ಜ್ಞಾನತ್‌ರ ಪಡಿಮ 12
12
1ಬುದ್ದಿತಕ್ಕ್‌ನ ಪ್ರೀತಿಚಿಡುವಂವೊ, ಅರಿವುನ ಕುಶಿ ಪಡುವ. ಆಚೇಂಗಿ ಎಚ್ಚರ ತಕ್ಕ್‌ನ ದ್ವೇಷ ಮಾಡ್‌ವಂವೊ ಬುದ್ದಿಯಿಲ್ಲತಂವೊನಾಯಿತುಂಡ್.
2ನಲ್ಲ ಮನುಷ್ಯಂಗ್‌ ಯೆಹೋವಂಡ ದಯೆ ಇಪ್ಪ. ಆಚೇಂಗಿ ಕೆಟ್ಟ ಗೇನ ಉಳ್ಳಂವೊಂಗ್‌ ದಂಡನೆ ಕ್‌ಟ್ಟುವ .
3ದುಷ್ಟತನತ್‌ರಗುಂಡ್‌ ಒರ್‌ ಮನುಷ್ಯ ನೆಲೆ ಆಪುಲೆ. ಆಚೇಂಗಿ ನೀತಿವಂತಯಿಂಗಡ ಬೇರ್‌ ಅನ್‌ಂಗ್‌ಲೆ.
4ನಲ್ಲ ಗುಣವುಳ್ಳ ಪೊಣ್ಣ್‌ ಅವಡ ವಡಿಯಂಗ್‌ ಕಿರೀಟವಾಯಿತ್‌ಪ್ಪ. ಆಚೇಂಗಿ ಞಾಣ ಇಲ್ಲತ ಪೊಣ್ಣ್‌ ವಡಿಯಂಡ ಮೂಳೆಕ್‌ ಕೀಂಜಿ ಬಂದನೆಕೆ ಇಪ್ಪ.
5ನೀತಿವಂತಂವೊಂಡ ಗೇನ ನ್ಯಾಯವಾಯಿತಿಪ್ಪ. ಆಚೇಂಗಿ ದುಷ್ಟ ಜನಡ ಆಲೋಚನೆ ವಂಚನೆ ಉಳ್ಳದಾಯಿತಿಪ್ಪ.
6ದುಷ್ಟಂಗಡ ತಕ್ಕ್‌ ಬೋರೆಯಿಂಗಳ ಕೊಲ್ಲ್‌ವಕ್‌ ಪದ್‌ಂಗಿ ಇಪ್ಪನೆಕೆ ಇಪ್ಪ. ಆಚೇಂಗಿ ಸತ್ಯವಂತಯಿಂಗಡ ತಕ್ಕ್‌ ಅಯಿಂಗಳ ಕಾಪಾಡುವ.
7ದುಷ್ಟ ಜನ ಪಾಳಾಯಿತ್‌ ಕಾಂಗತೆ ಆಯಿಪೋಪ, ಆಚೇಂಗಿ ನೀತಿವಂತಂಯಿಂಗಡ ಮನೆ ಸ್ತಿರವಾಯಿತ್‌ ನಿಪ್ಪ.
8ಬುದ್ದಿವಂತಂವೊಂನ ಅಂವೊಂಡ ಬುದ್ದಿಕ್‌ ತಕ್ಕಂತೆ ಹೊಗೊಳುವ, ಆಚೇಂಗಿ ಕಪಟಿನ ತ್‌ಕ್ಕಾರ ಮಾಡುವ.
9ಬಲ್ಯ ಮನುಷ್ಯಂಡನೆಕೆ ಕಾಂಬ್‌ಚಿಟ್ಟಂಡ್‌ ಉಂಬಕ್‌ ಕೂಳಿಲ್ಲತೆ ಇಪ್ಪಕಿಂಜಿ, ಸಾದಾರಣಂವೊನಾಯಿತ್‌ ಇಂಜಂಡ್‌ ಪಣಿಕಾರನಾಯಿತುಳ್ಳಂವೊ ಮೇಲ್.
