1 Samiyɛli 21
21
1Dauda wulita, a tagata. Yonatan tugun saagita saa tɔ.
Dauda la bore tagala Nobu
2Dauda tagata Nobu, Ahimelɛki sarika lakelá dula, wo jusu bɔɔreŋɛ nata a labɛndula, a ka a maɲininka: «Fenna i dɔrɔn be naren, mɔgɔ yo bele i kɔma?» 3Dauda ka Ahimelɛki jaabi, a ko: «Mansa le be n yamɔriren n ni taga kan do, kɔnɔ a be maren gundo le la mɔ fila tɛma, aa mɔgɔ yo kana a lɔn a be n kiiren fen min na. N be dula do le yitaren n na kamareŋɛnu la, mɔ be bɛnna ka min na. 4Kɛ wagate, dɔmɔ yo bele i bolo yan? Dɛgɛ loolu dii n ma, ka wo ma i ka min yo sɔtɔ.» 5Sarika lakelá ko: «Wo dɛgɛ doe bele n bolo yan, fɔ dɛgɛ saniyandeŋɛnu minnu be bɔɔren sarika la. I la kamareŋɛnu si nɔ a dɔmɔla, ka a taranta dɔ anu bele bɔɔren musu koe mala.»
6Dauda ka a fɔ a ye: «Tɔŋɛ ɲan be sigiren de mɔ la musu koe ma koe la iko wagate bɛ mɔ tini be tagala kɛlɛ madula. Bayi ka mɔ be tagala kɛlɛ madula wagati yo wagati, hali a ma ma Ala la kɛlɛ la, n na sɔɔrenu dariren tola anu te musu koe ma alako anu ni to saniyaŋɛ tɔ. Sɔkkɔfɛrɛ nɔn bi, mɔ to be Ala la kɛlɛ le tɔ, kɛ sɔɔrenu bɛ be saniyanden de feu!» 7Wo butɔ, sarika lakelá ka wo dɛgɛ saniyandeŋɛnu don a bolo, bayi dɛgɛ yo bele nun ɲɔ, fɔ wo dɛgɛnu minnu be saren nun teebile tɔ hɔrɔma dingira butɔ Alatala tabɛŋɛ tɔ. Wo ka a taran, anu ka anu jigan wagate min tɔ, anu bata dɛgɛ namanu sa ɲɔ anu faliŋɛ la. 8Wo lun, Sayulu la walilá do be ɲɔ nun, a be toren ɲɔ wali do le ma koe la Alatala ɲakɔtɔ. Edɔmi kaa le mu a la, a tɔgɔ Doyegi, a be maren Sayulu la kolofen kantalanu kuŋɛ le la.
9Dauda mɛn ka a fɔ Ahimelɛki sarika lakelá ye, a ko: «Tanba yo bele i bolo ba, ka wo ma faŋɛ? N bɔɔta le, n ma n na faŋɛ jigan, ka wo ma kɛlɛ mafeŋɛ do, bayi mansa be n nagbataaren a la kiilaya la.» 10Sarika lakelá ka a fɔ a ye, a ko: «I ka wo Filisiti kaa min faga Ela fole tɔ, min tɔgɔ Jaluta, wo la faŋɛ le be yan. A be mamilinden kuta do butɔ. Ala sago lɔn koe feŋɛnu minnu be mandiren sarika lakelá la doroki banba butɔ, a be saren wonu kɔma. Ka i be diren wo jiganna, a jigan, kɛlɛ mafen gbɛtɛ yo bele yan.» Dauda ka a fɔ: «A don n bolo, a mulunɲɔgɔ yo bele.»
Dauda la taga Filisiti kaanu bata
11Dauda wulita, a borita ka yanfaya Sayulu la wo lun dɔndɛ le. A donta Filisiti kaanu la duge tɔ, ka taga Akisi bata, Gati mansa. 12Akisi la walilanu ka a fɔ a ye: «Dauda Isirayila dugu mansa ma kɛ la ba? Musenu bele dɔŋɛ dɔnna kɛ-lɛ ye ba, anu tota a fɔla sige tɔ aa Sayulu bata mɔgɔ wulu wulu botege, ale Dauda kan bata mɔgɔ wulu tan tan de botege?»
13Dauda ka wo kumanu to a juse tɔ, a kilanta koola Akisi la, Gati mansa. 14A ka a yɛtɛ ma anu tɛma dakue la. Anu tini a bita, a ni kɛnɛ hakkilibɔnɔya koenu mala, a ni to fondonu maɲɛgɛnna bondanu ma, a daje ni to jigila a bɔɔra la. 15Akisi ka a fɔ a la walilanu ye, a ko: «Wo be a yenden yati, dakue le mu kɛ kaye la! Wo be a natiren n ɲɛ fenna? 16Bɔ, a be toren wo ye aa daku feete le be n na, wo to be kɛ natila, a ni na dakuyanu ma n ɲala ba? Kɛ si don de n na boŋɛ tɔ ba?»
