1 Samiyɛli 22
22
Dauda ma koe mɔgɔ siyama la kuŋɛ la
1Dauda ka a kun bɔɔ Gati saa tɔ, a bɔɔta ɲɔ, a tagata dogon Adulami fanmɛ tɔ. A kɔtɔnu nun a bareŋɛnu bɛ to nata wo mɔɛ, anu tagata a dula. 2Minnu bɛ be kɔntɔfiliren, dɔntɛ siyata minnu bɛ kunma, anun minnu bɛ be jusu makasa tɔ, wonu bɛ madɛnta a dula, a mata anu la kuŋɛ la. Wo butɔ, fayida kayi mɔgɔ kɛmɛ naani le tota a fɛ.
3Dauda bɔɔta ɲɔ, a tagata Misipe Mowaba duge tɔ. A tagata a fɔ ɲɔ mansa ye, a ko: «Yandi, a to n nɛɛnɛ nun n baaba ni na to n ɲɛ yan betunna, han n ni a lɔn Ala be n na ko mala ki min na.» 4Wo butɔ, Dauda ka anu doni Mowaba mansa bata, anu tota ɲɔ han a ka wagate min bɛ ma a dogon dula tɔ.
5Lun do, nabiyonmɛ do min tɔgɔ Gaddu, wolo ka a fɔ Dauda ye, a ko: «I kana to i dogon dula tɔ de! Taga, i ni don Juda duge tɔ.» Wo butɔ, Dauda tagata Juda, a tagata ke Hɛrɛti wula ma.
Sayulu la Nobu sarika lakelanu faga koe
6Lun do, Sayulu nata a mɔɛ Dauda nun mɔgɛ minnu be a kɔma, wonu la ko bata lɔn. Wo ka a taran, Sayulu be sigiren nun tamarisi lɔgɛ do kɔtɔ Gibeya saa tɔ, dula mayɛlɛreŋɛ tɔ, a la tanba be bitaren a bole la, a la walilanu bɛ be sɔren nun a kɛnna. 7Sayulu ka a fɔ a la walilanu ye, a ko: «Wo tolomasɔ, wole Bunyamin bɔnsɛnu. Jese la deŋɛ si nɔ le rɛsɛn sɛnɛnu diila wo bɛ ma ba, anun sɛnɛ donu? A si kuntigiya dii le wo ma ba sɔɔri mɔgɔ kɛmɛ kunma, ka wo ma mɔgɔ wulu dɔndɔ? 8Wo bɛ le be janfa makitiren n kunma. Mɔgɔ yo ma n nalɔn a fɔ koe la n na deŋɛ bata lahiri kiti a nun Jese la deŋɛ tɛma. N na ko ma mɔgɔ yo tɔɔrɔ han a ni n nalɔn ka a fɔla, n na deŋɛ bata n na walilá do sɛnbɛ don, alako wo tigi ni jule yɛlɛ n ɲa tɔ, iko n be min tɔ ka bi.»
9Doyegi, Edɔmi kaa, ale min mu a la kolofen kantalanu kuŋɛ la, wo ka kuma jigan, a ko: «Nde ka Jese la deŋɛ yen de, a be nala Nobu saa tɔ, Ahitubu la deŋɛ Ahimelɛki dula. 10Ahimelɛki ka Alatala maɲininka a ye, a ka dɔmɛnu don a bolo, a mɛn ka Jaluta Filisiti kaa la faŋɛ don a bolo.»
11Mansa ka kiilanu boloka anu ni taga Ahitubu la deŋɛ Ahimelɛki kele, sarika lakelá, anun sarika lakelanu minnu bɛ be a baaba bɔnsɛ tɔ Nobu saa tɔ, anu ni na. Awa, anu bɛ nata mansa la kelere la. 12Sayulu ko: «I tolomasɔ ba, Ahitubu la deŋɛ.» Ahimelɛki ka a jaabi: «Naamu, n tige.» 13Sayulu ko: «Wo be janfa makitiren n kunma fenna, wole nun Jese la deŋɛ? I ka dɛgɛ nun faŋɛ don a bolo fenna, i mɛn nata Ala maɲininka a ye, alako a ni a ɲamatelen n ma, a ni kɛnɛ jule yɛlɛla n ɲatɔ, iko n be min tɔ ka bi.»
