Jabura 132
132
Ala la lahiri jigandeŋɛ Dauda nun Siyɔn saa la ko tɔ
1Hijilanu la beete yɛlɛla Darisalamu.
Alatala, Dauda la ko talɔn anun a la tɔɔrɛ bɛ.
2Dauda ka a yɛtɛ lakali le Alatala ye,
a ka lahire jigan de Yaguba Marige Ala sɛnbɛma ye, a ko:
3«N te don n na boŋɛ tɔ,
n te taga n na benbe tɔ n ni n sa,
4n te a to kinnɔgɛ ni n ɲanu bita,
n te sɔn n ni jinkon,
5fanni n ma Alatala la nɔɔra todula sɔtɔ,
n ma hɔrɔma dingira sɔtɔ Yaguba Marige Ala sɛnbɛma ye.»
6Mɔ bata Ala la kankira saniyandeŋɛ la ko mɔɛ yati Efarata duge tɔ,
mɔ nata a taran Yeyari saa fɛfɛ tɔ.
7Wo mɔ ni ma a la nɔɔra todula tɔ,
wo mɔ ni kimisirin a kɛn sɔdula.
8Alatala, yandi i ni wuli, i ni taga i sulen dula tɔ,
ile nun i la lahire kankira, min be i sɛnbɛ yitaren!
9Teleŋɛ ni to i la sarika lakelanu ma iko doroke,
i la lannanteya mɔgɛnu ni sɛɛwa sɔnkɛ layɛlɛ.
10Yandi, i la jondeŋɛ Dauda la ko la,
i kana i la mansa masubɛreŋɛ aɲɛ.
11Alatala ka lahire jigan de Dauda ye.
Lannanteya kuma le mu a la, a te a tiɲa feu.
A ko Dauda ma: «N be i bɔnsɛ do le sigila i la mansa tintiŋɛ tɔ.
12Ka i la deŋɛnu ka n na saatɛ biliya,
anu ka n na seedeɲɔgɔya kumanu tugun nasabati n be min donna anu bolo,
awa anu la deŋɛnu tugun si to le i la mansa tintiŋɛ tɔ han kudai.»
13Iyon, Alatala ka Siyɔn de masubɛ,
ɲɔ le be diyaren a ye a to dula la, a kumata:
14«N sulen dula mu ɲɔ le la han kudai,
n si sabati le ɲɔ, bayi ɲɔ di n ɲɛ.
15N si barikɛ sa le Siyɔn na balue tɔ,
n si a la fugarenu lawasa le dɔmɛ la.
16N si kise lajigi le a ni to a la sarika lakelanu ma.
A la lannanteya mɔgɛnu si sɛɛwa sɔnkɛ layɛlɛ le.
17N si Dauda sɛnbɛ mayɛlɛ le ɲɔ#132:17 N si Dauda sɛnbɛ mayɛlɛ le ɲɔ Min be sɛbɛren Hebure kuma tɔ yan, a si nɔ mayɛlɛmanna Mɔgɔfin kuma tɔ ka le tugun: Dauda bɔnsɛ tɔ, n si mansa sɛnbɛma do mɛn nabula le ɲɔ. ,
n si lanpu malaŋɛ labɔɔ le n na mansa masubɛreŋɛ ye.
18N si maluya dusu le a jaguenu kunma,
kɔnɔ a la mansa kufunɛ kan si malan de a kuŋɛ tɔ.»
Currently Selected:
Jabura 132: MOG
Highlight
Share
Compare
Copy
Want to have your highlights saved across all your devices? Sign up or sign in
