ಗಲಾತ್ಯ ಮುನ್ನುಡಿ
ಮುನ್ನುಡಿ
ಯೇಸು ಕ್ರಿಸ್ತಂಡ ನಲ್ಲ ಸುದ್ದಿ ಯೆಹೂದ್ಯಂಗಲ್ಲತ ದೇಶಕ್ ಪೋಪಕ, ಯೇಸುನ ನಂಬಿತ್ ದೇವಡ ಮಕ್ಕಳಾಯಿತ್ ಆಪಕ್, ಮೋಶೇಕ್ ಕ್‍ಟ್ಟ್‌ನ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರನೆಕೆ ಮಾಡಂಡುವಾಂದ್ ದುಂಬ ಜನ ಪೇಚಾಡಿಯಂಡಿಂಜತ್. ಆಚೇಂಗಿ, ಅನ್ನನೆ ಬೋಂಡಾಂದ್ ಪೌಲ ಬೋದನೆ ಮಾಡ್‍ಚಿ. ದೇವಡ ಮಕ್ಕಳಾಯಿತ್ ಆಪಕ್ ಅಂವೊಂಡ ಮೋಂವೊನಾನ ಯೇಸುರ ಮೇಲೆ ಬೆಪ್ಪ ನಂಬಿಕೆ ಮಾತ್ರ ಮದೀಂದ್ ಕಂಡಿತವಾಯಿತ್ ಎಣ್ಣ್‌ಚಿ. ಆಸ್ಯ ಮೈನರ್ ಪ್ರಾಂತ್ಯತ್‍ಲ್ ಉಳ್ಳ ಗಲಾತ್ಯ ಸಬೇಲ್ ಪೌಲಂಡ ತಕ್ಕ್‌ಕ್ ವಿರೋದವಾಯಿತ್ ಯೆಹೂದ್ಯ ಕ್ರಿಸ್ತಂಗ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ. ಅಯಿಂಗ: ಒಬ್ಬ ದೇವಡ ಕುಂಞಿ ಆಪಕ್, ಯೆಹೂದ್ಯಂಗಡ ನ್ಯಾಯಪ್ರಮಾಣ ಎಣ್ಣ್‌ವನೆಕೆ ಮಾಡಂಡು, ಅನ್ನನೆ ಮಾಡ್‍ಚೇಂಗಿ ಅಂವೊಂಗ್ ದೇವಡ ನೀತಿ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ. ಆನಗುಂಡ್ ಪೌಲ, ಗಲಾತ್ಯ ಪ್ರಾಂತ್ಯತ್‍ಲ್ ಉಳ್ಳ ಸಬೆರ ಜನ ನೇರಾನ ನಂಬಿಕೇಕ್ ಬರಂಡೂಂದ್, ಸರಿಯಾನ ಬೋದನೆ ತಪ್ಪಕಾಯಿತ್ ಇದ್‍ನ ಒಳ್‍ದ್‍ಚಿ. ಪೌಲ, ಅಂವೊ ಎನ್ನನೆ ಅಪೊಸ್ತಲನಾಚೀಂದೂ, ಅಂವೊಂಡ ಅದಿಕಾರ ಎಲ್ಲಿಂಜ ಬಂದಂಡುಂಡ್‍ೕಂದೂ ಇಲ್ಲಿ ಎಣ್ಣುವ. ಒರ್ ಮನುಷ್ಯಂಡ ಅದಿಕಾರತ್ಂಜ ಅಂವೊ ಅಪೊಸ್ತಲನಾಯಿತ್‌ಲ್ಲೆ, ದೇವ ಅಂವೊನ ಯೆಹೂದ್ಯಂಗಲ್ಲತ ಜನಕ್ ಯೇಸುರ ನಲ್ಲ ಸುದ್ದಿನ ಎಣ್ಣಿತ್ ಅಯಿಂಗಳ ದೇವಡ ಮಕ್ಕಳಾಯಿತ್ ನಡ್‍ತುವಕ್ ದೇವ ಅಂವೊನ ಕಾಕ್‍ಚೀಂದ್ ಎಣ್ಣುವ. ಯೇಸು ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್, ದೇವಡ ಮಕ್ಕಡ ಬದ್‍ಕ್ ಬೋರೆಯಿಂಗಡ ಕೂಡೆ ಪ್ರತಿಲ್ ಇಪ್ಪಾಂದ್ ಈ ಕಾಗದತ್‍ರ ಆಕೀರ್‌ಲ್ ಎಣ್ಣಿ ತಪ್ಪ.
