ರೋಮ್ 8
8
ಪವಿತ್ರ ಆತ್ಮತ್‍ರಗುಂಡ್ ಬಾಳುವ ಬದ್‍ಕ್
1ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ. 2ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ಉಳ್ಳ ಐಕ್ಯತ್‍ಲ್ ನಂಗಕ್ ಜೀವ ತಪ್ಪ ಪವಿತ್ರಾತ್ಮತ್‍ರ ಕಾನೂನ್, ನನ್ನ ಪಾಪ ಪಿಂಞ ಚಾವ್‍ರ ಕಾನೂನಿಂಜ ಬುಡುಗಡೆ ಮಾಡ್‍ಚಿ. 3ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗಡೊಳ್‌ಲ್ ಉಳ್ಳ ಏದು ಮಾಡ್‌ವಕ್ ಕಯ್ಯತ ಪಾಪತ್‍ರ ಗುಣತ್‍ರಗುಂಡ್, ನ್ಯಾಯಪ್ರಮಾಣಕ್ ಏದು ಮಾಡ್‌ವಕ್ ಕಯ್ಯತ ಪೋಚಿ. ಆನಗುಂಡ್ ನ್ಯಾಯಪ್ರಮಾಣ ಮಾಡ್‌ವಕ್ ಕಯ್ಯತದ್‍ನ, ನಂಗಕ್ ಮಾಡ್‌ವಕಾಯಿತ್, ದೇವ ಅಂವೊಂಡ ಮೋಂವೊನ ಪಾಪತ್‍ರ ಗುಣ ಉಳ್ಳ ನಂಗಡ ತಡಿರನೆಕೆ ಉಳ್ಳ ಶರೀರತ್‍ಲ್ ಪಿಂಞ ಅಂವೊನ ಪಾಪಕ್ ಯಾಗವಾಯಿತ್ ಅಯಿಚತ್. ಅನ್ನನೆ ಅಂವೊ ಪಾಪತ್‍ನ ತಡೀಲ್ ತೀರ್ಪ್ ಮಾಡ್‍ಚಿ. 4ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಂಗ ನಡ್‍ಕತೆ, ಪವಿತ್ರಾತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಪ ನಂಗಕ್, ನ್ಯಾಯಪ್ರಮಾಣತ್‍ರ ನೀತಿ ನೆರೆವೇರುವನೆಕೆ ದೇವ ಇನ್ನನೆ ಮಾಡ್‍ಚಿ. 5ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಡ್‍ಪಯಿಂಗ ಪಾಪತ್‍ರ ಗುಣತ್‍ಲ್ ಗೇನ ಮಾಡಿಯಂಡುಂಡ್; ಆಚೇಂಗಿ, ಪವಿತ್ರಾತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಪಯಿಂಗ ದೇವಡ ಆತ್ಮತ್‍ರನೆಕೆ ಗೇನ ಮಾಡಿಯಂಡುಂಡ್. 6ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಡ್‍ಕಂಡೂಂದ್ ಉಳ್ಳ ಗೇನ, ನಂಗಳ ಆತ್ಮೀಯ ಚಾವ್‍ಕ್ ಬಲ್‍ಚಂಡ್ ಪೋಪ; ಆಚೇಂಗಿ, ದೇವಡ ಆತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಕಂಡೂಂದ್ ಉಳ್ಳ ಗೇನ ನಂಗಳ ನೇರಾನ ಜೀವಕ್ ಪಿಂಞ ಸಮಾದಾನ ಉಳ್ಳ ಬದ್‍ಕ್‍ಕ್ ನಡ್‍ತಿಯಂಡ್ ಪೋಪ. 7ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗಡ ಪಾಪ ಗುಣತ್‍ರ ಗೇನ, ದೇವಕ್ ವಿರೋದವಾಯಿತ್ ಕ್ರಿಯೆ ಮಾಡ್‌ವ; ಆ ಪಾಪತ್‍ರ ಗುಣ ನ್ಯಾಯಪ್ರಮಾಣಕ್ ಬಗ್ಗ್‌ಚಿಡುಲೆ, ಬಗ್ಗಿಚಿಡ್‌ವಕ್ ಕಯ್ಯುವುದು ಇಲ್ಲೆ. 8ಆನಗುಂಡ್, ಪಾಪತ್‍ರ ಗುಣ ಎಣ್ಣ್‌ವನೆಕೆ ನಡ್‍ಪಯಿಂಗಕ್ ದೇವನ ಕುಶಿ ಪಡ್‍ತ್‍ವಕ್ ಕಯ್ಯುಲೆ. 9ದೇವಡ ಆತ್ಮ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗ ಪಾಪತ್‍ರ ಗುಣ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪುಲೆ, ದೇವಡ ಆತ್ಮ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪಿರ; ಕ್ರಿಸ್ತಂಡ ಆತ್ಮ ಇಲ್ಲತಂವೊ ಕ್ರಿಸ್ತಂಗ್ ಕೂಡ್‍ನಂವೊ ಅಲ್ಲ. 10ಆಚೇಂಗಿ, ಕ್ರಿಸ್ತ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗಡ ತಡಿ ಪಾಪತ್‍ರಗುಂಡ್ ಚತ್ತ್ ಪೋಯಿತ್‌ಪ್ಪ, ಆಚೇಂಗಿಯು, ನೀತಿರಗುಂಡ್ ನಿಂಗಡ ಆತ್ಮ ಬದ್‍ಕಿಯಂಡಿಪ್ಪ. 11ಅದಲ್ಲತೆ, ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊಂಡ ಆತ್ಮ ನಿಂಗಡ ಒಳ್‍ಲ್ ವಾಸಮಾಡಿಯಂಡಿಂಜತೇಂಗಿ, ಕ್ರಿಸ್ತ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊ, ನಿಂಗಡಲ್ಲಿ ವಾಸ ಮಾಡಿಯಂಡುಳ್ಳ ತಾಂಡ ಆತ್ಮತ್‍ರಗುಂಡ್ ಚತ್ತ್ ಪೋಪಕುಳ್ಳ ನಿಂಗಡ ತಡೀನ ಸಹ ಎಪ್ಪ್‌ಚಿಡುವ.
12ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ಪಾಪತ್‍ರ ಗುಣತ್‍ಲ್ ಬದ್‍ಕ್‍ವಕ್ ನಂಗ ಪಾಪತ್‍ರ ಗುಣಕ್ ಒಳಪಟ್ಟಯಿಂಗ ಅಲ್ಲ. 13ಪಾಪತ್‍ರ ಗುಣತ್‍ಲ್ ನಿಂಗ ಬದ್‍ಕಿಯಂಡ್ ಇಂಜತೇಂಗಿ, ನಿಂಗ ಚತ್ತ್ ಪೋಪಿರ; ಪವಿತ್ರಾತ್ಮತ್‍ರಗುಂಡ್ ತಡೀರ ಕ್ರಿಯೇನ ನಿಂಗ ಪಾಳ್ ಮಾಡ್‍ಚೇಂಗಿ, ನಿಂಗ ಬದ್‍ಕ್‍ವಿರ. 14ಎನ್ನಂಗೆಣ್ಣ್‌ಚೇಂಗಿ, ದೇವಡ ಆತ್ಮತ್‍ರಗುಂಡ್ ದಾರೆಲ್ಲಾ ನಡ್‍ಪ, ಅಯಿಂಗೆಲ್ಲ ದೇವಡ ಮಕ್ಕಳಾಯಿತ್ ಉಂಡ್. 15ಅನ್ನನೆ, ಪುನಃ ಬೊತ್ತಿಯಂಡ್ ಇಪ್ಪಕ್ ಅಡಿಯಾಳುವಡ ಪವಿತ್ರಾತ್ಮತ್‍ನ ಪಡಯತೆ, ಅಪ್ಪಾ ಪಪ್ಪಾಂದ್ ಕಾಕ್‌ವಕುಳ್ಳ ಮಕ್ಕಡ ಹಕ್ಕ್‌ರ ಆತ್ಮತ್‌ನ ನಿಂಗ ಪಡ್ಂದಿರ. 16ನಂಗ ದೇವಡ ಮಕ್ಕಾಂದ್ ಪವಿತ್ರಾತ್ಮವೇ ನಂಗಡ ಆತ್ಮತ್‍ರ ಕೂಡೆ ಸಾಕ್ಷಿ ಎಣ್ಣಿಯಂಡುಂಡ್. 17ಇಕ್ಕ, ನಂಗ ಮಕ್ಕಾಳಾಯಿತ್ಂಜತೇಂಗಿ ಬಾದ್ಯೆತೆಕಾರಂಗಳಾಯಿತ್ ಉಂಡ್, ದೇವಡ ಹಕ್ಕ್‌ದಾರಂಗಳು, ಕ್ರಿಸ್ತಂಡ ಕೂಡೆ ಹಕ್ಕ್‌ದಾರಂಗಳಾಯಿತುಂಡ್, ಕ್ರಿಸ್ತಂಡ ಕೂಡೆ ಕಷ್ಟಪಟ್ಟತೇಂಗಿ, ಅಂವೊಂಡ ಕೂಡೆ ನಂಗಳು ಸಹ ಮಹಿಮೆನ ಪಡೆಯುವ.
ಬಪ್ಪಕುಳ್ಳ ಮಹಿಮೆ
18ಆನಗುಂಡ್, ಮಿಂಞಕ್ ನಂಗಕ್ ಕ್‍ಟ್ಟ್‌ವಕುಳ್ಳ ಮಹಿಮೆನ ಗೇನ ಮಾಡ್‍ಚೇಂಗಿ, ಇಕ್ಕತ್‍ರ ಕಷ್ಟವೆಲ್ಲ ಅದ್ಂಡಕೂಡೆ ಹೋಲಿಕೆ ಮಾಡ್‌ವಕ್ ಕಯ್ಯುಲೇಂದ್ ಗೇನ ಮಾಡ್‌ವಿ. 19ದೇವಡ ಮಕ್ಕ ದಾರ್‍ೕಂದ್ ಎಲ್ಲಾರ್‌ಕು ಗೊತ್ತಾಪಕಾಯಿತ್, ದೇವಡ ಎಲ್ಲಾ ಸೃಷ್ಟಿಯು ಬಾರಿ ಕುಶೀಲ್ ಪಾರಕಾತಂಡುಂಡ್. 20ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾ ಸೃಷ್ಟಿಯ ಅದ್ಂಡ ಕುಶೀರನೆಕೆ ಮಾಡತೆ, ದೇವಡ ಶಾಪಕ್ ಒಳಪಟ್ಟಿತುಂಡ್. 21ಆನಗುಂಡ್ ಆ ಸೃಷ್ಟಿಯೆಲ್ಲ, ನಾಶವಾಯಿತ್ ಪಾಳಾಯಿ ಪೋಪದಿಂಜ ಬುಡುಗಡೆ ಆಯಿತ್, ದೇವಡ ಮಕ್ಕ ಮಹಿಮೆಲ್ ಪ್ರತ್ಯಕ್ಷ ಆಪಕ ಕ್‍ಟ್ಟುವ ಮಹಿಮೆನ ಪಡೆಯುವಾಂದ್ ನಿರಿಕ್ಷೇಲ್ ದೇವಡಗುಂಡ್ ಅಡಕತ್‍ಲ್ ಉಂಡ್.
