Jabura 38
38
Bandiyabaga la Ala mataraŋɛ
1Dauda la matalɔn beete do le ka.
2Ee Alatala, n na ko to bele diyaren i ye, i kana n ɲagankata,
i to be dumɛnden n ma, i kana n jihadi.
3Bayi i la ndakanu bata n maba.
I bata n naboe i bole la.
4Sɛnbɛ yo bele n bale tɔ i la dumɛ sabu la;
sɛnbɛ yo bele n kolenu la n na junube la ko la.
5Bayi n na junubenu bata dusu n kunma,
anu be toren iko koto bilima n te min nɔ.
6N na tɛlɛnu kuɲɛ be bɔɔla anu bata toli,
wo be fatanden n na hakkilibɔnɔya le la.
7N be tɔɔrɔren, n bata butin, n bata kondo koola.
Tele muru n be suunɛ le tɔ.
8Bayi n bali kɔtɔ be faren bandiya bɛlɛŋɛ la,
kendeya yo bele n bale tɔ.
9Sɛnbɛ bele n na, n bata laganfun koola,
n be tola waaninna n juse tɔ.
10N Marige, i ka n jusu butɔ koe bɛ lɔn,
n nuunu kulɛ bele dogonden i la.
11N juse be a tatugula koola, n sɛnbɛ bata ban.
Ee, kɔnɔ n ɲa te kɛnɛ yen bitugun!
12N kɔnpinɛnu anun n lɔnbaganu,
wonu be anu matuntunna n na, n na bande la ko la.
N bata n sɔtɔɲɔgɛnu yen sɔren kan yanfa.
13Minnu be diren n na faga ye, wonu be jule yɛlɛla n ɲɛ.
Minnu be n tɔɔrɔ fɛrɛ ɲinila, wonu be kumala n tiɲa koe le tun na.
Tele muru anu be anu mirala janfa la.
14Kɔnɔ nde be toren iko tolobɔnɛ, n bele n tolomasɔla wo kumanu la;
n bata ma iko bobe min te a da laka a ni anu jaabi.
15N bata ma iko mɔgɔ min te kuma mɔɛ,
kumari yo te mɔɛ n da tɔ.
16Ee Alatala, n be n yigi saren ile le ma.
N Marige Ala, ile ni n na ko bita!
17N ko n yɛtɛ ma, n kɛŋɛ tini surun,
a ma bɛn n jaguenu ni yo n ma,
a ma bɛn anu ni sɛɛwa n na boere la!
18Iyon, n be boe koe le tɔ,
wagate bɛ dumɛŋɛ be n ma.
19N te balan a fɔla n be junubu koe le maren,
n be kilaŋɛ tɔ n na tiɲare la ko la.
20Kɔnɔ n jaguenu kan kende, anu sɛnbɛ kolo han.
Minnu be n kɔnna fufafu la, wonu bata siya.
21Minnu be ko ɲinma masarala ko koroŋɛ la,
wonu tugun be n tɔɲɛgɛla, hali n to be ko ɲinma le jokkiren.
22Ee Alatala, i kana n boloka;
n na Ala, i kana yanfaya n na.
23Ee Marige, i ni na teriya la n dɛman koe la.
N Marige, n nakisilá le mu i la.
Currently Selected:
Jabura 38: MOG
Highlight
Copy
Compare
Share
Want to have your highlights saved across all your devices? Sign up or sign in
