ರೋಮ್ 9
9
ದೇವ ಪಿಂಞ ಅಂವೊಂಡ ಮಕ್ಕ
1ನಾನ್ ಕ್ರಿಸ್ತಂಡಲ್ಲಿ ಸತ್ಯ ಎಣ್ಣಿಯಂಡುಂಡ್. ನಾನ್ ಪೊಟ್ಟ್‌ಪರ್ಂದಂಡಿಲ್ಲೆ. 2ನಾಡ ಹೃದಯತ್‍ಲ್, ನಾನ್ ಬಲ್ಯ ಬೇಜಾರತ್‍ಲ್ ಪಿಂಞ ಎಡಬುಡತೆ ಕಷ್ಟಪಟ್ಟಂಡುಳ್ಳ್‌ಂದ್ ನಾಡ ಮನಸಾಕ್ಷಿಯು ಪವಿತ್ರಾತ್ಮಂಡಲ್ಲಿ ಸಾಕ್ಷಿಯಾಯಿತ್ ಉಂಡ್. 3ತಡೀರ ಪ್ರಕಾರ ನಾಡ ಜನವಾಯಿತ್ ಉಳ್ಳ ನಾಡ ಅಣ್ಣತಮ್ಮಣಂಗಕ್ ಬದ್‍ಲ್, ನಾನೇ ಕ್ರಿಸ್ತನ ಬುಟ್ಟಿತ್ ಶಾಪ ಕ್‍ಟ್ಟ್‌ನಂವೊನಾಯಿತ್ ಇಪ್ಪಕ್ ನಾನ್ ಆಸೆ ಪಡುವಿ. 4ಅಯಿಂಗ ಇಸ್ರಾಯೇಲ್ ಜನ; ಮಕ್ಕಕುಳ್ಳ ಹಕ್ಕ್ ಅಯಿಂಗಡದೇ, ದೇವಡ ಮಹಿಮೇನೆ ಅಯಿಂಗಕೇ ಕಾಂಬ್‍ಚಿಟ್ಟತ್; ಅಯಿಂಗಕೇ ಒಪ್ಪಂದ ಮಾಡ್‍ಚಿ, ಅಯಿಂಗಕೇ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಅಯಿಂಗಕೇ ಆರಾದನೆ ಮಾಡ್‌ವ ಬಾಗ್ಯತ್‍ನ ಕೊಡ್‍ತತ್ ಪಿಂಞ ಅಯಿಂಗಕೇ ದೇವಡ ವಾಗ್ದಾನವು ಕ್‍ಟ್ಟ್‌ಚಿ. 5ಮುತ್ತಜ್ಜಂಗ ಅಯಿಂಗಕುಳ್ಳಯಿಂಗಳೇ, ತಡೀರ ಪ್ರಕಾರ ಕ್ರಿಸ್ತ ಸಹ ಅಯಿಂಗಡಲ್ಲಿ ಪುಟ್ಟ್‌ಚಿ, ಇಂವೊ ಕಾಲಕಾಲಕು, ಎಲ್ಲಾಂಗು ಕೊಡಿಲ್ ದೇವನಾಯಿತ್ ಕೊಂಡಾಡುವಕ್ ಉಳ್ಳಂವೊನಾಯಿತುಂಡ್, ಆಮೆನ್.
6ದೇವಡ ವಾಕ್ಯ ನೆರೆವೇ‍ರತೆ ಪೋಚೀಂದ್ ಎಣ್ಣುವಕ್ಕಾಗ, ಇಸ್ರಾಯೇಲ್ ವಂಶತ್‌ಲ್ ಪುಟ್ಟ್‌ನಯಿಂಗ ಎಲ್ಲಾರು, ನೇರಾನ ಇಸ್ರಾಯೇಲ್ ಜನ ಅಲ್ಲ. 7ಅಯಿಂಗ ಅಬ್ರಹಾಮಂಡ ಸಂತಾನಕಾರಂಗಳಾಯಿತ್ ಇಂಜತೇಂಗಿಯು, ಅಯಿಂಗ ಎಲ್ಲಾರು ಅಂವೊಂಡ ಮಕ್ಕ ಅಲ್ಲ; ಅಂವೊಂಡ ಮೋಂವೊನಾನ ಇಸಾಕಂಡಲ್ಲಿ, ಇಂವೊಂಡ ಮೂಲಕವೇ ನೀಡ ಸಂತಾನ ಆಪಾಂದ್ ಅಬ್ರಹಾಮಂಗ್ ಎಣ್ಣಿತುಂಡಲ್ಲ?#9.7 ಆದ್ಯ ಪುಸ್ತಕ 21.12 8ಎನ್ನನೆ ಎಣ್ಣ್‌ಚೇಂಗಿ, ತಡೀರ ಪ್ರಕಾರ ಮಕ್ಕ ಆನಯಿಂಗ ಎಲ್ಲಾರು ದೇವಡ ಮಕ್ಕ ಅಲ್ಲ, ವಾಗ್ದಾನತ್‍ರ ಪ್ರಕಾರ ಮಕ್ಕ ಆನಯಿಂಗಳೇ ಅಂವೊಂಡ ಸಂತಾನಕಾರಂಗಳಾಯಿತ್‌ಪ್ಪ. 9ಸರಿಯಾನ ಸಮಯತ್‍ಲ್ ನಾನ್ ಬಪ್ಪಿ, ಅಕ್ಕ ಸಾರಾಳ ಒರ್ ಮೋಂವೊನ ಪೆರುವಾಂದ್ ಎಣ್ಣ್‌ನದೇ ಆ ವಾಗ್ದಾನ.#9.9 ಆದ್ಯ ಪುಸ್ತಕ 18.10,14
