Jabura 46
46
Yaguba la Ala mu mɔ kantalá le la
1Kora la deŋɛnu la beete do le ka, min be donden beeti bɔɔlanu la kuntige bolo. Beete le mu min be bɔɔla den museren kulɛ la.
2Ala le mu mɔ kantalá la, anun mɔ sɛnbɛ;
wagate bɛ ale le mu mɔ dɛmanná la ɲamɔɛ wagate.
3Wo butɔ, hali duge sɛrɛnta,
hali kɔnkɛnu boeta ba butɔ le, mɔ te kilan.
4Hali mɔrɔŋɛnu wuruntunta anu kanpata,
hali kɔnkɛnu tagata lamaga wo wuruntuŋɛ la, mɔ te kilan.
Beeti bɔɔlá la suleŋɛ donden.
5Kɔɛɛ do be ɲɔ, min boliŋɛnu be Ala la saa lasɛɛwala,
ale saa min be maren Ala la dula saniyandeŋɛ la, Ala min mayɛlɛta.
6Ala be wo saa tɔ, min te naa lamaga.
Ka fɔlɔ ɲɔlakɛnɛ fɛ han wo ɲatɔ, Ala si anu dɛman.
7Sii gbɛtɛnu be sɔnkɔsɔnkɔla, mansayanu bata mamaga.
Wo wagate le, Ala ka a kulɛ labɔɔ, limaniya bɔɔta dunuya bɛ bolo.
8Alatala dunuya bɛ da Mansa be mɔ fɛ;
Yaguba la Ala mu mɔ kantalá le la.
Beeti bɔɔlá la suleŋɛ donden.
9Wo na, wo ni Alatala la walenu fɛlɛ;
a bata kabanakoe minnu ma dunuya.
10Ale le be kɛlɛnu banna han dunuya daŋɛ tɔ.
A ni kalanu kati, a ni tanbanu kuntu,
a ni kɛlɛ malanu la nɛgɛ leefanu bintan.
11A ko: «Wo wo lakara, wo ni a lɔn nde le mu Ala la.
N na nɔɛ be dunuya bɛ kunma, n na nɔɛ be see bɛ kunma.»
12Alatala dunuya bɛ da Mansa be mɔ fɛ;
Yaguba la Ala mu mɔ kantalá le la.
Beeti bɔɔlá la suleŋɛ donden.
Currently Selected:
Jabura 46: MOG
Highlight
Share
Compare
Copy
Want to have your highlights saved across all your devices? Sign up or sign in
