malanu bɛ be fan nakoloya kuma le fɔla.
5Alatala, anu be i la jama putukunna,
anu be i la mɔgɛnu tɔɔrɔla.
6Anu be furuɲa musenu nun luntaŋɛnu fagala,
anu be aliyatimɛnu nɛ bɔɔla.
7Wo kɔma anu be a fɔla aa Alatala te fenfen yen,
aa Yaguba la Ala te a hakkile to wo koenu ma.
8Wole hakkilibɔnɛnu, wo a ma dɔyi!
Wole dakuenu, bɔ wo be hakkili sɔtɔla wagati miniman?
9Min ka tole da, wo si to a te kuma mɔɛ ba?
Min ka ɲa ɲiɲa, wo te ɲɔ tayen ba?
10Min be jamanɛ bɛ matelenna, a te mɔgɔ ladan ba?
Min be lɔnnɛ diila adamadeŋɛnu ma,
11ale Alatala ka mɔgɛnu la miranu lɔn;
anu bele kiyoki.
12Ee Alatala, sɛɛwa be mɔgɛ ye i be min matelenna,
i be min nakaranna i la sariya la.
13I be suleŋɛ diila le a ma ɲagankata luŋɛ,
han dinka ni soe ko koron malanu be naala jigila min butɔ.
14Iyon, Alatala te bɔɔ a la jama kɔma,
a te a la mɔgɛnu aɲɛ.
15Bayi kiiti telendeŋɛ mɛn si saagi le kiiti boŋɛ tɔ.
Min bɛ juse be beeyaaren, wonu bɛ si sɔn wo kiite mɔɔle la.
16Ɲɔmɔ si sɔ n ɲɛ ko koron malanu kɛlɛ koe la?
Ɲɔmɔ si mɔgɛnu kɛlɛ minnu be funmaya mala?
17Ka Alatala le bele n dɛmanna nun,
kɔtɛ nun n na ko bata mɔdɛ nun n ni sabati laakira.
18N tota le a fɔla n ko: «N kɛŋɛnu be surunna n kɔtɔ!»
Ile Alatala la fonisireya le ka n kɔtɔ sɔ.
19Kɔntɔfile banba be n juse tɔ wagate min tɔ,
ile le ka n juse sa i ka a lafa sɛɛwa la.
20Alatala, kɛ kiiti salanu minnu be kiiti koroŋɛ sala
ka yamɔre sa nɔya la,
i nun wonu si nɔ ko do makafula ba?
21Anu be madɛnna telenbaganu faga koe le la.
Mɔgɛ min bele koko koron maren, anu be kiiti koroŋɛ sala wolo ma.
22Kɔnɔ Alatala le mu n kantalá la,
n na Ala be tola le iko fata min si n natanga.
23A si anu la wali koroŋɛ lasaagi le anu ma,
a si anu la ko ladufen de anu la koronya la.
Alatala wo mɔ la Ala si anu la ko ladufen de.
Currently Selected:
Jabura 94: MOG
Highlight
Share
Compare
Copy
Want to have your highlights saved across all your devices? Sign up or sign in