10ಇದ್ ಮಾತ್ರವಲ್ಲತೆ, ರೆಬೆಕ್ಕ ಅವಡ ವಡಿಯನಾನ ನಂಗಡ ಮುತ್ತಜ್ಜನಾನ ಇಸಾಕನಗುಂಡ್ ಕೆಲಕರ್ತಿ ಆಚಿ. 11ಆಚೇಂಗಿ, ಅವಕ್ ಮಕ್ಕ ಪುಟ್ಟ್‌ವಕ್ ಮಿಂಞಲೇ, ಅಯಿಂಗ ನಲ್ಲದ್ ಕೆಟ್ಟದ್ ಏದು ಮಾಡ್‌ವಕ್ ಮಿಂಞಲೇ, 12ದೇವ ಆಯ್ಕೆ ಮಾಡ್‌ವ ಅಂವೊಂಡ ತೀರ್ಮಾನ, ಕ್ರಿಯೇನಗುಂಡು ಅಲ್ಲ, ಕಾಕ್‌ನಂವೊನಗುಂಡ್‍ೕಂದ್ ಉಳ್ಳದ್‍ನ ಸ್ತಿರಪಡ್‌ತ್‍ವಕಾಯಿತ್, ಬಲ್ಯಂವೊ ಎಳಿಯವೊಂಗ್ ಸೇವೆ ಮಾಡ್‌ವಾಂದ್ ಅವಕ್ ಎಣ್ಣಿತ್ಂಜತ್#9.12 ಆದ್ಯ ಪುಸ್ತಕ 25.23. 13ಅನ್ನನೆ ದೇವ ಯಾಕೋಬನ ಪ್ರೀತಿ ಮಾಡಿತ್, ಏಸಾನ ದ್ವೇಶ ಮಾಡ್‍ಚೀಂದ್ ಒಳ್‍ದಿ ಬೆಚ್ಚಿತುಂಡ್.#9.13 ಮಲಾಕಿ 1.2,3
14ಅಕ್ಕ, ನಂಗಕ್ ಎಂತ ಎಣ್ಣುವಕ್ ಕಯ್ಯು? ದೇವಡ ಪಕ್ಕ ಅನೀತಿ ಉಂಡ್‍ೕಂದ್ ಎಣ್ಣ್‌ವದಾ? ಅನ್ನನೆ ಇಲ್ಲವೇ ಇಲ್ಲೆ. 15ದೇವ ಮೋಶೇನ ನೋಟಿತ್:
ನಾಕ್ ದಾಡ ಮೇಲೆ ಕನಿಕರ ಕಾಟ್‍ವಕ್ ಕುಶಿಯುಂಡೋ,
ಅಂವೊಂಡ ಮೇಲೆ ಕನಿಕರ ಕಾಟ್‌ವಿ, ದಾಡ ಮೇಲೆ ಕನಿಕರ ಕಾಟ್‍ವಕ್ ಕುಶಿಯುಂಡೋ, ಅಂವೊಂಡ ಮೇಲೆ ಕನಿಕರ ಕಾಟ್‍ವೀಂದ್ ಎಣ್ಣ್‌ಚಿ#9.15 ಪ್ರಯಾಣ ಪುಸ್ತಕ 33.19 .
16ಆನಗುಂಡ್, ಒರ್ ಮನುಷ್ಯ ಆಸೆ ಪಡುವಗುಂಡೋ ಅಥವ ಪ್ರಯತ್ನ ಮಾಡ್‍ವಗುಂಡೊ ಅದ್ ಆಪುಲೆ, ಆಚೇಂಗಿ, ಕನಿಕರ ಕಾಟುವ ದೇವಡಗುಂಡ್ ಮಾತ್ರ ಆಪ. 17ಅದಲ್ಲತೆ, ನಾಡ ಶಕ್ತಿನ ನೀಡಲ್ಲಿ ಕಾಂಬಿಚಿಡುವಕ್ ಪಿಂಞ ನಾಡ ಪೆದ ಇಡೀ ಲೋಕತ್‍ಲ್ ಪಬ್ಬ್‌ಚಿಡ್‌ವಕಾಯಿತ್ ನಿನ್ನ ನಾನ್ ರಾಜನಾಯಿತ್ ನೇಮಿಚಿಟ್ಟಿಯೇಂದ್#9.17 ಪ್ರಯಾಣ ಪುಸ್ತಕ 9.16 ದೇವ ಐಗುಪ್ತಂಡ ರಾಜನಾನ ಫರೋಹನಂಡ ಪಕ್ಕ ಎಣ್ಣ್‌ನದಾಯಿತ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್. 18ಆನಗುಂಡ್, ದಾಡ ಮೇಲೆ ಕನಿಕರ ಕಾಟ್‍ವಕ್ ಅಂವೊಂಗ್ ಕುಶಿಯುಂಡೋ, ಅಂವೊಂಡ ಮೇಲೆ ಕನಿಕರ ಕಾಂಬ್‌ಚಿಡ್‌ವ. ದಾಡ ಹೃದಯತ್‍ನ ಗಟ್ಟಿಮಾಡ್‌ವಕ್ ಚಿತ್ತ ಉಂಡೋ ಅಂವೊಂಡ ಮನಸ್ಸ್‌ನ ಗಟ್ಟಿಮಾಡ್‌ವ.