22ಅನ್ನನೆ ಎಲ್ಲಾ ಸೃಷ್ಟಿಯಳು ನಂಗಕ್ ಗೊತ್ತುಳ್ಳನೆಕೆ, ಇಲ್ಲಿಕತ್ತನೆ ಒಕ್ಕಚೆ ನೆರ್ಂಗಿಯಂಡ್, ಕೆಲಕರ್ತಿ ಪೆರುವ ನೊಂಬಲತ್‍ರನೆಕೆ ನೊಂಬಲ ಪಟ್ಟಂಡುಂಡ್. 23ಅದ್ ಮಾತ್ರ ಅಲ್ಲತೆ, ಪವಿತ್ರಾತ್ಮತ್‍ರ ಆದ್ಯ ಫಲ ಕ್‍ಟ್ಟ್‌ನ ನಂಗ ಸಹ, ನಂಗಡ ತಡೀರ ವಿಮೋಚನವಾನ ಮಕ್ಕಡ ಹಕ್ಕ್ ಬಪ್ಪಕಾಯಿತ್ ನಂಗಡ ಒಳ್‍ಲ್ ನೆರೆಂಗಿಯಂಡುಂಡ್. 24ಆ ನಿರೀಕ್ಷೆಯಿಂಜ ನಂಗಕ್ ರಕ್ಷಣೆ ಕ್‍ಟ್ಟ್‌ಚಿ. ಕಾಂಬಕ್ ಕಯ್ಯುವ ವಿಷಯತ್‍ಲ್ ನಿರಿಕ್ಷೇಲ್ ಇಪ್ಪದ್ ನಿರೀಕ್ಷೆ ಅಲ್ಲ; ಒಬ್ಬ ಕಾಂಬಕ್ ಕಯ್ಯುವ ವಿಷಯತ್‍ಲ್ ನಿರೀಕ್ಷೆ ಮಾಡಂಡೂಂದ್ ಎಂತ ಉಂಡ್? 25ನಂಗ ಕಾಂಗತ ವಿಷಯಕ್ ನಿರಿಕ್ಷೇಲ್ ಇಂಜತೇಂಗಿ, ಅದ್ಂಗಾಯಿತ್ ನಂಗ ತಾಳ್ಮೆಲ್ ಪಾರಕಾತಂಡಿಪ್ಪ.
26ಅನ್ನನೆ, ನಂಗ ತಳ್ಂದ್ ಪೋಯಿತಿಪ್ಪಕ, ಪವಿತ್ರಾತ್ಮ ನಂಗಕ್ ಸಹಾಯ ಮಾಡ್‌ವ. ನಂಗಕ್ ಏದ್ ರೀತಿಲ್ ಪ್ರಾರ್ಥನೆ ಮಾಡಂಡೂಂದ್ ಗೊತ್ತಿಲ್ಲತಗುಂಡ್, ಪವಿತ್ರಾತ್ಮ ನಂಗಕಾಯಿತ್ ಬಾಕ್‍ಲ್ ಎಣ್ಣುವಕ್ ಕಯ್ಯತನೆಕೆ ನೆರ್ಂಗಿಯಂಡ್ ಬೋಡಿಯಂಡುಂಡ್. 27ದೇವಡ ಚಿತ್ತತ್‍ರನೆಕೆ ಪವಿತ್ರಾತ್ಮ ದೇವಡ ಮಕ್ಕಕಾಯಿತ್ ಬೋಡಿಯಂಡುಳ್ಳಾಂಗ್, ಹೃದಯತ್‍ನ ನೋಟಿಯಂಡುಳ್ಳ ದೇವಕ್, ಪವಿತ್ರಾತ್ಮತ್‍ರ ಗೇನ ಎಂತ್‍ೕಂದ್ ಗೊತ್ತುಂಡ್.
ಎಕ್ಕಾಲು ಜಯತ್‍ಲ್ ಬದ್‍ಕ್‍ವದ್
28ಇದ್‍ಲ್ಲತೆ, ಅಂವೊಂಡ ತೀರ್ಮಾನತ್‍ರ ಪ್ರಕಾರ ಕಾಕ್‍ನಯಿಂಗಳಾಯಿತ್, ಅಂವೊನ ಪ್ರೀತಿಚಿಡ್‌ವಯಿಂಗಕ್ ಎಲ್ಲಾ ನಲ್ಲದಾಯಿತೇ ದೇವ ಮಾಡ್‌ವಾಂದ್ ನಂಗಕ್ ಗೊತ್ತುಂಡ್. 29ದೇವ ತಾಂಡ ದುಂಬ ಮಕ್ಕಡಲ್ಲಿ ತಾಂಡ ಮೋಂವೊ ಆದ್ಯಂವೊನಾಯಿತಿಪ್ಪಕಾಯಿತ್, ದೇವ ದಾರ್‌ನ ಮಿಂಞಲೇ ಗೊತ್ತ್ ಮಾಡ್‍ಚೋ, ಅಯಿಂಗಳ ತಾಂಡ ಮೋಂವೊಂಡ ರೂಪತ್‍ರನೆಕೆ ಇಪ್ಪಕಾಯಿತ್ ಮಿಂಞಲೇ ತೀರ್ಮಾನ ಮಾಡ್‍ಚಿ. 30ದಾರ್‌ನ ಅಂವೊ ಮಿಂಞಲೇ ಗೊತ್ತ್ ಮಾಡ್‍ಚೋ ಅಯಿಂಗಳ ಕಾಕ್‌ಚಿಟ್ಟತ್; ದಾರ್‌ನ ಕಾಕ್‍ಚಿಟ್ಟತೋ ಅಯಿಂಗಳ ನೀತಿವಂತಯಿಂಗಳಾಯಿತ್ ಮಾಡ್‍ಚಿ; ದಾರ್‌ನ ನೀತಿವಂತಯಿಂಗಳಾಯಿತ್ ಮಾಡ್‍ಚೋ ಅಯಿಂಗಕ್ ತಾಂಡ ಮಹಿಮೆನ ಕೊಡ್‍ತತ್.