Currently Selected:
1 Samiyɛli 21: MOG
Highlight
Share
Copy
Want to have your highlights saved across all your devices? Sign up or sign in
1 Samiyɛli 21
21
1Dauda wulita, a tagata. Yonatan tugun saagita saa tɔ.
Dauda la bore tagala Nobu
2Dauda tagata Nobu, Ahimelɛki sarika lakelá dula, wo jusu bɔɔreŋɛ nata a labɛndula, a ka a maɲininka: «Fenna i dɔrɔn be naren, mɔgɔ yo bele i kɔma?» 3Dauda ka Ahimelɛki jaabi, a ko: «Mansa le be n yamɔriren n ni taga kan do, kɔnɔ a be maren gundo le la mɔ fila tɛma, aa mɔgɔ yo kana a lɔn a be n kiiren fen min na. N be dula do le yitaren n na kamareŋɛnu la, mɔ be bɛnna ka min na. 4Kɛ wagate, dɔmɔ yo bele i bolo yan? Dɛgɛ loolu dii n ma, ka wo ma i ka min yo sɔtɔ.» 5Sarika lakelá ko: «Wo dɛgɛ doe bele n bolo yan, fɔ dɛgɛ saniyandeŋɛnu minnu be bɔɔren sarika la. I la kamareŋɛnu si nɔ a dɔmɔla, ka a taranta dɔ anu bele bɔɔren musu koe mala.»
6Dauda ka a fɔ a ye: «Tɔŋɛ ɲan be sigiren de mɔ la musu koe ma koe la iko wagate bɛ mɔ tini be tagala kɛlɛ madula. Bayi ka mɔ be tagala kɛlɛ madula wagati yo wagati, hali a ma ma Ala la kɛlɛ la, n na sɔɔrenu dariren tola anu te musu koe ma alako anu ni to saniyaŋɛ tɔ. Sɔkkɔfɛrɛ nɔn bi, mɔ to be Ala la kɛlɛ le tɔ, kɛ sɔɔrenu bɛ be saniyanden de feu!» 7Wo butɔ, sarika lakelá ka wo dɛgɛ saniyandeŋɛnu don a bolo, bayi dɛgɛ yo bele nun ɲɔ, fɔ wo dɛgɛnu minnu be saren nun teebile tɔ hɔrɔma dingira butɔ Alatala tabɛŋɛ tɔ. Wo ka a taran, anu ka anu jigan wagate min tɔ, anu bata dɛgɛ namanu sa ɲɔ anu faliŋɛ la. 8Wo lun, Sayulu la walilá do be ɲɔ nun, a be toren ɲɔ wali do le ma koe la Alatala ɲakɔtɔ. Edɔmi kaa le mu a la, a tɔgɔ Doyegi, a be maren Sayulu la kolofen kantalanu kuŋɛ le la.
9Dauda mɛn ka a fɔ Ahimelɛki sarika lakelá ye, a ko: «Tanba yo bele i bolo ba, ka wo ma faŋɛ? N bɔɔta le, n ma n na faŋɛ jigan, ka wo ma kɛlɛ mafeŋɛ do, bayi mansa be n nagbataaren a la kiilaya la.» 10Sarika lakelá ka a fɔ a ye, a ko: «I ka wo Filisiti kaa min faga Ela fole tɔ, min tɔgɔ Jaluta, wo la faŋɛ le be yan. A be mamilinden kuta do butɔ. Ala sago lɔn koe feŋɛnu minnu be mandiren sarika lakelá la doroki banba butɔ, a be saren wonu kɔma. Ka i be diren wo jiganna, a jigan, kɛlɛ mafen gbɛtɛ yo bele yan.» Dauda ka a fɔ: «A don n bolo, a mulunɲɔgɔ yo bele.»
Dauda la taga Filisiti kaanu bata
11Dauda wulita, a borita ka yanfaya Sayulu la wo lun dɔndɛ le. A donta Filisiti kaanu la duge tɔ, ka taga Akisi bata, Gati mansa. 12Akisi la walilanu ka a fɔ a ye: «Dauda Isirayila dugu mansa ma kɛ la ba? Musenu bele dɔŋɛ dɔnna kɛ-lɛ ye ba, anu tota a fɔla sige tɔ aa Sayulu bata mɔgɔ wulu wulu botege, ale Dauda kan bata mɔgɔ wulu tan tan de botege?»
13Dauda ka wo kumanu to a juse tɔ, a kilanta koola Akisi la, Gati mansa. 14A ka a yɛtɛ ma anu tɛma dakue la. Anu tini a bita, a ni kɛnɛ hakkilibɔnɔya koenu mala, a ni to fondonu maɲɛgɛnna bondanu ma, a daje ni to jigila a bɔɔra la. 15Akisi ka a fɔ a la walilanu ye, a ko: «Wo be a yenden yati, dakue le mu kɛ kaye la! Wo be a natiren n ɲɛ fenna? 16Bɔ, a be toren wo ye aa daku feete le be n na, wo to be kɛ natila, a ni na dakuyanu ma n ɲala ba? Kɛ si don de n na boŋɛ tɔ ba?»
Currently Selected:
:
Highlight
Share
Copy
Want to have your highlights saved across all your devices? Sign up or sign in