ದೇವಡ ಚೆಡಿ ಪಿಂಞ ಕನಿಕರ
19ಇನ್ನನೆ ಆಚೇಂಗಿ, ದೇವ ಎನ್ನಂಗಾಯಿತ್ ಒಬ್ಬ ಮಾಡ್‌ವ ಪಾಪತ್‍ರಗುಂಡ್ ಅಂವೊಂಡ ಮೇಲೆ ಕುತ್ತ ಪರಿಯುವ? ಅಂವೊಂಡ ಚಿತ್ತಕ್ ವಿರೋದವಾಯಿತ್ ದಾರ್‌ಕ್ ನಿಪ್ಪಕ್ ಕಯ್ಯೂಂದ್ ನಿಂಗ ನಾಡ ಪಕ್ಕ ಕ್‍ೕಪಿರ. 20ಅನ್ನನೆ ಆಚೇಂಗಿ ಮನುಷ್ಯ! ದೇವಕ್ ವಿರೋದವಾಯಿತ್ ತಕ್ಕ್ ಪರಿಯುವಕ್ ನೀನ್ ದಾರ್? ಒರ್ ವಸ್ತು, ಅದ್‍ನ ಮಾಡ್‌ನಂವೊನ ನೋಟಿತ್, ನೀನ್ ಎನ್ನಂಗ್ ನನ್ನ ಇನ್ನನೆ ಮಾಡಿಯಾಂದ್ ಕ್‍ೕಪದ್ ಸರಿಯಾ?#9.20 ಯೆಶಾಯ 29.16; 45.9 21ಒರ್ ಕುಂಬಾರಂಗ್, ಒರೇ ಕೊಜೆ ಮಣ್ಣ್‌ಲ್, ಒರ್ ಪಾತ್ರತ್‍ನ ಗನಪಟ್ಟ ಉಪಯೋಗಕಾಯಿತು, ಇಂಞೊರ್ ಪಾತ್ರತ್‍ನ ಸಾದಾರಣ ಉಪಯೋಗಕಾಯಿತು ಮಾಡ್‌ವಕ್, ಆ ಕುಂಬಾರಂಗ್ ಮಣ್ಣ್‌ರ ಮೇಲೆ ಅದಿಕಾರ ಇಲ್ಲೆಯಾ?
22ಆಚೇಂಗಿ, ದೇವ ಅಂವೊಂಡ ಚೆಡಿನ ಕಾಂಬಿಚಿಡುವಕ್, ತಾಂಡ ಶಕ್ತಿನ ಕಾಟ್‌ವಕಾಯಿತ್ ಯೆಹೂದ್ಯಂಗಡಲ್ಲಿ ಮಾತ್ರ ಅಲ್ಲತೆ, ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್ಂಜ ಸಹ ನಂಗಳ ಕಾಕ್‍ಚಿ. 23ತಾಂಡ ಮಹಿಮೆಕಾಯಿತ್ ತಯಾರ್ ಮಾಡ್‍ನ ಕನಿಕರತ್‍ರ ಪಾತ್ರವಾಯಿತುಳ್ಳ ನಂಗಡ ಮೇಲೆ ತಾಂಡ ಮಹಿಮೇರ ಐಶ್ವರ್ಯತ್‍ನ ಕಾಂಬ್‍ಚಿಡುವಕ್ ಕುಶಿಯುಳ್ಳಂವೊನಾಯಿತು, 24ದೇವಡ ಬಲ್ಯ ಚೆಡಿಕ್ ಯೋಗ್ಯವಾನ ಪಾತ್ರತ್‍ರಮೇಲೆ, ದುಂಬ ತಾಳ್ಮೆಲ್ ಸಹಿಸಿಯಂಡ್ ಇಂಜತೇಂಗಿ ನೀಕ್ ಎಂತ? 25ಇದ್‍ಲ್ಲತೆ,
ನಾಡ ಜನ ಅಲ್ಲತಯಿಂಗಳ, ನಾಡ ಜನಾಂಗಾಂದು,
ಪ್ರೀತಿಚಿಡತವಳ ಪ್ರೀತಿಚಿಟ್ಟಂವಾಂದ್ ನಾನ್ ಕಾಕುವಿ,
26ನಿಂಗ ನಾಡ ಜನ ಅಲ್ಲಾಂದ್ ಒಳ್‍ದಿತುಳ್ಳ ಜಾಗತ್‍ಲ್,
ಅಯಿಂಗ ಜೀವವುಳ್ಳ ದೇವಡ ಮಕ್ಕಳಾಯಿತುಂಡ್‍ೕಂದ್
ಹೋಶೇಯ ಪ್ರವಾದಿರ ಮೂಲಕ ಎಣ್ಣಿತುಂಡ್#9.26 ಹೋಶೇಯ 2.23; 1.10. 27ಅನ್ನನೆ ಇಸ್ರಾಯೇಲ್ ಜನತ್‍ರ ವಿಷಯತ್‍ನ:
ಇಸ್ರಾಯೇಲ್ ಮಕ್ಕಡ ಲೆಕ್ಕ ಸಮುದ್ರತ್‍ರ ಮಣತ್‍ರಚ್ಚಕ್ ಇಂಜತೇಂಗಿಯು,
