Jabura 148
148
Dalifeŋɛnu bɛ la Alatala tantu koe beete
1Wo Alatala tantu!
Wo Alatala tantu, wole minnu be saŋɛ tɔ!
Wo a tantu dula mayɛlɛreŋɛnu tɔ!
2Wole Alatala la malekanu bɛ, wo a tantu.
Wole Alatala la maleka jama bɛ, wo a tantu.
3Tele nun kare, wo Alatala tantu!
Wole loolenu min bɛ be malanna kantɔ, wo Alatala tantu!
4Wole saŋɛ tɔ dulanu minnu mayɛlɛta sankole bɛ ko,
anun wole jenu minnu be sankole kunma pon, wo Alatala tantu!
5Wo koenu bɛ bɛnta Alatala tɔgɛ tantula,
bayi a ka anu da a la yamɔre le la!
6A ka anu lasabati kudai.
A ka a bɛ tagaman ɲa yamɔre sa, min te tiɲa.
7Wo Alatala tantu, wole minnu be dunuya!
Wole ba banba nun nilama makilandeŋɛnu minnu be a dula luggɛreŋɛnu tɔ, wo a tantu!
8Wole ta nun sangi kure, konbe nun kunda,
fɔɲɔ banba, min be a la yamɔre latinmɛla,
9kɔnkɛnu nun tenteŋɛnu bɛ,
lɔgɔ wolonɛŋɛnu anun lɔgɔ kutu banbanu minnu tɔgɔ Sɛdiri,
10burun butɔ subenu anun kolofeŋɛnu,
bubufeŋɛnu anun kondeŋɛnu,
11dugu mansanu anun jama bɛ,
kuntigenu anun kiiti salanu minnu bɛ be dunuya,
12kamareŋɛnu anun den musereŋɛnu,
kikalanu anun dendeŋɛnu,
13anu ni Alatala tɔgɛ tantu!
Bayi a dɔrɔn de tɔgɛ be mayɛlɛren koe bɛ ko;
a la nɔɔra be duge nun saŋɛ kunma.
14A to bata kunnawule dii a la jama ma,
wolo be maren a tantu sabue la a la lannanteya mɔgɛnu bɛ ye,
bani Isirayila kaanu ye, jama min sutu a la.
Wo Alatala tantu!
Currently Selected:
Jabura 148: MOG
Highlight
Share
Compare
Copy
Want to have your highlights saved across all your devices? Sign up or sign in