10ನೀತಿವಂತಂವೊ ಅಂವೊಂಡ ಪ್ರಾಣಿಯಡ ಜೀವತ್‌ನ ಕಾಪಾಡುವ, ಆಚೇಂಗಿ ದುಷ್ಟ ಜನತ್‌ರ ಕನಿಕರ ಕ್ರೂರವಾಯಿತ್‌ಪ್ಪ.
11ತಾಂಡ ಬೇಲ್‌ಲ್‌ ಕಷ್ಟಪಟ್ಟಿತ್‌ ನಯಿಪಂವೊಂಗ್‌ ಬೋಂಡಿಯಚ್ಚಕ್‌ ಆಹಾರ ಇಪ್ಪ. ಆಚೇಂಗಿ ಪ್ರಯೋಜನ ಇಲ್ಲತ ಕಾರ್ಯತ್‌ಲ್‌ ನೇರತ್‌ನ ಕಳೆಯುವಂವೊ ದಡ್ಡ.
12ದುಷ್ ಜನ ಅಯಿಂಗಡ ದುಷ್ಟತ್ತನತಿಂಜ ಕ್‌ಟ್ಟುವದ್‌ಲ್‌ ಕುಶಿ ಪಡುವ. ಆಚೇಂಗಿ ನೀತಿವಂತಂವೊಂಡ ಬೇರ್‌ ಫಲ ತಪ್ಪ.
13ದುಷ್ಟ ತಾಂಡ ತಕ್ಕ್‌ಯಿಂಜಲೇ ಚಿಕ್ಕಿ ಪೋಪ, ಆಚೇಂಗಿ ನೀತಿವಂತಂವೊ ಇಕ್ಕಟ್ಯಿಂಜ ಬಚಾವ್‌ ಆಪ.
14ಒಬ್ಬೊಬ್ಬನು ಅಂವೊಂಡ ನಲ್ಲ ತಕ್ಕ್‌ರ ಫಲತ್‌ರಗುಂಡ್‌ ತೃಪ್ತಿಯಾಪ. ಅನ್ನನೆ ಒಬ್ಬೊಬ್ಬ ಕೆಯ್ಯುವ ಪಣಿಕ್‌ ತಕ್ಕ ಫಲ ಅಂವೊಂಗ್‌ ಕ್‌ಟ್ಟುವ.
15ಒರ್‌ ಮೂಡಂಡ ನಡ್‌ತೆ ಅಂವೊಂಡ ದೃಷ್ಟಿಲ್‌ ಸೆರಿಯಾನದಾಯಿತ್‌ ಇಪ್ಪ. ಆಚೇಂಗಿ ಜ್ಞಾನ ಉಳ್ಳಂವೊ ಅಲೋಚೆನೆಕ್‌ ಕೆಮಿ ಕೊಡ್‌ಪ.
16ಒರ್‌ ಮೂಡ ತಾಂಡ ಚೆಡಿನ ಬೆರಿಯ ಕಾಟುವ, ಆಚೇಂಗಿ ವಿವೇಕ ಉಳ್ಳಂವೊ ಅವಮಾನತ್‌ನ ಅಡಕ್‌ವ.
17ಸತ್ಯತ್‌ನೇ ಪರಿಯುವಂವೊ ನೀತಿನ ಕಾಂಬ್‌ಚಿಡುವ. ಆಚೇಂಗಿ ಪೊಟ್ಟ್‌ ಸಾಕ್ಷಿ ಎಣ್ಣ್‌ವಂವೊ ವಂಚನೆನ ಕಾಂಬ್‌ಚಿಡುವ.
18ದುಡ್‌ಕಿತ್‌ ಪರಿಯುವ ತಕ್ಕ್‌ ಕತ್ತಿರನೆಕೆ ನೊಂಬಲ ತಪ್ಪ, ಆಚೇಂಗಿ ಜ್ಞಾನಿರ ತಕ್ಕ್‌ ಮದ್ದ್‌ರನೆಕೆ ಸೌಕ್ಯ ತಪ್ಪ.