ಚೆನ್ನ ಜನ ಮಾತ್ರ ಬಚಾವಾಪಾಂದು,
28ಅಂವೊ ನೀತಿಲ್ ಎಲ್ಲಾನ ನೆರೆವೇರಿಚಿಡುವಾಂದು,
ಲೋಕತ್‍ಲ್ ಎಲ್ಲಾನ ಬೆರಿಯ ಆಕೀರ್‌ಕ್ ಕೊಂಡ್ ಬಪ್ಪಾಂದು
ಯೆಶಾಯ ಪ್ರವಾದಿ ಮೊರಟಂಡ್ ಎಣ್ಣ್‌ಚಿ#9.28 ಯೆಶಾಯ 10.22, 23.. 29ಇಂಞು ಮಿಂಞಕ್ ಯೆಶಾಯ:
ಸೇನೆರ ಒಡೆಯ ನಂಗಡ ಮದ್ಯತ್‍ಲ್ ಒರ್ ಬಾಗತ್‍ನ ಕಾಪಾಡತೆ ಪೋಯಿತ್ಂಜತೇಂಗಿ,
ನಂಗಳು ಸೊದೋಮ್ ಪಿಂಞ ಗೊಮೋರ ಪಟ್ಟಣತ್‍ರನೆಕೆ ಪಾಳಾಯಿ ಪೋಯಿತಿಪ್ಪಾಂದ್ ಎಣ್ಣ್‌ಚಿ#9.29 ಯೆಶಾಯ 1.9.
ಇಸ್ರಾಯೇಲ್‍ರ ಅಪನಂಬಿಕೆ
30ಆನಗುಂಡ್ ನಂಗ ಎಂತ ಎಣ್ಣುವಕ್ ಕಯ್ಯು? ನೀತಿನ ತ್‍ೕಡತ ಯೆಹೂದ್ಯಂಗಲ್ಲತ ಜನಕ್ ನೀತಿ ಕ್‍ಟ್ಟ್‌ಚಿ, ಅದ್ ನಂಬಿಕೇರ ಮೂಲಕ, ಕ್‍ಟ್ಟುವ ನೀತಿಯೇ. 31ಆಚೇಂಗಿ, ನ್ಯಾಯಪ್ರಮಾಣತ್‍ರ ಮೂಲಕ ನೀತಿನ ತ್‍ೕಡ್‍ನ ಇಸ್ರಾಯೇಲ್ ಜನಕ್ ನೀತಿ ಕ್‍ಟ್ಟಿತ್ತ್‌ಲ್ಲೆ. 32ಎನ್ನಂಗೆಣ್ಣ್‌ಚೇಂಗಿ: ಅಯಿಂಗ ನಂಬಿಕೇರ ಮೂಲಕ ಅದ್‍ನ ತ್‍ೕಡತೆ, ನ್ಯಾಯಪ್ರಮಾಣತ್‍ರ ಕ್ರಿಯೆರ ಮೂಲಕ ಅದ್‍ನ ತ್‍ೕಡ್‍ನಗುಂಡ್ ಅಯಿಂಗಕ್ ಕ್‍ಟ್ಟಿತ್‌ಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ತಡ್‍ಪ ಕಲ್ಲ್‌ರಗುಂಡ್ ಅದ್ಂಡಮೇಲೆ ಅಯಿಂಗ ಬುದ್ದತ್. 33ಇದ್:
ನೋಟಿ, ತಡ್‍ಪಕುಳ್ಳ ಕಲ್ಲ್‌ನ ಪಿಂಞ ಬೂವಕ್ ಮಾಡ್‌ವ ಬಂಡೆ ಕಲ್ಲ್‌ನ
ಚೀಯೋನ್‌#9.33 ಯೆರೂಸಲೇಮ್‍ನ ಚೀಯೋನ್‍ಂದ್ ಪಳೆಯ ಒಪ್ಪಂದತ್‍ಲ್ ಕಾಕುವ. ಪಟ್ಟಣತ್‍ಲ್ ಬೆಚ್ಚಿಯೆ;
ಅಂವೊಂಡ ಮೇಲೆ ನಂಬಿಕೆ ಬೆಪ್ಪಂವೊ ದಾರಾಯಿತ್ ಇಂಜತೇಂಗಿಯು
ಅಂವೊಂಗ್ ಞಾಣ ಆಪುಲೇಂದ್ ಒಳ್‍ದಿತುಳ್ಳನೆಕೆ ಇದ್ ಆಚಿ.#9.33 ಯೆಶಾಯ 8.14; 28.16
Currently Selected:
ರೋಮ್ 9: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ರೋಮ್ 9
9
ದೇವ ಪಿಂಞ ಅಂವೊಂಡ ಮಕ್ಕ