ವಂದನೆ 1.1–10
ಪೌಲಂಡ ಅಪೊಸ್ತಲ ಅದಿಕಾರ 1.11–2.21
ದೇವಡ ಕೃಪೇರ ನಲ್ಲ ಸುದ್ದಿ 3.1–4.31
ಕ್ರಿಸ್ತಂಗಡ ಆಶೀರ್ವಾದ ಪಿಂಞ ಜವಾಬ್ದಾರಿ 5.1–6.10
ಆಕೀರ್ ವಂದನೆ 6.11–18
Currently Selected:
ಗಲಾತ್ಯ ಮುನ್ನುಡಿ: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಗಲಾತ್ಯ ಮುನ್ನುಡಿ
ಮುನ್ನುಡಿ
ಯೇಸು ಕ್ರಿಸ್ತಂಡ ನಲ್ಲ ಸುದ್ದಿ ಯೆಹೂದ್ಯಂಗಲ್ಲತ ದೇಶಕ್ ಪೋಪಕ, ಯೇಸುನ ನಂಬಿತ್ ದೇವಡ ಮಕ್ಕಳಾಯಿತ್ ಆಪಕ್, ಮೋಶೇಕ್ ಕ್‍ಟ್ಟ್‌ನ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರನೆಕೆ ಮಾಡಂಡುವಾಂದ್ ದುಂಬ ಜನ ಪೇಚಾಡಿಯಂಡಿಂಜತ್. ಆಚೇಂಗಿ, ಅನ್ನನೆ ಬೋಂಡಾಂದ್ ಪೌಲ ಬೋದನೆ ಮಾಡ್‍ಚಿ. ದೇವಡ ಮಕ್ಕಳಾಯಿತ್ ಆಪಕ್ ಅಂವೊಂಡ ಮೋಂವೊನಾನ ಯೇಸುರ ಮೇಲೆ ಬೆಪ್ಪ ನಂಬಿಕೆ ಮಾತ್ರ ಮದೀಂದ್ ಕಂಡಿತವಾಯಿತ್ ಎಣ್ಣ್‌ಚಿ. ಆಸ್ಯ ಮೈನರ್ ಪ್ರಾಂತ್ಯತ್‍ಲ್ ಉಳ್ಳ ಗಲಾತ್ಯ ಸಬೇಲ್ ಪೌಲಂಡ ತಕ್ಕ್‌ಕ್ ವಿರೋದವಾಯಿತ್ ಯೆಹೂದ್ಯ ಕ್ರಿಸ್ತಂಗ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ. ಅಯಿಂಗ: ಒಬ್ಬ ದೇವಡ ಕುಂಞಿ ಆಪಕ್, ಯೆಹೂದ್ಯಂಗಡ ನ್ಯಾಯಪ್ರಮಾಣ ಎಣ್ಣ್‌ವನೆಕೆ ಮಾಡಂಡು, ಅನ್ನನೆ ಮಾಡ್‍ಚೇಂಗಿ ಅಂವೊಂಗ್ ದೇವಡ ನೀತಿ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ. ಆನಗುಂಡ್ ಪೌಲ, ಗಲಾತ್ಯ ಪ್ರಾಂತ್ಯತ್‍ಲ್ ಉಳ್ಳ ಸಬೆರ ಜನ ನೇರಾನ ನಂಬಿಕೇಕ್ ಬರಂಡೂಂದ್, ಸರಿಯಾನ ಬೋದನೆ ತಪ್ಪಕಾಯಿತ್ ಇದ್‍ನ ಒಳ್‍ದ್‍ಚಿ. ಪೌಲ, ಅಂವೊ ಎನ್ನನೆ ಅಪೊಸ್ತಲನಾಚೀಂದೂ, ಅಂವೊಂಡ ಅದಿಕಾರ ಎಲ್ಲಿಂಜ ಬಂದಂಡುಂಡ್‍ೕಂದೂ ಇಲ್ಲಿ ಎಣ್ಣುವ. ಒರ್ ಮನುಷ್ಯಂಡ ಅದಿಕಾರತ್ಂಜ ಅಂವೊ ಅಪೊಸ್ತಲನಾಯಿತ್‌ಲ್ಲೆ, ದೇವ ಅಂವೊನ ಯೆಹೂದ್ಯಂಗಲ್ಲತ ಜನಕ್ ಯೇಸುರ ನಲ್ಲ ಸುದ್ದಿನ ಎಣ್ಣಿತ್ ಅಯಿಂಗಳ ದೇವಡ ಮಕ್ಕಳಾಯಿತ್ ನಡ್‍ತುವಕ್ ದೇವ ಅಂವೊನ ಕಾಕ್‍ಚೀಂದ್ ಎಣ್ಣುವ. ಯೇಸು ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್, ದೇವಡ ಮಕ್ಕಡ ಬದ್‍ಕ್ ಬೋರೆಯಿಂಗಡ ಕೂಡೆ ಪ್ರತಿಲ್ ಇಪ್ಪಾಂದ್ ಈ ಕಾಗದತ್‍ರ ಆಕೀರ್‌ಲ್ ಎಣ್ಣಿ ತಪ್ಪ.
ವಂದನೆ 1.1–10
ಪೌಲಂಡ ಅಪೊಸ್ತಲ ಅದಿಕಾರ 1.11–2.21
ದೇವಡ ಕೃಪೇರ ನಲ್ಲ ಸುದ್ದಿ 3.1–4.31
ಕ್ರಿಸ್ತಂಗಡ ಆಶೀರ್ವಾದ ಪಿಂಞ ಜವಾಬ್ದಾರಿ 5.1–6.10
ಆಕೀರ್ ವಂದನೆ 6.11–18
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)