31ಇದ್ಂಡ ವಿಷಯತ್ ನಂಗ ಎಂತ ಎಣ್ಣಡ್? ದೇವ ನಂಗಡ ಪಕ್ಕ ಇಂಜತೇಂಗಿ ನಂಗಕ್ ವಿರೋದವಾಯಿತ್ ಬಪ್ಪಂವೊ ದಾರ್? 32ದೇವ ತಾಂಡ ಸ್ವಂತ ಮೋಂವೋಂದ್ ಸಹ ನೋಟತೆ, ನಂಗ ಎಲ್ಲಾರ್‍ಕಾಯಿತ್ ಅಂವೊನ ಒಪ್ಪ್‌ಚಿಟ್ಟಕ, ಅಂವೊಂಡ ಕೂಡೆ ಬೋರೆ ಎಲ್ಲಾನ ಸಹ ಕೃಪೆಯಾಯಿತ್ ನಂಗಕ್ ತರತೆ ಇಪ್ಪದ್ ಎನ್ನನೆ? 33ದೇವ ಗೊತ್ತ್ ಮಾಡ್‍ನಯಿಂಗಡ ಮೇಲೆ ಕುತ್ತ ಪರಿಯುವಯಿಂಗ ದಾರ್? ದೇವನೇ ಅಯಿಂಗಳ ನೀತಿವಂತಯಿಂಗಳಾಯಿತ್ ಮಾಡ್‍ಚಿ. 34ಅಕ್ಕ, ತೀರ್ಪ್ ಮಾಡ್‌ವಯಿಂಗ ದಾರ್? ಕ್ರಿಸ್ತನೇ ನಂಗಕಾಯಿತ್ ಚತ್ತಂವೊ. ಅಲ್ಲತೆ, ಅಂವೊನೇ ನಂಗಕಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಂದಂವೊ. ಅಂವೊನೇ ದೇವಡ ಬಲ್‌ತೆ ಬರಿಲ್ ಅಳ್‌ತಂಡಿಪ್ಪಂವೊ, ನಂಗಕಾಯಿತ್ ದೇವಡ ಪಕ್ಕ ಬೋಡುವಂವೊನು ಅಂವೊನೇ. 35ಕಷ್ಟತ್‍ಲ್ ಇಂಜತೇಂಗಿಯು, ನೊಂಬಲತ್‍ಲ್ ಇಂಜತೇಂಗಿಯು, ಹಿಂಸೆ ಬಾತೇಂಗಿಯು, ಕೆಲ ಪಯಿಚಂಡ್ ಇಂಜತೇಂಗಿಯು, ಬಟ್ಟೆ ಇಲ್ಲತೆ ಇಂಜತೇಂಗಿಯು, ಅಪಾಯ ಬಾತೇಂಗಿಯು, ಬಾಳ್ ಕತ್ತಿ ನಂಗಕ್ ವಿರೋದವಾಯಿತ್ ಬಾತೇಂಗಿಯು, ಕ್ರಿಸ್ತಂಡ ಪ್ರೀತಿಯಿಂಜ ನಂಗಳ ಬೋರೆ ಮಾಡ್‌ವಂವೊ ದಾರ್? 36ಒಳ್‍ದಿತುಳ್ಳನೆಕೆ,
ನೀಡಗುಂಡ್ ಜನ ನಂಗಳ ಕೊಲ್ಲುವಕ್ ಎಕ್ಕಾಲು ಬಂದಂಡುಂಡ್;
ಕೊಲ್ಲುವಕ್ ಕಾಕಿಯಂಡ್ ಪೋಪ ಆಡ್‍ರನೆಕೆ ನಂಗಳ ನೋಟಿಯಂಡುಂಡ್‍ೕಂದ್ ಆಚಿ.#8.36 ದೇವಡ ಪಾಟ್ 44.22
37ನಂಗ, ನಂಗಳ ಪ್ರೀತಿಮಾಡ್‌ವಂವೊಂಡ ಮೂಲಕ ನಂಗಕ್ ಬಪ್ಪ ಇದ್‍ನೆಲ್ಲ, ಪೂರ್ತಿಯಾಯಿತ್ ಗೆದ್ದಂಡುಂಡ್. 38ಎನ್ನನೆ ಎಣ್ಣ್‌ಚೇಂಗಿ ಚಾವ್ ನಂಗಕ್ ಬಾತೇಂಗಿಯು, ಜೀವ ಕ್‍ಟ್ಟ್‌ವದಾಚೇಂಗಿಯು, ದೇವದೂತಂಗಳಾಚೇಂಗಿಯು, ದೆವ್ವ ಲೋಕತ್‍ರಯಿಂಗಳಾಚೇಂಗಿಯು, ಇಕ್ಕ ಆಯಂಡುಳ್ಳದಾಚೇಂಗಿಯು, ಬಪ್ಪಕುಳ್ಳ ವಿಷಯವಾಚೇಂಗಿಯು, ಏದ್ ಶಕ್ತಿಯಾಯಿತ್ಂಜತೇಂಗಿಯು, 39ನನ್ನ ಕೊಡಿಕ್ ಕೊಂಡ್ ಪೋಪದಾಚೇಂಗಿಯು, ನನ್ನ ಅಡಿಕ್ ತಳ್ಳ್‌ವದಾಚೇಂಗಿಯು, ಬೋರೆ ಏದ್ ಸೃಷ್ಟಿಯಾಚೇಂಗಿಯು, ನಂಗಡ ಒಡೆಯನಾನ ಕ್ರಿಸ್ತ ಯೇಸುರ ಮೇಲೆ ಬೆಚ್ಚಿತುಳ್ಳ ದೇವಡ ಪ್ರೀತಿಯಿಂಜ ನಂಗಳ ಬೋರೆ ಮಾಡ್‌ವಕ್ ಕಯ್ಯುಲೇಂದ್ ನಿಶ್ಚಯವಾಯಿತ್ ನಂಬಿಯಂಡುಂಡ್.