1ನಾನ್ ಕ್ರಿಸ್ತಂಡಲ್ಲಿ ಸತ್ಯ ಎಣ್ಣಿಯಂಡುಂಡ್. ನಾನ್ ಪೊಟ್ಟ್‌ಪರ್ಂದಂಡಿಲ್ಲೆ. 2ನಾಡ ಹೃದಯತ್‍ಲ್, ನಾನ್ ಬಲ್ಯ ಬೇಜಾರತ್‍ಲ್ ಪಿಂಞ ಎಡಬುಡತೆ ಕಷ್ಟಪಟ್ಟಂಡುಳ್ಳ್‌ಂದ್ ನಾಡ ಮನಸಾಕ್ಷಿಯು ಪವಿತ್ರಾತ್ಮಂಡಲ್ಲಿ ಸಾಕ್ಷಿಯಾಯಿತ್ ಉಂಡ್. 3ತಡೀರ ಪ್ರಕಾರ ನಾಡ ಜನವಾಯಿತ್ ಉಳ್ಳ ನಾಡ ಅಣ್ಣತಮ್ಮಣಂಗಕ್ ಬದ್‍ಲ್, ನಾನೇ ಕ್ರಿಸ್ತನ ಬುಟ್ಟಿತ್ ಶಾಪ ಕ್‍ಟ್ಟ್‌ನಂವೊನಾಯಿತ್ ಇಪ್ಪಕ್ ನಾನ್ ಆಸೆ ಪಡುವಿ. 4ಅಯಿಂಗ ಇಸ್ರಾಯೇಲ್ ಜನ; ಮಕ್ಕಕುಳ್ಳ ಹಕ್ಕ್ ಅಯಿಂಗಡದೇ, ದೇವಡ ಮಹಿಮೇನೆ ಅಯಿಂಗಕೇ ಕಾಂಬ್‍ಚಿಟ್ಟತ್; ಅಯಿಂಗಕೇ ಒಪ್ಪಂದ ಮಾಡ್‍ಚಿ, ಅಯಿಂಗಕೇ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಅಯಿಂಗಕೇ ಆರಾದನೆ ಮಾಡ್‌ವ ಬಾಗ್ಯತ್‍ನ ಕೊಡ್‍ತತ್ ಪಿಂಞ ಅಯಿಂಗಕೇ ದೇವಡ ವಾಗ್ದಾನವು ಕ್‍ಟ್ಟ್‌ಚಿ. 5ಮುತ್ತಜ್ಜಂಗ ಅಯಿಂಗಕುಳ್ಳಯಿಂಗಳೇ, ತಡೀರ ಪ್ರಕಾರ ಕ್ರಿಸ್ತ ಸಹ ಅಯಿಂಗಡಲ್ಲಿ ಪುಟ್ಟ್‌ಚಿ, ಇಂವೊ ಕಾಲಕಾಲಕು, ಎಲ್ಲಾಂಗು ಕೊಡಿಲ್ ದೇವನಾಯಿತ್ ಕೊಂಡಾಡುವಕ್ ಉಳ್ಳಂವೊನಾಯಿತುಂಡ್, ಆಮೆನ್.
6ದೇವಡ ವಾಕ್ಯ ನೆರೆವೇ‍ರತೆ ಪೋಚೀಂದ್ ಎಣ್ಣುವಕ್ಕಾಗ, ಇಸ್ರಾಯೇಲ್ ವಂಶತ್‌ಲ್ ಪುಟ್ಟ್‌ನಯಿಂಗ ಎಲ್ಲಾರು, ನೇರಾನ ಇಸ್ರಾಯೇಲ್ ಜನ ಅಲ್ಲ. 7ಅಯಿಂಗ ಅಬ್ರಹಾಮಂಡ ಸಂತಾನಕಾರಂಗಳಾಯಿತ್ ಇಂಜತೇಂಗಿಯು, ಅಯಿಂಗ ಎಲ್ಲಾರು ಅಂವೊಂಡ ಮಕ್ಕ ಅಲ್ಲ; ಅಂವೊಂಡ ಮೋಂವೊನಾನ ಇಸಾಕಂಡಲ್ಲಿ, ಇಂವೊಂಡ ಮೂಲಕವೇ ನೀಡ ಸಂತಾನ ಆಪಾಂದ್ ಅಬ್ರಹಾಮಂಗ್ ಎಣ್ಣಿತುಂಡಲ್ಲ?#9.7 ಆದ್ಯ ಪುಸ್ತಕ 21.12 8ಎನ್ನನೆ ಎಣ್ಣ್‌ಚೇಂಗಿ, ತಡೀರ ಪ್ರಕಾರ ಮಕ್ಕ ಆನಯಿಂಗ ಎಲ್ಲಾರು ದೇವಡ ಮಕ್ಕ ಅಲ್ಲ, ವಾಗ್ದಾನತ್‍ರ ಪ್ರಕಾರ ಮಕ್ಕ ಆನಯಿಂಗಳೇ ಅಂವೊಂಡ ಸಂತಾನಕಾರಂಗಳಾಯಿತ್‌ಪ್ಪ. 9ಸರಿಯಾನ ಸಮಯತ್‍ಲ್ ನಾನ್ ಬಪ್ಪಿ, ಅಕ್ಕ ಸಾರಾಳ ಒರ್ ಮೋಂವೊನ ಪೆರುವಾಂದ್ ಎಣ್ಣ್‌ನದೇ ಆ ವಾಗ್ದಾನ.#9.9 ಆದ್ಯ ಪುಸ್ತಕ 18.10,14
