Jabura 127
127
Alatala la kɔɔri ɲinmanu matɔgɔ koe
1Hijilanu la beete yɛlɛla Darisalamu. Sulemani la beete le ka.
Ka Alatala ma boŋɛ min sɔ,
a sɔlanu be walila fu.
Ka Alatala ma saa min kanta,
a kantalanu be kinnɔgɛ tiɲala fu.
2Wo be wulila ɲɔ lakɛnɛ ma fu,
wo be mɛla kinnɔgɔ baliya tɔ sue tɔ fu.
Wo be tɔɔrɔla wo balue sɔtɔ koe la fu.
Kɔnɔ Alatala si a kanunteŋɛ kɔ le a sa wagate.
3Awa, deŋɛnu be mala Alatala la kɔɔri ɲinma la mɔgɛ ye.
A be barikɛ sala mɔgɛ ma anu sɔtɔ koe la.
4Mɔgɛ be deŋɛ minnu sɔtɔla a kamaren wagate,
wonu sɔdula si to iko ndaka sɔdula kɛlɛ malá bole tɔ.
5Mɔgɛ min ka wo den siyama sɔtɔ a kamaren wagate,
wo be toren de iko min na ndaka safeŋɛ be lafaren a ɲinma la.
Hɛra be wo tigi ye.
Ale nun a jaguenu be kuma masarala lun min na,
a te naa malu jama ɲala.
Currently Selected:
Jabura 127: MOG
Highlight
Share
Compare
Copy
Want to have your highlights saved across all your devices? Sign up or sign in
