Jabura 124
124
Alatala la malafuleŋɛ ma koe a la mɔgɛnu ye
1Dauda la beete do le ka, hijilanu be min bɔɔla yɛlɛla Darisalamu.
Bani Isirayila ni a fɔ: Ka Alatala ma nun,
ɲɔmɔ le be mɔ dɛmanna nun?
2Ka Alatala ma, ɲɔmɔ le be mɔ ye nun,
mɔgɛnu to be wulila mɔ digii ma wagate min tɔ?
3Anu juse to yɛlɛta mɔ ma,
anu si mɔ lakunun de nun mɔ kende la,
4je ni dusu mɔ kunma, mɔrɔŋɛnu ni tanbi mɔ kunma,
5ji kanpa be tanbila le nun mɔ kunma.
6Mamatɔgɛ be Alatala ye,
min ma mɔ to anu da butɔ.
7Mɔ kun bɔɔta le. Jule kuntuta, wo kɔma mɔ kisita
iko kondeŋɛ tini kisi julu yɛlɛlá la jule tɔ.
8Mɔ la dɛmare be sɔtɔla Alatala tɔgɛ le la,
min ka saŋɛ nun duge da.
Currently Selected:
Jabura 124: MOG
Highlight
Share
Compare
Copy
Want to have your highlights saved across all your devices? Sign up or sign in