10ಇದ್ ಮಾತ್ರವಲ್ಲತೆ, ರೆಬೆಕ್ಕ ಅವಡ ವಡಿಯನಾನ ನಂಗಡ ಮುತ್ತಜ್ಜನಾನ ಇಸಾಕನಗುಂಡ್ ಕೆಲಕರ್ತಿ ಆಚಿ. 11ಆಚೇಂಗಿ, ಅವಕ್ ಮಕ್ಕ ಪುಟ್ಟ್‌ವಕ್ ಮಿಂಞಲೇ, ಅಯಿಂಗ ನಲ್ಲದ್ ಕೆಟ್ಟದ್ ಏದು ಮಾಡ್‌ವಕ್ ಮಿಂಞಲೇ, 12ದೇವ ಆಯ್ಕೆ ಮಾಡ್‌ವ ಅಂವೊಂಡ ತೀರ್ಮಾನ, ಕ್ರಿಯೇನಗುಂಡು ಅಲ್ಲ, ಕಾಕ್‌ನಂವೊನಗುಂಡ್‍ೕಂದ್ ಉಳ್ಳದ್‍ನ ಸ್ತಿರಪಡ್‌ತ್‍ವಕಾಯಿತ್, ಬಲ್ಯಂವೊ ಎಳಿಯವೊಂಗ್ ಸೇವೆ ಮಾಡ್‌ವಾಂದ್ ಅವಕ್ ಎಣ್ಣಿತ್ಂಜತ್#9.12 ಆದ್ಯ ಪುಸ್ತಕ 25.23. 13ಅನ್ನನೆ ದೇವ ಯಾಕೋಬನ ಪ್ರೀತಿ ಮಾಡಿತ್, ಏಸಾನ ದ್ವೇಶ ಮಾಡ್‍ಚೀಂದ್ ಒಳ್‍ದಿ ಬೆಚ್ಚಿತುಂಡ್.#9.13 ಮಲಾಕಿ 1.2,3
14ಅಕ್ಕ, ನಂಗಕ್ ಎಂತ ಎಣ್ಣುವಕ್ ಕಯ್ಯು? ದೇವಡ ಪಕ್ಕ ಅನೀತಿ ಉಂಡ್‍ೕಂದ್ ಎಣ್ಣ್‌ವದಾ? ಅನ್ನನೆ ಇಲ್ಲವೇ ಇಲ್ಲೆ. 15ದೇವ ಮೋಶೇನ ನೋಟಿತ್:
ನಾಕ್ ದಾಡ ಮೇಲೆ ಕನಿಕರ ಕಾಟ್‍ವಕ್ ಕುಶಿಯುಂಡೋ,
ಅಂವೊಂಡ ಮೇಲೆ ಕನಿಕರ ಕಾಟ್‌ವಿ, ದಾಡ ಮೇಲೆ ಕನಿಕರ ಕಾಟ್‍ವಕ್ ಕುಶಿಯುಂಡೋ, ಅಂವೊಂಡ ಮೇಲೆ ಕನಿಕರ ಕಾಟ್‍ವೀಂದ್ ಎಣ್ಣ್‌ಚಿ#9.15 ಪ್ರಯಾಣ ಪುಸ್ತಕ 33.19 .
16ಆನಗುಂಡ್, ಒರ್ ಮನುಷ್ಯ ಆಸೆ ಪಡುವಗುಂಡೋ ಅಥವ ಪ್ರಯತ್ನ ಮಾಡ್‍ವಗುಂಡೊ ಅದ್ ಆಪುಲೆ, ಆಚೇಂಗಿ, ಕನಿಕರ ಕಾಟುವ ದೇವಡಗುಂಡ್ ಮಾತ್ರ ಆಪ. 17ಅದಲ್ಲತೆ, ನಾಡ ಶಕ್ತಿನ ನೀಡಲ್ಲಿ ಕಾಂಬಿಚಿಡುವಕ್ ಪಿಂಞ ನಾಡ ಪೆದ ಇಡೀ ಲೋಕತ್‍ಲ್ ಪಬ್ಬ್‌ಚಿಡ್‌ವಕಾಯಿತ್ ನಿನ್ನ ನಾನ್ ರಾಜನಾಯಿತ್ ನೇಮಿಚಿಟ್ಟಿಯೇಂದ್#9.17 ಪ್ರಯಾಣ ಪುಸ್ತಕ 9.16 ದೇವ ಐಗುಪ್ತಂಡ ರಾಜನಾನ ಫರೋಹನಂಡ ಪಕ್ಕ ಎಣ್ಣ್‌ನದಾಯಿತ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್. 18ಆನಗುಂಡ್, ದಾಡ ಮೇಲೆ ಕನಿಕರ ಕಾಟ್‍ವಕ್ ಅಂವೊಂಗ್ ಕುಶಿಯುಂಡೋ, ಅಂವೊಂಡ ಮೇಲೆ ಕನಿಕರ ಕಾಂಬ್‌ಚಿಡ್‌ವ. ದಾಡ ಹೃದಯತ್‍ನ ಗಟ್ಟಿಮಾಡ್‌ವಕ್ ಚಿತ್ತ ಉಂಡೋ ಅಂವೊಂಡ ಮನಸ್ಸ್‌ನ ಗಟ್ಟಿಮಾಡ್‌ವ.