14Ahimelɛki ka kuma jigan, a ko: «Mansa, ɲɔmɔ le ɲan be maren lannanteya mɔgɛ la i la walilanu bɛ tɛma iko Dauda? Ká, i bitaŋɛ le ma a la? A be maren i la gundo sɔɔrenu la kuntige le la, biliya be a ma i la boŋɛ tɔ. 15Bɔ, n be Ala maɲininka koe fɔlɔren a ye bi le ba? N na mira ma wo la feu! Mansa, yandi, i kana kɛ koe sa nde i la joŋɛ kunma, ka wo ma n baaba bɔnsɛ, bayi n ma fenfen lɔn kɛ koe tɔ.» 16Mansa ka a fɔ Ahimelɛki ye, a ko: «Tekku fɔ wo ni faga, ile nun i baaba bɔnsɛ bɛ.» 17Wo butɔ, mansa ka a makantalanu yamɔri minnu be sɔren a kɛnna, a ko: «Wo ni Alatala la sarika lakelanu faga, bayi anu bata Dauda la bori koe lɔn, anu ma n nalɔn.» Kɔnɔ wo makantalanu ma sɔn Alatala la sarika lakelanu fagala.
18Wo butɔ, mansa ka a fɔ Doyegi ye, a ko: «Ile ni taga, i ni sarika lakelanu faga.» Doyegi Edɔmi kaa tagata, ale ka sarika lakelanu botege han a ka mɔgɔ bi sagin nun loolu faga wo lun, sarika lakelá tasɔgɔ doroke be lajigiren minnu ma. 19Wo kɔma, Sayulu ka sɔɔrenu kii Nobu saa tɔ, wo sarika lakelanu la saa, anu ni ɲɔ kaanu bɛ faga. Anu ma a bɔɔ kaye nun muse la, dendeŋɛ nun bɔɔbɛ, ninge, sofale nun saaka. Anu ka anu bɛ faga fan dadiyama le la.
20Kɔnɔ Abiyatari Ahitubu mamareŋɛ kan, Ahimelɛki la deŋɛ, wo dɔrɔn de ka a kun bɔɔ. A borita, a ka Dauda jokki. 21A la kereŋɛ Dauda ma, Abiyatari ka a lalɔn ka a fɔla Sayulu bata Alatala la sarika lakelanu faga. 22Dauda ka a fɔ Abiyatari ye, a ko: «Wo lun yati n ka a lɔn de, ka a fɔla Doyegi Edɔmi kaa to be ɲɔ, n ko a si naa a fɔ le Sayulu ye. Wo butɔ, nde le be maren i baaba bɔnsɛnu faga sabue la. 23To n kɛnna, hali i ma kilan. Min be katala n faga koe la, a be katala ile tugun faga koe la, kɔnɔ i si makanta le n kɛnna a ɲinma la.»
Currently Selected:
1 Samiyɛli 22: MOG
Highlight
Share
Copy
Want to have your highlights saved across all your devices? Sign up or sign in
1 Samiyɛli 22
22
Dauda ma koe mɔgɔ siyama la kuŋɛ la
1Dauda ka a kun bɔɔ Gati saa tɔ, a bɔɔta ɲɔ, a tagata dogon Adulami fanmɛ tɔ. A kɔtɔnu nun a bareŋɛnu bɛ to nata wo mɔɛ, anu tagata a dula. 2Minnu bɛ be kɔntɔfiliren, dɔntɛ siyata minnu bɛ kunma, anun minnu bɛ be jusu makasa tɔ, wonu bɛ madɛnta a dula, a mata anu la kuŋɛ la. Wo butɔ, fayida kayi mɔgɔ kɛmɛ naani le tota a fɛ.
3Dauda bɔɔta ɲɔ, a tagata Misipe Mowaba duge tɔ. A tagata a fɔ ɲɔ mansa ye, a ko: «Yandi, a to n nɛɛnɛ nun n baaba ni na to n ɲɛ yan betunna, han n ni a lɔn Ala be n na ko mala ki min na.» 4Wo butɔ, Dauda ka anu doni Mowaba mansa bata, anu tota ɲɔ han a ka wagate min bɛ ma a dogon dula tɔ.
5Lun do, nabiyonmɛ do min tɔgɔ Gaddu, wolo ka a fɔ Dauda ye, a ko: «I kana to i dogon dula tɔ de! Taga, i ni don Juda duge tɔ.» Wo butɔ, Dauda tagata Juda, a tagata ke Hɛrɛti wula ma.
Sayulu la Nobu sarika lakelanu faga koe
6Lun do, Sayulu nata a mɔɛ Dauda nun mɔgɛ minnu be a kɔma, wonu la ko bata lɔn. Wo ka a taran, Sayulu be sigiren nun tamarisi lɔgɛ do kɔtɔ Gibeya saa tɔ, dula mayɛlɛreŋɛ tɔ, a la tanba be bitaren a bole la, a la walilanu bɛ be sɔren nun a kɛnna. 7Sayulu ka a fɔ a la walilanu ye, a ko: «Wo tolomasɔ, wole Bunyamin bɔnsɛnu. Jese la deŋɛ si nɔ le rɛsɛn sɛnɛnu diila wo bɛ ma ba, anun sɛnɛ donu? A si kuntigiya dii le wo ma ba sɔɔri mɔgɔ kɛmɛ kunma, ka wo ma mɔgɔ wulu dɔndɔ? 8Wo bɛ le be janfa makitiren n kunma. Mɔgɔ yo ma n nalɔn a fɔ koe la n na deŋɛ bata lahiri kiti a nun Jese la deŋɛ tɛma. N na ko ma mɔgɔ yo tɔɔrɔ han a ni n nalɔn ka a fɔla, n na deŋɛ bata n na walilá do sɛnbɛ don, alako wo tigi ni jule yɛlɛ n ɲa tɔ, iko n be min tɔ ka bi.»
