Jabura 138
138
Ala tantu beete a la fonisireya la ko sabu la
1Dauda tɛŋɛ.
N be i tantula n juse bɛ le la,
n be beete bɔɔla sɔdula banba tigenu ɲala.
2N be sujudula i la hɔrɔma bon saniyandeŋɛ tɔ,
n ni i tɔgɛ tantu
i la fonisireya nun i la kuma dɔndɔ tigiya la ko la.
Bayi i to ka i la lahire lakamali, i bata i yɛtɛ tɔgɛ lakoloya han dan bele a ma.
3N ka i kele lun min na, i ka n jaabi le,
i ka sɛnbɛ dii n ma, i ka weregenteya dii n ma.
4Alatala, mansa minnu bɛ be kɛ dunuya,
anu tini i la kuma lamɔɛ, anu bɛ si i tantu le!
5Anu si Alatala la kilanu matɔgɔ le beete tɔ,
bayi Alatala la nɔɔra kolo.
6Alatala mayɛlɛta; kɔnɔ a si mɔgɔ majigireŋɛnu yen de.
A mɛn si fan nakoloyalá lɔn de bɔɔla a la dula yanfama tɔ.
7N tini be tagamanna tɔɔrɛ tɔ, i be n nakisila.
N jaguenu tini dumɛn n ma, i be i bole tajiganna anu digii ma,
i ni n nakisi i sɛnbɛ la.
8Alatala be n na koenu bɛ ɲiɲala le han a ni ban.
Alatala, i la fonisireya dan bele a la!
I kana i la daalenu boloka.
Currently Selected:
Jabura 138: MOG
Highlight
Share
Compare
Copy
Want to have your highlights saved across all your devices? Sign up or sign in
