Jabura 24
24
Nɔɔra tige don koe a la hɔrɔma boŋɛ butɔ
1Dauda la beete do le ka.
Alatala le tɛŋɛ mu duge nun a butɔ feŋɛ bɛ la,
dunuya nun adamadeŋɛ bɛ.
2Ale le be duge lafontiren banu tɛma,
a ka anu sigi kɔɛɛnu tɛma.
3Ɲɔmɔ le si nɔ yɛlɛla Alatala la kɔnkɔ saniyandeŋɛ kunma?
Ɲɔmɔ le si nɔ a madonna ɲɔ a la hɔrɔma boŋɛ la?
4Min na wale kaɲin,
min juse saniyanta,
min te sɔ ko fufafue kɔma,
min te a kali foniya la,
wo tigi le be a madonna Ala la hɔrɔma boŋɛ la.
5Alatala be barikɛ sala le a ma,
a lakisilá Ala si a bita le mɔgɔ telendeŋɛ la.
6Kɛ mɔgɛ mɔɔle le be Ala ɲinila.
Anu le Yaguba la mɔgɛnu be diren Ala lɔnna.
Beeti bɔɔlá la suleŋɛ donden.
7Hɔrɔma dingira tatta bondanu ni laka woren,
a bondanu minnu be ɲɔ bɔɔla hau, wonu tugun ni laka,
alako nɔɔra tige ni don.
8Ɲɔmɔ le mu kɛ nɔɔra tige la?
Alatala sɛnbɛma le mu a la,
Alatala, min sɛnbɛ kolo kɛlɛ tɔ.
9Hɔrɔma dingira tatta bondanu ni laka woren,
a bondanu minnu be ɲɔ bɔɔla hau, wonu tugun ni laka,
alako nɔɔra tige ni don.
10Ɲɔmɔ le yati mu kɛ nɔɔra tige la?
Alatala dunuya bɛ da Mansa, wolo mu nɔɔra tige la.
Beeti bɔɔlá la suleŋɛ donden.
Currently Selected:
Jabura 24: MOG
Highlight
Copy
Compare
Share
Want to have your highlights saved across all your devices? Sign up or sign in