Currently Selected:
ರೋಮ್ 8: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ರೋಮ್ 8
8
ಪವಿತ್ರ ಆತ್ಮತ್‍ರಗುಂಡ್ ಬಾಳುವ ಬದ್‍ಕ್
1ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ. 2ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ಉಳ್ಳ ಐಕ್ಯತ್‍ಲ್ ನಂಗಕ್ ಜೀವ ತಪ್ಪ ಪವಿತ್ರಾತ್ಮತ್‍ರ ಕಾನೂನ್, ನನ್ನ ಪಾಪ ಪಿಂಞ ಚಾವ್‍ರ ಕಾನೂನಿಂಜ ಬುಡುಗಡೆ ಮಾಡ್‍ಚಿ. 3ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗಡೊಳ್‌ಲ್ ಉಳ್ಳ ಏದು ಮಾಡ್‌ವಕ್ ಕಯ್ಯತ ಪಾಪತ್‍ರ ಗುಣತ್‍ರಗುಂಡ್, ನ್ಯಾಯಪ್ರಮಾಣಕ್ ಏದು ಮಾಡ್‌ವಕ್ ಕಯ್ಯತ ಪೋಚಿ. ಆನಗುಂಡ್ ನ್ಯಾಯಪ್ರಮಾಣ ಮಾಡ್‌ವಕ್ ಕಯ್ಯತದ್‍ನ, ನಂಗಕ್ ಮಾಡ್‌ವಕಾಯಿತ್, ದೇವ ಅಂವೊಂಡ ಮೋಂವೊನ ಪಾಪತ್‍ರ ಗುಣ ಉಳ್ಳ ನಂಗಡ ತಡಿರನೆಕೆ ಉಳ್ಳ ಶರೀರತ್‍ಲ್ ಪಿಂಞ ಅಂವೊನ ಪಾಪಕ್ ಯಾಗವಾಯಿತ್ ಅಯಿಚತ್. ಅನ್ನನೆ ಅಂವೊ ಪಾಪತ್‍ನ ತಡೀಲ್ ತೀರ್ಪ್ ಮಾಡ್‍ಚಿ. 4ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಂಗ ನಡ್‍ಕತೆ, ಪವಿತ್ರಾತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಪ ನಂಗಕ್, ನ್ಯಾಯಪ್ರಮಾಣತ್‍ರ ನೀತಿ ನೆರೆವೇರುವನೆಕೆ ದೇವ ಇನ್ನನೆ ಮಾಡ್‍ಚಿ. 5ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಡ್‍ಪಯಿಂಗ ಪಾಪತ್‍ರ ಗುಣತ್‍ಲ್ ಗೇನ ಮಾಡಿಯಂಡುಂಡ್; ಆಚೇಂಗಿ, ಪವಿತ್ರಾತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಪಯಿಂಗ ದೇವಡ ಆತ್ಮತ್‍ರನೆಕೆ ಗೇನ ಮಾಡಿಯಂಡುಂಡ್. 6ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಡ್‍ಕಂಡೂಂದ್ ಉಳ್ಳ ಗೇನ, ನಂಗಳ ಆತ್ಮೀಯ ಚಾವ್‍ಕ್ ಬಲ್‍ಚಂಡ್ ಪೋಪ; ಆಚೇಂಗಿ, ದೇವಡ ಆತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಕಂಡೂಂದ್ ಉಳ್ಳ ಗೇನ ನಂಗಳ ನೇರಾನ ಜೀವಕ್ ಪಿಂಞ ಸಮಾದಾನ ಉಳ್ಳ ಬದ್‍ಕ್‍ಕ್ ನಡ್‍ತಿಯಂಡ್ ಪೋಪ. 7ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗಡ ಪಾಪ ಗುಣತ್‍ರ ಗೇನ, ದೇವಕ್ ವಿರೋದವಾಯಿತ್ ಕ್ರಿಯೆ ಮಾಡ್‌ವ; ಆ ಪಾಪತ್‍ರ ಗುಣ ನ್ಯಾಯಪ್ರಮಾಣಕ್ ಬಗ್ಗ್‌ಚಿಡುಲೆ, ಬಗ್ಗಿಚಿಡ್‌ವಕ್ ಕಯ್ಯುವುದು ಇಲ್ಲೆ. 8ಆನಗುಂಡ್, ಪಾಪತ್‍ರ ಗುಣ ಎಣ್ಣ್‌ವನೆಕೆ ನಡ್‍ಪಯಿಂಗಕ್ ದೇವನ ಕುಶಿ ಪಡ್‍ತ್‍ವಕ್ ಕಯ್ಯುಲೆ. 9ದೇವಡ ಆತ್ಮ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗ ಪಾಪತ್‍ರ ಗುಣ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪುಲೆ, ದೇವಡ ಆತ್ಮ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪಿರ; ಕ್ರಿಸ್ತಂಡ ಆತ್ಮ ಇಲ್ಲತಂವೊ ಕ್ರಿಸ್ತಂಗ್ ಕೂಡ್‍ನಂವೊ ಅಲ್ಲ. 10ಆಚೇಂಗಿ, ಕ್ರಿಸ್ತ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗಡ ತಡಿ ಪಾಪತ್‍ರಗುಂಡ್ ಚತ್ತ್ ಪೋಯಿತ್‌ಪ್ಪ, ಆಚೇಂಗಿಯು, ನೀತಿರಗುಂಡ್ ನಿಂಗಡ ಆತ್ಮ ಬದ್‍ಕಿಯಂಡಿಪ್ಪ. 11ಅದಲ್ಲತೆ, ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊಂಡ ಆತ್ಮ ನಿಂಗಡ ಒಳ್‍ಲ್ ವಾಸಮಾಡಿಯಂಡಿಂಜತೇಂಗಿ, ಕ್ರಿಸ್ತ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊ, ನಿಂಗಡಲ್ಲಿ ವಾಸ ಮಾಡಿಯಂಡುಳ್ಳ ತಾಂಡ ಆತ್ಮತ್‍ರಗುಂಡ್ ಚತ್ತ್ ಪೋಪಕುಳ್ಳ ನಿಂಗಡ ತಡೀನ ಸಹ ಎಪ್ಪ್‌ಚಿಡುವ.
12ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ಪಾಪತ್‍ರ ಗುಣತ್‍ಲ್ ಬದ್‍ಕ್‍ವಕ್ ನಂಗ ಪಾಪತ್‍ರ ಗುಣಕ್ ಒಳಪಟ್ಟಯಿಂಗ ಅಲ್ಲ. 13ಪಾಪತ್‍ರ ಗುಣತ್‍ಲ್ ನಿಂಗ ಬದ್‍ಕಿಯಂಡ್ ಇಂಜತೇಂಗಿ, ನಿಂಗ ಚತ್ತ್ ಪೋಪಿರ; ಪವಿತ್ರಾತ್ಮತ್‍ರಗುಂಡ್ ತಡೀರ ಕ್ರಿಯೇನ ನಿಂಗ ಪಾಳ್ ಮಾಡ್‍ಚೇಂಗಿ, ನಿಂಗ ಬದ್‍ಕ್‍ವಿರ. 14ಎನ್ನಂಗೆಣ್ಣ್‌ಚೇಂಗಿ, ದೇವಡ ಆತ್ಮತ್‍ರಗುಂಡ್ ದಾರೆಲ್ಲಾ ನಡ್‍ಪ, ಅಯಿಂಗೆಲ್ಲ ದೇವಡ ಮಕ್ಕಳಾಯಿತ್ ಉಂಡ್. 15ಅನ್ನನೆ, ಪುನಃ ಬೊತ್ತಿಯಂಡ್ ಇಪ್ಪಕ್ ಅಡಿಯಾಳುವಡ ಪವಿತ್ರಾತ್ಮತ್‍ನ ಪಡಯತೆ, ಅಪ್ಪಾ ಪಪ್ಪಾಂದ್ ಕಾಕ್‌ವಕುಳ್ಳ ಮಕ್ಕಡ ಹಕ್ಕ್‌ರ ಆತ್ಮತ್‌ನ ನಿಂಗ ಪಡ್ಂದಿರ. 16ನಂಗ ದೇವಡ ಮಕ್ಕಾಂದ್ ಪವಿತ್ರಾತ್ಮವೇ ನಂಗಡ ಆತ್ಮತ್‍ರ ಕೂಡೆ ಸಾಕ್ಷಿ ಎಣ್ಣಿಯಂಡುಂಡ್. 17ಇಕ್ಕ, ನಂಗ ಮಕ್ಕಾಳಾಯಿತ್ಂಜತೇಂಗಿ ಬಾದ್ಯೆತೆಕಾರಂಗಳಾಯಿತ್ ಉಂಡ್, ದೇವಡ ಹಕ್ಕ್‌ದಾರಂಗಳು, ಕ್ರಿಸ್ತಂಡ ಕೂಡೆ ಹಕ್ಕ್‌ದಾರಂಗಳಾಯಿತುಂಡ್, ಕ್ರಿಸ್ತಂಡ ಕೂಡೆ ಕಷ್ಟಪಟ್ಟತೇಂಗಿ, ಅಂವೊಂಡ ಕೂಡೆ ನಂಗಳು ಸಹ ಮಹಿಮೆನ ಪಡೆಯುವ.
ಬಪ್ಪಕುಳ್ಳ ಮಹಿಮೆ
18ಆನಗುಂಡ್, ಮಿಂಞಕ್ ನಂಗಕ್ ಕ್‍ಟ್ಟ್‌ವಕುಳ್ಳ ಮಹಿಮೆನ ಗೇನ ಮಾಡ್‍ಚೇಂಗಿ, ಇಕ್ಕತ್‍ರ ಕಷ್ಟವೆಲ್ಲ ಅದ್ಂಡಕೂಡೆ ಹೋಲಿಕೆ ಮಾಡ್‌ವಕ್ ಕಯ್ಯುಲೇಂದ್ ಗೇನ ಮಾಡ್‌ವಿ. 19ದೇವಡ ಮಕ್ಕ ದಾರ್‍ೕಂದ್ ಎಲ್ಲಾರ್‌ಕು ಗೊತ್ತಾಪಕಾಯಿತ್, ದೇವಡ ಎಲ್ಲಾ ಸೃಷ್ಟಿಯು ಬಾರಿ ಕುಶೀಲ್ ಪಾರಕಾತಂಡುಂಡ್. 20ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾ ಸೃಷ್ಟಿಯ ಅದ್ಂಡ ಕುಶೀರನೆಕೆ ಮಾಡತೆ, ದೇವಡ ಶಾಪಕ್ ಒಳಪಟ್ಟಿತುಂಡ್. 21ಆನಗುಂಡ್ ಆ ಸೃಷ್ಟಿಯೆಲ್ಲ, ನಾಶವಾಯಿತ್ ಪಾಳಾಯಿ ಪೋಪದಿಂಜ ಬುಡುಗಡೆ ಆಯಿತ್, ದೇವಡ ಮಕ್ಕ ಮಹಿಮೆಲ್ ಪ್ರತ್ಯಕ್ಷ ಆಪಕ ಕ್‍ಟ್ಟುವ ಮಹಿಮೆನ ಪಡೆಯುವಾಂದ್ ನಿರಿಕ್ಷೇಲ್ ದೇವಡಗುಂಡ್ ಅಡಕತ್‍ಲ್ ಉಂಡ್.