19ಸತ್ಯತ್‌ನ ಪರಿವ ತುಟಿ ಎಕ್ಕಾಲು ಉಳಿಯುವ. ಆಚೇಂಗಿ ಪೊಟ್ಟ್‌ಪರಿಯುವ ನಾವ್‌ ಕ್ಷಣತ್‌ ಮಾತ್‌ರ ಇಪ್ಪ.
20ಕ್‍ೕಡ್‌ನ ಗೇನ ಮಾಡುವಯಿಂಗಡ ಹೃದಯತ್‌ಲ್‌ ವಂಚನೆ ಇಪ್ಪ. ಆಚೇಂಗಿ ಸಮಾದಾನ ಪಡ್‌ತುವ ಆಲೋಚನೆಕಾರಂಗಕ್‌ ಸಂತೋಷ ಕ್‌ಟ್ಟುವ.
21ನೀತಿವಂತಂವೊಂಗ್‌ ಏದ್‌ ಕ್‍ೕಡ್‌ ಬಪ್ಪುಲೆ, ಆಚೇಂಗಿ ದುಷ್ಟಂಗಕ್‌ ಕಷ್ಟ ದುಂಬಿತ್‌ಪ್ಪ.
22ಪೊಟ್ಟ್‌ ಪರಿಯುವ ತುಟಿ ಯೆಹೋವಂಗ್‌ ಅಸಹ್ಯವಾನದ್. ಆಚೇಂಗಿ ಸತ್ಯವಂತಯಿಂಗಳ ಅಂವೊಂಗ್‌ ದುಂಬ ಕುಶಿ.
23ವಿವೇಕ ಉಳ್ಳಂವೊ ಅಂವೊಂಡ ಅರಿವುನ ಅಡಕಿ ಬೆಪ್ಪ. ಆಚೇಂಗಿ ಮೂಡ ತಾನ್‌ ದಡ್ಡ ಎಣ್ಣಿಯಂಡ್‌ ಪ್ರಕಟಿಚಿಡುವ.
24ಎಚ್ಚರತ್‌ಲ್‌ ಕೆಲಸ ಮಾಡ್‌ವಂವೊ ಆಳ್‌ವಿಕೆ ಮಾಡುವ. ಆಚೇಂಗಿ, ಸೋಮಾರಿ ಅಡಿಯಾಳಪ.
25ಬೇಜಾರ್‌ಲ್‌ ಇಪ್ಪ ಮನಸ್ಸ್‌ ಒಬ್ಬನ ತಾತುವ, ಆಚೇಂಗಿ ಕನಿಕರತ್‌ರ ತಕ್ಕ್‌ ಒಬ್ಬನ ಕುಶಿಪಡ್‌ತುವ.
26ನೀತಿವಂತಂವೊ ಕೇಡ್‌ಂಜ ದೂರ ಮಾಡುವ. ಆಚೇಂಗಿ ದುಷ್ಟಂಗಡ ಬದ್‌ಕ್‌ ಅಯಿಂಗಳ ಬಟ್ಟೆ ತಪ್ಪಿ ಪೋಪನೆಕೆ ಮಾಡುವ.
27ಸೋಮಾರಿ ತಾನ್‌ ಬೋಟೆಯಾಡ್‌ನಾನ ಸಹ ಅಡುಗೆ ಮಾಡುಲೆ, ಆಚೇಂಗಿ ಎಚ್ಚರತ್‌ಲ್‌ ಕೆಲಸ ಮಾಡ್‌ವಂವೊಂಗ್‌ ಐಶ್ವರ್ಯ ಕ್‌ಟ್ಟುವ.
28ನೀತಿರ ಬಟ್ಟೆಲ್‌ ಜೀವವುಂಡ್, ಆ ಬಟ್ಟೆಲ್‌ ಚಾವ್‌ ಇಲ್ಲೆ.
Currently Selected:
ಜ್ಞಾನತ್‌ರ ಪಡಿಮ 12: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