ದೇವಡ ಚೆಡಿ ಪಿಂಞ ಕನಿಕರ
19ಇನ್ನನೆ ಆಚೇಂಗಿ, ದೇವ ಎನ್ನಂಗಾಯಿತ್ ಒಬ್ಬ ಮಾಡ್‌ವ ಪಾಪತ್‍ರಗುಂಡ್ ಅಂವೊಂಡ ಮೇಲೆ ಕುತ್ತ ಪರಿಯುವ? ಅಂವೊಂಡ ಚಿತ್ತಕ್ ವಿರೋದವಾಯಿತ್ ದಾರ್‌ಕ್ ನಿಪ್ಪಕ್ ಕಯ್ಯೂಂದ್ ನಿಂಗ ನಾಡ ಪಕ್ಕ ಕ್‍ೕಪಿರ. 20ಅನ್ನನೆ ಆಚೇಂಗಿ ಮನುಷ್ಯ! ದೇವಕ್ ವಿರೋದವಾಯಿತ್ ತಕ್ಕ್ ಪರಿಯುವಕ್ ನೀನ್ ದಾರ್? ಒರ್ ವಸ್ತು, ಅದ್‍ನ ಮಾಡ್‌ನಂವೊನ ನೋಟಿತ್, ನೀನ್ ಎನ್ನಂಗ್ ನನ್ನ ಇನ್ನನೆ ಮಾಡಿಯಾಂದ್ ಕ್‍ೕಪದ್ ಸರಿಯಾ?#9.20 ಯೆಶಾಯ 29.16; 45.9 21ಒರ್ ಕುಂಬಾರಂಗ್, ಒರೇ ಕೊಜೆ ಮಣ್ಣ್‌ಲ್, ಒರ್ ಪಾತ್ರತ್‍ನ ಗನಪಟ್ಟ ಉಪಯೋಗಕಾಯಿತು, ಇಂಞೊರ್ ಪಾತ್ರತ್‍ನ ಸಾದಾರಣ ಉಪಯೋಗಕಾಯಿತು ಮಾಡ್‌ವಕ್, ಆ ಕುಂಬಾರಂಗ್ ಮಣ್ಣ್‌ರ ಮೇಲೆ ಅದಿಕಾರ ಇಲ್ಲೆಯಾ?
22ಆಚೇಂಗಿ, ದೇವ ಅಂವೊಂಡ ಚೆಡಿನ ಕಾಂಬಿಚಿಡುವಕ್, ತಾಂಡ ಶಕ್ತಿನ ಕಾಟ್‌ವಕಾಯಿತ್ ಯೆಹೂದ್ಯಂಗಡಲ್ಲಿ ಮಾತ್ರ ಅಲ್ಲತೆ, ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್ಂಜ ಸಹ ನಂಗಳ ಕಾಕ್‍ಚಿ. 23ತಾಂಡ ಮಹಿಮೆಕಾಯಿತ್ ತಯಾರ್ ಮಾಡ್‍ನ ಕನಿಕರತ್‍ರ ಪಾತ್ರವಾಯಿತುಳ್ಳ ನಂಗಡ ಮೇಲೆ ತಾಂಡ ಮಹಿಮೇರ ಐಶ್ವರ್ಯತ್‍ನ ಕಾಂಬ್‍ಚಿಡುವಕ್ ಕುಶಿಯುಳ್ಳಂವೊನಾಯಿತು, 24ದೇವಡ ಬಲ್ಯ ಚೆಡಿಕ್ ಯೋಗ್ಯವಾನ ಪಾತ್ರತ್‍ರಮೇಲೆ, ದುಂಬ ತಾಳ್ಮೆಲ್ ಸಹಿಸಿಯಂಡ್ ಇಂಜತೇಂಗಿ ನೀಕ್ ಎಂತ? 25ಇದ್‍ಲ್ಲತೆ,
ನಾಡ ಜನ ಅಲ್ಲತಯಿಂಗಳ, ನಾಡ ಜನಾಂಗಾಂದು,
ಪ್ರೀತಿಚಿಡತವಳ ಪ್ರೀತಿಚಿಟ್ಟಂವಾಂದ್ ನಾನ್ ಕಾಕುವಿ,
26ನಿಂಗ ನಾಡ ಜನ ಅಲ್ಲಾಂದ್ ಒಳ್‍ದಿತುಳ್ಳ ಜಾಗತ್‍ಲ್,
ಅಯಿಂಗ ಜೀವವುಳ್ಳ ದೇವಡ ಮಕ್ಕಳಾಯಿತುಂಡ್‍ೕಂದ್
ಹೋಶೇಯ ಪ್ರವಾದಿರ ಮೂಲಕ ಎಣ್ಣಿತುಂಡ್#9.26 ಹೋಶೇಯ 2.23; 1.10. 27ಅನ್ನನೆ ಇಸ್ರಾಯೇಲ್ ಜನತ್‍ರ ವಿಷಯತ್‍ನ:
ಇಸ್ರಾಯೇಲ್ ಮಕ್ಕಡ ಲೆಕ್ಕ ಸಮುದ್ರತ್‍ರ ಮಣತ್‍ರಚ್ಚಕ್ ಇಂಜತೇಂಗಿಯು,
ಚೆನ್ನ ಜನ ಮಾತ್ರ ಬಚಾವಾಪಾಂದು,
28ಅಂವೊ ನೀತಿಲ್ ಎಲ್ಲಾನ ನೆರೆವೇರಿಚಿಡುವಾಂದು,
ಲೋಕತ್‍ಲ್ ಎಲ್ಲಾನ ಬೆರಿಯ ಆಕೀರ್‌ಕ್ ಕೊಂಡ್ ಬಪ್ಪಾಂದು
ಯೆಶಾಯ ಪ್ರವಾದಿ ಮೊರಟಂಡ್ ಎಣ್ಣ್‌ಚಿ#9.28 ಯೆಶಾಯ 10.22, 23.. 29ಇಂಞು ಮಿಂಞಕ್ ಯೆಶಾಯ:
ಸೇನೆರ ಒಡೆಯ ನಂಗಡ ಮದ್ಯತ್‍ಲ್ ಒರ್ ಬಾಗತ್‍ನ ಕಾಪಾಡತೆ ಪೋಯಿತ್ಂಜತೇಂಗಿ,
ನಂಗಳು ಸೊದೋಮ್ ಪಿಂಞ ಗೊಮೋರ ಪಟ್ಟಣತ್‍ರನೆಕೆ ಪಾಳಾಯಿ ಪೋಯಿತಿಪ್ಪಾಂದ್ ಎಣ್ಣ್‌ಚಿ#9.29 ಯೆಶಾಯ 1.9.
ಇಸ್ರಾಯೇಲ್‍ರ ಅಪನಂಬಿಕೆ
30ಆನಗುಂಡ್ ನಂಗ ಎಂತ ಎಣ್ಣುವಕ್ ಕಯ್ಯು? ನೀತಿನ ತ್‍ೕಡತ ಯೆಹೂದ್ಯಂಗಲ್ಲತ ಜನಕ್ ನೀತಿ ಕ್‍ಟ್ಟ್‌ಚಿ, ಅದ್ ನಂಬಿಕೇರ ಮೂಲಕ, ಕ್‍ಟ್ಟುವ ನೀತಿಯೇ. 31ಆಚೇಂಗಿ, ನ್ಯಾಯಪ್ರಮಾಣತ್‍ರ ಮೂಲಕ ನೀತಿನ ತ್‍ೕಡ್‍ನ ಇಸ್ರಾಯೇಲ್ ಜನಕ್ ನೀತಿ ಕ್‍ಟ್ಟಿತ್ತ್‌ಲ್ಲೆ. 32ಎನ್ನಂಗೆಣ್ಣ್‌ಚೇಂಗಿ: ಅಯಿಂಗ ನಂಬಿಕೇರ ಮೂಲಕ ಅದ್‍ನ ತ್‍ೕಡತೆ, ನ್ಯಾಯಪ್ರಮಾಣತ್‍ರ ಕ್ರಿಯೆರ ಮೂಲಕ ಅದ್‍ನ ತ್‍ೕಡ್‍ನಗುಂಡ್ ಅಯಿಂಗಕ್ ಕ್‍ಟ್ಟಿತ್‌ಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ತಡ್‍ಪ ಕಲ್ಲ್‌ರಗುಂಡ್ ಅದ್ಂಡಮೇಲೆ ಅಯಿಂಗ ಬುದ್ದತ್. 33ಇದ್:
ನೋಟಿ, ತಡ್‍ಪಕುಳ್ಳ ಕಲ್ಲ್‌ನ ಪಿಂಞ ಬೂವಕ್ ಮಾಡ್‌ವ ಬಂಡೆ ಕಲ್ಲ್‌ನ
ಚೀಯೋನ್‌#9.33 ಯೆರೂಸಲೇಮ್‍ನ ಚೀಯೋನ್‍ಂದ್ ಪಳೆಯ ಒಪ್ಪಂದತ್‍ಲ್ ಕಾಕುವ. ಪಟ್ಟಣತ್‍ಲ್ ಬೆಚ್ಚಿಯೆ;
ಅಂವೊಂಡ ಮೇಲೆ ನಂಬಿಕೆ ಬೆಪ್ಪಂವೊ ದಾರಾಯಿತ್ ಇಂಜತೇಂಗಿಯು
ಅಂವೊಂಗ್ ಞಾಣ ಆಪುಲೇಂದ್ ಒಳ್‍ದಿತುಳ್ಳನೆಕೆ ಇದ್ ಆಚಿ.#9.33 ಯೆಶಾಯ 8.14; 28.16
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)