22ಅನ್ನನೆ ಎಲ್ಲಾ ಸೃಷ್ಟಿಯಳು ನಂಗಕ್ ಗೊತ್ತುಳ್ಳನೆಕೆ, ಇಲ್ಲಿಕತ್ತನೆ ಒಕ್ಕಚೆ ನೆರ್ಂಗಿಯಂಡ್, ಕೆಲಕರ್ತಿ ಪೆರುವ ನೊಂಬಲತ್‍ರನೆಕೆ ನೊಂಬಲ ಪಟ್ಟಂಡುಂಡ್. 23ಅದ್ ಮಾತ್ರ ಅಲ್ಲತೆ, ಪವಿತ್ರಾತ್ಮತ್‍ರ ಆದ್ಯ ಫಲ ಕ್‍ಟ್ಟ್‌ನ ನಂಗ ಸಹ, ನಂಗಡ ತಡೀರ ವಿಮೋಚನವಾನ ಮಕ್ಕಡ ಹಕ್ಕ್ ಬಪ್ಪಕಾಯಿತ್ ನಂಗಡ ಒಳ್‍ಲ್ ನೆರೆಂಗಿಯಂಡುಂಡ್. 24ಆ ನಿರೀಕ್ಷೆಯಿಂಜ ನಂಗಕ್ ರಕ್ಷಣೆ ಕ್‍ಟ್ಟ್‌ಚಿ. ಕಾಂಬಕ್ ಕಯ್ಯುವ ವಿಷಯತ್‍ಲ್ ನಿರಿಕ್ಷೇಲ್ ಇಪ್ಪದ್ ನಿರೀಕ್ಷೆ ಅಲ್ಲ; ಒಬ್ಬ ಕಾಂಬಕ್ ಕಯ್ಯುವ ವಿಷಯತ್‍ಲ್ ನಿರೀಕ್ಷೆ ಮಾಡಂಡೂಂದ್ ಎಂತ ಉಂಡ್? 25ನಂಗ ಕಾಂಗತ ವಿಷಯಕ್ ನಿರಿಕ್ಷೇಲ್ ಇಂಜತೇಂಗಿ, ಅದ್ಂಗಾಯಿತ್ ನಂಗ ತಾಳ್ಮೆಲ್ ಪಾರಕಾತಂಡಿಪ್ಪ.
26ಅನ್ನನೆ, ನಂಗ ತಳ್ಂದ್ ಪೋಯಿತಿಪ್ಪಕ, ಪವಿತ್ರಾತ್ಮ ನಂಗಕ್ ಸಹಾಯ ಮಾಡ್‌ವ. ನಂಗಕ್ ಏದ್ ರೀತಿಲ್ ಪ್ರಾರ್ಥನೆ ಮಾಡಂಡೂಂದ್ ಗೊತ್ತಿಲ್ಲತಗುಂಡ್, ಪವಿತ್ರಾತ್ಮ ನಂಗಕಾಯಿತ್ ಬಾಕ್‍ಲ್ ಎಣ್ಣುವಕ್ ಕಯ್ಯತನೆಕೆ ನೆರ್ಂಗಿಯಂಡ್ ಬೋಡಿಯಂಡುಂಡ್. 27ದೇವಡ ಚಿತ್ತತ್‍ರನೆಕೆ ಪವಿತ್ರಾತ್ಮ ದೇವಡ ಮಕ್ಕಕಾಯಿತ್ ಬೋಡಿಯಂಡುಳ್ಳಾಂಗ್, ಹೃದಯತ್‍ನ ನೋಟಿಯಂಡುಳ್ಳ ದೇವಕ್, ಪವಿತ್ರಾತ್ಮತ್‍ರ ಗೇನ ಎಂತ್‍ೕಂದ್ ಗೊತ್ತುಂಡ್.
ಎಕ್ಕಾಲು ಜಯತ್‍ಲ್ ಬದ್‍ಕ್‍ವದ್
28ಇದ್‍ಲ್ಲತೆ, ಅಂವೊಂಡ ತೀರ್ಮಾನತ್‍ರ ಪ್ರಕಾರ ಕಾಕ್‍ನಯಿಂಗಳಾಯಿತ್, ಅಂವೊನ ಪ್ರೀತಿಚಿಡ್‌ವಯಿಂಗಕ್ ಎಲ್ಲಾ ನಲ್ಲದಾಯಿತೇ ದೇವ ಮಾಡ್‌ವಾಂದ್ ನಂಗಕ್ ಗೊತ್ತುಂಡ್. 29ದೇವ ತಾಂಡ ದುಂಬ ಮಕ್ಕಡಲ್ಲಿ ತಾಂಡ ಮೋಂವೊ ಆದ್ಯಂವೊನಾಯಿತಿಪ್ಪಕಾಯಿತ್, ದೇವ ದಾರ್‌ನ ಮಿಂಞಲೇ ಗೊತ್ತ್ ಮಾಡ್‍ಚೋ, ಅಯಿಂಗಳ ತಾಂಡ ಮೋಂವೊಂಡ ರೂಪತ್‍ರನೆಕೆ ಇಪ್ಪಕಾಯಿತ್ ಮಿಂಞಲೇ ತೀರ್ಮಾನ ಮಾಡ್‍ಚಿ. 30ದಾರ್‌ನ ಅಂವೊ ಮಿಂಞಲೇ ಗೊತ್ತ್ ಮಾಡ್‍ಚೋ ಅಯಿಂಗಳ ಕಾಕ್‌ಚಿಟ್ಟತ್; ದಾರ್‌ನ ಕಾಕ್‍ಚಿಟ್ಟತೋ ಅಯಿಂಗಳ ನೀತಿವಂತಯಿಂಗಳಾಯಿತ್ ಮಾಡ್‍ಚಿ; ದಾರ್‌ನ ನೀತಿವಂತಯಿಂಗಳಾಯಿತ್ ಮಾಡ್‍ಚೋ ಅಯಿಂಗಕ್ ತಾಂಡ ಮಹಿಮೆನ ಕೊಡ್‍ತತ್.