9Doyegi, Edɔmi kaa, ale min mu a la kolofen kantalanu kuŋɛ la, wo ka kuma jigan, a ko: «Nde ka Jese la deŋɛ yen de, a be nala Nobu saa tɔ, Ahitubu la deŋɛ Ahimelɛki dula. 10Ahimelɛki ka Alatala maɲininka a ye, a ka dɔmɛnu don a bolo, a mɛn ka Jaluta Filisiti kaa la faŋɛ don a bolo.»
11Mansa ka kiilanu boloka anu ni taga Ahitubu la deŋɛ Ahimelɛki kele, sarika lakelá, anun sarika lakelanu minnu bɛ be a baaba bɔnsɛ tɔ Nobu saa tɔ, anu ni na. Awa, anu bɛ nata mansa la kelere la. 12Sayulu ko: «I tolomasɔ ba, Ahitubu la deŋɛ.» Ahimelɛki ka a jaabi: «Naamu, n tige.» 13Sayulu ko: «Wo be janfa makitiren n kunma fenna, wole nun Jese la deŋɛ? I ka dɛgɛ nun faŋɛ don a bolo fenna, i mɛn nata Ala maɲininka a ye, alako a ni a ɲamatelen n ma, a ni kɛnɛ jule yɛlɛla n ɲatɔ, iko n be min tɔ ka bi.»
14Ahimelɛki ka kuma jigan, a ko: «Mansa, ɲɔmɔ le ɲan be maren lannanteya mɔgɛ la i la walilanu bɛ tɛma iko Dauda? Ká, i bitaŋɛ le ma a la? A be maren i la gundo sɔɔrenu la kuntige le la, biliya be a ma i la boŋɛ tɔ. 15Bɔ, n be Ala maɲininka koe fɔlɔren a ye bi le ba? N na mira ma wo la feu! Mansa, yandi, i kana kɛ koe sa nde i la joŋɛ kunma, ka wo ma n baaba bɔnsɛ, bayi n ma fenfen lɔn kɛ koe tɔ.» 16Mansa ka a fɔ Ahimelɛki ye, a ko: «Tekku fɔ wo ni faga, ile nun i baaba bɔnsɛ bɛ.» 17Wo butɔ, mansa ka a makantalanu yamɔri minnu be sɔren a kɛnna, a ko: «Wo ni Alatala la sarika lakelanu faga, bayi anu bata Dauda la bori koe lɔn, anu ma n nalɔn.» Kɔnɔ wo makantalanu ma sɔn Alatala la sarika lakelanu fagala.
18Wo butɔ, mansa ka a fɔ Doyegi ye, a ko: «Ile ni taga, i ni sarika lakelanu faga.» Doyegi Edɔmi kaa tagata, ale ka sarika lakelanu botege han a ka mɔgɔ bi sagin nun loolu faga wo lun, sarika lakelá tasɔgɔ doroke be lajigiren minnu ma. 19Wo kɔma, Sayulu ka sɔɔrenu kii Nobu saa tɔ, wo sarika lakelanu la saa, anu ni ɲɔ kaanu bɛ faga. Anu ma a bɔɔ kaye nun muse la, dendeŋɛ nun bɔɔbɛ, ninge, sofale nun saaka. Anu ka anu bɛ faga fan dadiyama le la.
20Kɔnɔ Abiyatari Ahitubu mamareŋɛ kan, Ahimelɛki la deŋɛ, wo dɔrɔn de ka a kun bɔɔ. A borita, a ka Dauda jokki. 21A la kereŋɛ Dauda ma, Abiyatari ka a lalɔn ka a fɔla Sayulu bata Alatala la sarika lakelanu faga. 22Dauda ka a fɔ Abiyatari ye, a ko: «Wo lun yati n ka a lɔn de, ka a fɔla Doyegi Edɔmi kaa to be ɲɔ, n ko a si naa a fɔ le Sayulu ye. Wo butɔ, nde le be maren i baaba bɔnsɛnu faga sabue la. 23To n kɛnna, hali i ma kilan. Min be katala n faga koe la, a be katala ile tugun faga koe la, kɔnɔ i si makanta le n kɛnna a ɲinma la.»
Currently Selected:
:
Highlight
Share
Copy
Want to have your highlights saved across all your devices? Sign up or sign in