Jabura 26
26
Telenbaga do la Ala mataraŋɛ
1Dauda tɛŋɛ.
Ee Alatala, i ni tɔɲa dii n ma, bayi n bata tagaman teleŋɛ la.
N te surun, n be yigiren ile Alatala le la.
2Alatala, i ni n fɛlɛ, i ni n fɛsɛfɛsɛ,
i ni n juse nun n na miranu kɔrɔsi;
3bayi i la fonisireya be n ɲakɔtɔ,
n mɛn be tagamanna i la tɔɲa la.
4N te sigi foniyantenu tɛma,
n nun filankafuenu te tagaman;
5n bata ko koron malanu madɛndeŋɛ bɛ kɔn,
n nun mɔgɔ koroŋɛnu te sigi.
6Ee Alatala, n ni n bole ko a yita koe la n be beeyaren,
n ni i la sarika bɔɔ dula lamilin
7ka i tantu n kulɛ mayɛlɛreŋɛ la,
ka i la kabanakoenu bɛ ɲamakaran.
8Alatala, i la hɔrɔma boŋɛ di n ɲɛ,
i nɔɔra be toren dula min tɔ.
9I kana n bita iko i be junubutɔɛnu bitala ki min na,
i kana n nɛɛ jigan iko i be mɔgɔ fagalanu nɛɛ bɔɔla ki min na.
10Wo junubutɔɛnu be ko masogindeŋɛ tun de mala,
anu bolo ɲinma bele faren fenfen na, fɔ ji sige ma koe la anu ye.
11Kɔnɔ nde kan, n ni tagaman n na teleŋɛ le butɔ.
I ni n kunka ka kinikini n ma.
12N kɛŋɛ be sɔren dula telendeŋɛ kunma.
N si Alatala matɔgɔ le jama mamadɛŋɛnu tɔ.
Currently Selected:
Jabura 26: MOG
Highlight
Copy
Compare
Share
Want to have your highlights saved across all your devices? Sign up or sign in