31ಇದ್ಂಡ ವಿಷಯತ್ ನಂಗ ಎಂತ ಎಣ್ಣಡ್? ದೇವ ನಂಗಡ ಪಕ್ಕ ಇಂಜತೇಂಗಿ ನಂಗಕ್ ವಿರೋದವಾಯಿತ್ ಬಪ್ಪಂವೊ ದಾರ್? 32ದೇವ ತಾಂಡ ಸ್ವಂತ ಮೋಂವೋಂದ್ ಸಹ ನೋಟತೆ, ನಂಗ ಎಲ್ಲಾರ್‍ಕಾಯಿತ್ ಅಂವೊನ ಒಪ್ಪ್‌ಚಿಟ್ಟಕ, ಅಂವೊಂಡ ಕೂಡೆ ಬೋರೆ ಎಲ್ಲಾನ ಸಹ ಕೃಪೆಯಾಯಿತ್ ನಂಗಕ್ ತರತೆ ಇಪ್ಪದ್ ಎನ್ನನೆ? 33ದೇವ ಗೊತ್ತ್ ಮಾಡ್‍ನಯಿಂಗಡ ಮೇಲೆ ಕುತ್ತ ಪರಿಯುವಯಿಂಗ ದಾರ್? ದೇವನೇ ಅಯಿಂಗಳ ನೀತಿವಂತಯಿಂಗಳಾಯಿತ್ ಮಾಡ್‍ಚಿ. 34ಅಕ್ಕ, ತೀರ್ಪ್ ಮಾಡ್‌ವಯಿಂಗ ದಾರ್? ಕ್ರಿಸ್ತನೇ ನಂಗಕಾಯಿತ್ ಚತ್ತಂವೊ. ಅಲ್ಲತೆ, ಅಂವೊನೇ ನಂಗಕಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಂದಂವೊ. ಅಂವೊನೇ ದೇವಡ ಬಲ್‌ತೆ ಬರಿಲ್ ಅಳ್‌ತಂಡಿಪ್ಪಂವೊ, ನಂಗಕಾಯಿತ್ ದೇವಡ ಪಕ್ಕ ಬೋಡುವಂವೊನು ಅಂವೊನೇ. 35ಕಷ್ಟತ್‍ಲ್ ಇಂಜತೇಂಗಿಯು, ನೊಂಬಲತ್‍ಲ್ ಇಂಜತೇಂಗಿಯು, ಹಿಂಸೆ ಬಾತೇಂಗಿಯು, ಕೆಲ ಪಯಿಚಂಡ್ ಇಂಜತೇಂಗಿಯು, ಬಟ್ಟೆ ಇಲ್ಲತೆ ಇಂಜತೇಂಗಿಯು, ಅಪಾಯ ಬಾತೇಂಗಿಯು, ಬಾಳ್ ಕತ್ತಿ ನಂಗಕ್ ವಿರೋದವಾಯಿತ್ ಬಾತೇಂಗಿಯು, ಕ್ರಿಸ್ತಂಡ ಪ್ರೀತಿಯಿಂಜ ನಂಗಳ ಬೋರೆ ಮಾಡ್‌ವಂವೊ ದಾರ್? 36ಒಳ್‍ದಿತುಳ್ಳನೆಕೆ,
ನೀಡಗುಂಡ್ ಜನ ನಂಗಳ ಕೊಲ್ಲುವಕ್ ಎಕ್ಕಾಲು ಬಂದಂಡುಂಡ್;
ಕೊಲ್ಲುವಕ್ ಕಾಕಿಯಂಡ್ ಪೋಪ ಆಡ್‍ರನೆಕೆ ನಂಗಳ ನೋಟಿಯಂಡುಂಡ್‍ೕಂದ್ ಆಚಿ.#8.36 ದೇವಡ ಪಾಟ್ 44.22
37ನಂಗ, ನಂಗಳ ಪ್ರೀತಿಮಾಡ್‌ವಂವೊಂಡ ಮೂಲಕ ನಂಗಕ್ ಬಪ್ಪ ಇದ್‍ನೆಲ್ಲ, ಪೂರ್ತಿಯಾಯಿತ್ ಗೆದ್ದಂಡುಂಡ್. 38ಎನ್ನನೆ ಎಣ್ಣ್‌ಚೇಂಗಿ ಚಾವ್ ನಂಗಕ್ ಬಾತೇಂಗಿಯು, ಜೀವ ಕ್‍ಟ್ಟ್‌ವದಾಚೇಂಗಿಯು, ದೇವದೂತಂಗಳಾಚೇಂಗಿಯು, ದೆವ್ವ ಲೋಕತ್‍ರಯಿಂಗಳಾಚೇಂಗಿಯು, ಇಕ್ಕ ಆಯಂಡುಳ್ಳದಾಚೇಂಗಿಯು, ಬಪ್ಪಕುಳ್ಳ ವಿಷಯವಾಚೇಂಗಿಯು, ಏದ್ ಶಕ್ತಿಯಾಯಿತ್ಂಜತೇಂಗಿಯು, 39ನನ್ನ ಕೊಡಿಕ್ ಕೊಂಡ್ ಪೋಪದಾಚೇಂಗಿಯು, ನನ್ನ ಅಡಿಕ್ ತಳ್ಳ್‌ವದಾಚೇಂಗಿಯು, ಬೋರೆ ಏದ್ ಸೃಷ್ಟಿಯಾಚೇಂಗಿಯು, ನಂಗಡ ಒಡೆಯನಾನ ಕ್ರಿಸ್ತ ಯೇಸುರ ಮೇಲೆ ಬೆಚ್ಚಿತುಳ್ಳ ದೇವಡ ಪ್ರೀತಿಯಿಂಜ ನಂಗಳ ಬೋರೆ ಮಾಡ್‌ವಕ್ ಕಯ್ಯುಲೇಂದ್ ನಿಶ್ಚಯವಾಯಿತ್ ನಂಬಿಯಂಡುಂಡ್.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)