Jabura 7
7
Ala mu kiiti salá telendeŋɛ le la
1Dauda la beete mɔɔli do le ka Alatala ye, Kusi Bunyamin kaa la ko la.
2N Marige Alatala, n be tangare ɲinila ile le la.
N nakisi n jaguenu ma, minnu bɛ be n beela,
i ni n bɔɔ anu bolo.
3Ka wo ma, anu si naa n faga iko jata be mɔgɛ fagala ki min na.
A tini min bita mɔgɔ yo te nɔ a bɔɔla a bolo.
4N Marige Alatala, anu be n tɔɲɛgɛla!
Kaa, n bata telenbaliya ma mɔgɔ do la ba?
5Kaa, n bata ko koroŋɛ ma mɔgɔ do la ba,
mɔ nun min be sigiren jususa butɔ?
Kaa, n bata fondo bosi n kɛlɛlá bolo nun ba?
6Awa ka a be ɲɔgɔnna le nun, n jaguenu ni n bee ka n bita,
anu ni n kende matɛn,
n na kunnawule ni tiɲa feu.
Beeti bɔɔlá la suleŋɛ donden.
7Alatala, yandi i ni wuli,
i juse ni yɛlɛ n jaguenu ma.
Anu bata ɲanpuren, awa i ɲamatelen anu ma;
i ni n dɛman, ile min mu kiiti salá telendeŋɛ la.
8I la nɔɛ ni to jamanɛnu kunma;
i ni sigi i la mansa tintiŋɛ tɔ, anu ni to i la yamɔre kɔtɔ.
9Alatala, jamanu makiiti.
Alatala, n na tɔɲa makɛnɛn anu ye,
n na teleŋɛ nun n na waliɲa bere la.
10Dan sa ko koroŋɛ la, mɔgɔ koroŋɛnu be min mala.
I ni mɔgɔ telendeŋɛnu la ko lasɔnɔya,
ile, Ala min telenta, min ka bɛ sondon butɔ koe lɔn.
11Ala, n natangalá mu ile le la,
min be mɔgɔ telendeŋɛ lakisila.
12Kiiti salá telendeŋɛ le mu ile Ala la,
min si dumɛn telenbalenu ma wagate bɛ.
13Ka mɔgɔ koroŋɛ ma a yɛtɛ lasaagi, Ala si a la faŋɛ da fila ladiya le,
a ni a la ndaka filifeŋɛ bannɛ.
14Ala be wo faga mafeŋɛnu ɲiɲala, mɔgɔ koroŋɛnu digii ma,
a ni a la ndakanu lake anu ma, ta be anu tɔ.
15Mɔgɔ koroŋɛ hakkile be sɔla ko koroŋɛ tun de ma.
A ni mɔgɛ ɲagankata koe tabɛn han a ni ban wo tiɲare mala.
16A ni dinka soe han a ni luggɛ,
ale yɛtɛ ni naa boe a la dinka soereŋɛ butɔ.
17A be diren mɔgɛ ɲagankatala min na, wo ka ale yɛtɛ masɔtɔ;
a la kɛlɛ tɛgɛ bata saagi a fan ma.
18Awa, n si Alatala tantu le a la teleŋɛ la ko la.
N si beete bɔɔ le Alatala tɔgɛ la, Ala min mayɛlɛta.
Currently Selected:
Jabura 7: MOG
Highlight
Copy
Compare
Share
Want to have your highlights saved across all your devices? Sign up or sign in
