Jabura 41
41
Bandiyabaga la Ala mataraŋɛ
1Dauda la beete do le ka, min be donden beeti bɔɔlanu la kuntige bolo.
2Hɛra be mɔgɛ ye min be a hakkile toren tɔɔrɔbaganu ma.
Alatala si a latanga le tɔɔrɛ wagate.
3Alatala si a mɛnni, a si a balu
han a ni to hɛra tɔ dunuya.
I te a to a jaguenu sagoe tɔ.
4Ka a ma kende, Alatala si a dɛman a la safeŋɛ tɔ.
A la bande wagate, a be nala a sa ɲa bɛ tabɛnna.
5N ko: «Alatala i ni kinikini n ma,
i ni n nakendeya hali n to n bata junube ma i la.»
6N jaguenu be kuma koroŋɛ fɔla n ma, anu ko:
«Ee, kɛ be nala fagala muntuma?
A tɔgɛ ni muttɛ kisanna!»
7Ka anu dɔndɔ nata n yendula, a ni foniya kuma fɔ n ɲɛ,
kɔnɔ a juse tɔ, a be ko koroŋɛ le fɔla.
A tini bɔɔ n kunma, a ni naa wo ɲamakaran a filaɲɔgɛnu ye.
8N kɔnbaganu bɛ be n na ko kɔyɛkɔyɛla ɲɔgɔn tɛma;
anu be n tɔɔrɔ fɛrɛ ɲinila.
9Anu be a fɔla: «Bandiya koroŋɛ bata a bita.
A be kɛ sa min maren ka, a te wuli bitugun.»
10Hali n kɔnpini ɲinma n be laaren min na,
n nun min tota dɔmɔre mala nun kan dɔndɔ,
wo bata a kɔ sɔ n na.
11Kɔnɔ ile Alatala, i ni kinikini n ma i ni n nawuli,
alako n ni n jaguenu sɔŋɛ lasaagi anu ma.
12Ka n jague ma taga nɔ sɔtɔ n ma,
n si a lɔn wolo la ka a fɔla i bata sɛɛwa n na.
13I si n kɔtɔ sɔ le, i si a taran kɔnɔ yo bele n na,
i bata n nasigi i ɲala kudai.
14 Mamatɔgɛ be Alatala ye bani Isirayila kaanu la Ala, ka bɔɔ hau, han kudai.
Amina, amina.
Currently Selected:
Jabura 41: MOG
Highlight
Share
Compare
Copy
Want to have your highlights saved across all your devices? Sign up or sign in
