Jabura 122
122
Jusu sa la ko duba Darisalamu ye
1Dauda la beete do le ka, hijilanu be min bɔɔla yɛlɛla Darisalamu.
N si sɛɛwa le anu tini be a fɔla n ɲɛ:
«Wo mɔ ni ma Alatala la boŋɛ tɔ!»
2Darisalamu, kɔtɛ mɔ kɛŋɛnu bata sɔ i la tatta bondanu tɔ!
3Darisalamu be sɔren
iko saa min na boŋɛnu be tukkɛren ɲɔgɔn na.
4Bɔnsɛnu be yɛlɛla ɲɔ le, Alatala tɛŋɛ mu bɔnsɛ minnu la.
Anu be yɛlɛla le iko a be yamɔriren ki min na bani Isirayila kaanu ye,
alako anu ni Alatala tɔgɛ tantu ɲɔ.
5Bayi kiiti sa tintiŋɛnu be sigiren ɲɔ le,
Dauda bɔnsɛ la mansa tintiŋɛnu be ɲɔ le.
6Wo jusu sa mataran Darisalamu ye, wo ko:
«Darisalamu, hakkili sa ni to mɔgɛnu ye i di minnu ye.
7Jusu sa ni to i la tatta butɔ.
Hakkili sa ni to i la mansa boŋɛnu butɔ!»
8N nɛɛnɛdɔndɛnu nun n kanunteŋɛnu la ko la,
n si a fɔ le: «Jusu sa ni to ile Darisalamu ye!
9Mɔ Marige Alatala batu boŋɛ la ko la,
n si hɛra ɲini le i ye.»
Currently Selected:
Jabura 122: MOG
Highlight
Share
Compare
Copy
Want to have your highlights saved across all your devices? Sign up or sign in
